Levitikosy 7:16 - Baiboly Katolika

Raha sorona aterina ho fanalam-boady na ho fanatitra an-tsitrapo dia hohanina amin’ny andro hanaterana azy ny sorona, ary izay sisa tavela dia hohanina ny ampitso;

Baiboly Protestanta Malagasy 2011

Raha fanalam-boady na fanatitra an-tsitrapo kosa no atolony dia amin’ny andro itondrany ny fanatiny no hihinanana azy ary hohanina ny ampitson’iny izay ambiny.

DIEM PROTESTANTA

«Raha misy olona manatitra sorom-pihavanana fanalam-boady na an-tsitrapo, dia amin’ny andro anaterana azy no ihinanana ampahan’ny hena; izay ambiny kosa azo hanina ampitson’iny,

Dikateny Iombonana Eto Madagasikara

«Raha misy olona manatitra sorom-pihavanana fanalam-boady na an-tsitrapo, dia amin’ny andro anaterana azy no ihinanana ampahan’ny hena; izay ambiny kosa azo hanina ampitson’iny,

Baiboly Protestanta Malagasy

Fa raha fanati-panalam-boady na fanati-tsitra-po kosa no ateriny, dia amin’ny andro anaterany ny fanatiny no hihinanana azy, ary ampitson’iny no hihinanana izay ambiny.

Malagasy Bible

Fa raha fanati-panalamboady na fanati-tsitrapo kosa no ateriny, dia amin'ny andro anaterany ny fanatiny no hihinanana azy, ary ampitson'iny no hihinanana izay ambiny.

La Bible en Malgache

Raha fanalam-boady na fanatitra an-tsitrapo kosa no atolony dia amin’ny andro itondrany ny fanatiny no hihinanana azy ary hohanina ny ampitson’iny izay ambiny.

Levitikosy 7:16 Rohy Ifampitohizana

Salamo 116:14

Hanefa ny voadiko tamin’i Iaveh aho, eo anatrehan’ny vahoakany rehetra.

Salamo 116:18

Hanefa ny voadiko tamin’i Iaveh aho, eo anatrehan’ny vahoakany rehetra,

Salamo 66:13

Tonga ato an-tranonao mitondra sorona dorana aho, hanefa aminao ny voadiko,

Eksodosy 35:29

Ny zanak’i Israely rehetra na lahy na vavy izay voatariky ny fo mazoto mba hanana anjara amin’ny asa rehetra nandidian’i Iaveh tamin’ny vavan’i Môizy hatao, dia samy nitondra fanatitra an-tsitrapo ho an’i Iaveh.

Ohabolana 7:14

«Tsy maintsy nanatitra sorom-pihavanana aho, ary nefaiko androany ny voadiko.

Ezekiela 46:12

Raha hanatitra fanatitra an-tsitrapo ny mpifehy, na sorona dorana na sorona fisaorana izany, dia fanatitra an-tsitrapo ho an’i Iaveh, dia hamohana ny alo-baravarana mitodika miantsinanana izy. Dia hanatitra ny sorona dorany na ny sorona fisaorana izy, toy ny fanaony amin’ny andro sabata, dia hivoaka izy, dia harindrina ny vavahady, rehefa tafavoaka izy.

Levitikosy 22:23

Raha hatao fanatitra an-tsitrapo, dia azo vonoina ihany ny omby na ondry, diso lava na fohy rantsan-tanana; fa raha fanalam-boady, tsy ankasitrahina ny sorona toy izany.

Levitikosy 22:29

Raha manatitra sorom-pisaorana amin’i Iaveh ianareo, dia atolory araka izay ankasitrahana azy.

Levitikosy 23:38

afa-tsy ny fanomezanareo, afa-tsy ny fanalam-boadinareo rehetra, afa-tsy ny fanatitra an-tsitraponareo rehetra izay hatolotrareo an’i Iaveh.»

Nomery 15:3

ka hanatitra sorona atao amin’ny afo ho an’i Iaveh, na sorona dorana, na sorona fanalam-boady, na fanatitra an-tsitrapo, na amin’ny fetinareo, mba hisy hanitra mahafinaritra ho an’i Iaveh avy amin’ny omby na ondrinareo;

Deoteronomia 12:11

Amin’izay fitoerana hofidin’i Iaveh Andriamanitrareo hamponenany ny Anarany no hanateranareo ny zavatra rehetra andidiako anareo, dia ny sorona doranareo, ny soronareo, ny fahafolon-karenareo, ny voatokan’ny tananareo, ary ny fanatitra rehetra voafantina hanalanareo ny voadinareo izay nataonareo tamin’i Iaveh.

Deoteronomia 12:17

Tsy azonao hanina ao anaty vavahadinao ny fahafolon’ny varinao, sy ny divainao vaovao ary ny diloilonao, ny voalohan-teraky ny omby aman’ondrinao, ny fanolorana rehetra nanaovanao voady, ny fanatitra an-tsitraponao, ny voatokan’ny tananao;

Deoteronomia 12:26

Fa ny fanatitra masina andidiana anao mbamin’izay nanaovanao voady, dia aloavy ary mankanesa amin’izay fitoerana nofidin’i Iaveh,

Deoteronomia 12:6

Ao no hanateranareo ny soronareo dorana, ny soronareo, ny fahafolon-karenareo ary ny voatokan’ny tananareo, ny fanalam-boadinareo, ny fanatitra an-tsitraponareo, ary ny voalohan-teraky ny omby aman’ondrinareo.