Mika 7:11 - Baiboly Katolika

¹¹ Ho avy ny andro hananganana ny mandanao indray; amin’izany andro izany hofoanana ny didy.

Baiboly Protestanta Malagasy 2011

¹¹ E, ny andro hananganana ny mandanao, fa amin’izany andro izany dia hitarina ny faritrao.

DIEM PROTESTANTA

¹¹ Ho avy ny andro hananganana indray ny màndan’ny renivohitrao, ry Joda; ka amin’izany andro izany, dia hitarina lavitra kokoa ny faritry ny taninao.

Dikateny Iombonana Eto Madagasikara

¹¹ Ho avy ny andro hananganana indray ny màndan’ny renivohitrao, ry Joda; ka amin’izany andro izany, dia hitarina lavitra kokoa ny faritry ny taninao.

Baiboly Protestanta Malagasy

¹¹ He ny andro hananganana ny màndanao! Amin’izany andro izany dia hitarina ny faritra.

Malagasy Bible

¹¹ He ny andro hananganana ny mandanao! Amin'izany andro izany dia hitarina ny faritra.

La Bible en Malgache

¹¹ E, ny andro hananganana ny mandanao, fa amin’izany andro izany dia hitarina ny faritrao.

Mika 7:11 Rohy Ifampitohizana

Nehemia 2:17

Nony inona, dia hoy aho tamin’izy ireo: «Hitanareo ny toetra mahonena mahazo antsika, fa rava ity Jerosalema, ary levon’ny afo ny vavahady. Koa andeha hatsangantsika ny mandan’i Jerosalema, dia tsy ho fandatsa intsony isika.»

Nehemia 2:8

ary taratasy anankiray koa ho an’i Asafa mpitandrina ny alan’ny mpanjaka, mba hanomezany hazo ahy, hanaovako sakamandimby hatao amin’ny varavaran’ny trano mimanda manolotra ny tempoly sy hatao amin’ny mandan’ny tanàna, mbamin’ny trano hihatahako.» Dia nomen’ny mpanjaka ahy izany, fa momba ahy ny tanana manambin’ny Andriamanitro.

Nehemia 4:3

Dia nivavaka tamin’ny Andriamanitray izahay, sady nametraka mpiambina andro aman’alina, hanohitra azy sy hiaro tena aminy mba hisorohanay ny famelezany.

Nehemia 4:6

Kanjo nony tonga ireo Jody nonina tao akaikiny dia nampandre anay impolo na avy aiza na avy aiza no ihavian’ny fahavalo hamely anay.

Isaia 54:11

Ry Ikala ory, afotofoton’ny tafio-drivotra, tsy manam-piononana ô; indro Aho handatsaka ny vatonao amin’ny antimoanina, sy hanorina anao eo ambonin’ny safira;

Isaia 54:2

Halalaho ny itoeran’ny lay, velaro ny ambaim-ponenanao, aza hazonina fa alefaso ho lava ny tadinao, ary aoreno mafy ny tsima-day!

Isaia 58:12

Ny taranakao hanorina indray ny rava ela; ianao hanangana ny fanorenana nalatsaka fahagola; ny olona hiantso anao hoe: Mpanamboatra ny banga, mpamelon-dalana hahatonga ny tany ho azo onenana.

Isaia 61:4

Amin’izany izy ireo dia hanangana ny efa rava ela; hanarina indray ny sisan’izay voafongotra fahiny; hamboatra ny tanàna simba, mbamin’ny korontan-javatra rava tamin’ny taona lasa.