Levitikosy 7:16 - DIEM PROTESTANTA

¹⁶ «Raha misy olona manatitra sorom-pihavanana fanalam-boady na an-tsitrapo, dia amin’ny andro anaterana azy no ihinanana ampahan’ny hena; izay ambiny kosa azo hanina ampitson’iny,

Baiboly Protestanta Malagasy 2011

¹⁶ Raha fanalam-boady na fanatitra an-tsitrapo kosa no atolony dia amin’ny andro itondrany ny fanatiny no hihinanana azy ary hohanina ny ampitson’iny izay ambiny.

Dikateny Iombonana Eto Madagasikara

¹⁶ «Raha misy olona manatitra sorom-pihavanana fanalam-boady na an-tsitrapo, dia amin’ny andro anaterana azy no ihinanana ampahan’ny hena; izay ambiny kosa azo hanina ampitson’iny,

Baiboly Katolika

¹⁶ Raha sorona aterina ho fanalam-boady na ho fanatitra an-tsitrapo dia hohanina amin’ny andro hanaterana azy ny sorona, ary izay sisa tavela dia hohanina ny ampitso;

Baiboly Protestanta Malagasy

¹⁶ Fa raha fanati-panalam-boady na fanati-tsitra-po kosa no ateriny, dia amin’ny andro anaterany ny fanatiny no hihinanana azy, ary ampitson’iny no hihinanana izay ambiny.

Malagasy Bible

¹⁶ Fa raha fanati-panalamboady na fanati-tsitrapo kosa no ateriny, dia amin'ny andro anaterany ny fanatiny no hihinanana azy, ary ampitson'iny no hihinanana izay ambiny.

La Bible en Malgache

¹⁶ Raha fanalam-boady na fanatitra an-tsitrapo kosa no atolony dia amin’ny andro itondrany ny fanatiny no hihinanana azy ary hohanina ny ampitson’iny izay ambiny.

Levitikosy 7:16 Rohy Ifampitohizana

Salamo 116:14

Hanefa ny voadiko amin’ny TOMPO aho eo anatrehan’ny vahoakany tafangona.

Salamo 116:18

Hanefa ny voadiko amin’ny TOMPO aho eo anatrehan’ny vahoakany tafangona,

Salamo 66:13

Koa mitondra sorona eto an-tranonao aho hanefako ny voady nataoko taminao,

Eksodosy 35:29

Ny Israelita malala-tanana rehetra, na lahy na vavy, dia nitondra fanatitra an-tsitrapo ho an’ny TOMPO mba ho enti-manao ireo asa izay efa nandidian’ny TOMPO an’i Mosesy.

Ohabolana 7:14

«Efa nivoady tamin’Andriamanitra aho fa hanatitra sorom-pihavanana; ary androany no nanefako izany.

Ezekiela 46:12

«Raha tàhiny kosa ny printsy filoha no te hanao sorona an-tsitrapo amin’ny TOMPO, na sorona dorana manontolo io na sorom-pihavanana, dia tokony hovohana ho azy ny vavahady atsinanana. Hanolotra ireo sorona tahaka ny fanao amin’ny andro sabata izy; ary rehefa tafavoaka izy, dia hohidina ny vavahady.

Levitikosy 22:23

Raha omby na ondry na osy no misy sampona, dia azo aterina ihany ho fanomezana an-tsitrapo; fa raha fanalàm-boady dia tsy hahazoana sitraka izany.

Levitikosy 22:29

«Raha manolotra sorom-pisaorana amiko TOMPO ianareo, dia araka izay hahazoanareo sitraka no anolory azy.

Levitikosy 23:38

Ireo sorona ireo dia ankoatra ny zavatra fanolotrareo Ahy TOMPO: izany hoe ny sorona fanao amin’ny andro sabata sy ny fanomezana ary ny zavatra rehetra fanalàm-boady sy an-tsitrapo.

Nomery 15:3

dia hanao sorona dorana manontolo ho Ahy TOMPO, na koa sorona hafa ho fanalam-boady, na fanatitra an-tsitrapo, na fanatitra amin’ny fety. Hofidinareo hatao sorona amin’izany na omby na ondry na osy, ka hanetona ho hanitra hankasitrahina ho AHY.

Deoteronomia 12:11

Amin’izay, ilay toerana hofidin’ny TOMPO Andriamanitrareo hipetrahan’ny voninahiny no hitondranareo ny zavatra rehetra nandidiako anareo: dia ny sorona dorana manontolo sy ny sorom-pihavanana ataonareo, ny fahafolon-karenareo, ny fitia tsy mba hetra foinareo, ny zavatra rehetra voafantinareo mba hanalana ny voadinareo tamin’ny TOMPO.

Deoteronomia 12:17

Tsy azonareo hanina ao an-tanànanareo ny ampahafolon’ny vary sy divay ary menaka novokarinareo, ny voalohan-teraky ny omby sy ondry aman’osinareo, ny zavatra rehetra nataonareo voady, ny fanati-tsitraponareo ary ny fitia tsy mba hetra foinareo.

Deoteronomia 12:26

Kanefa ny zava-masinareo sy ny zavatra nataonareo voady dia ento mankany amin’ny toerana hofidin’ny TOMPO.

Deoteronomia 12:6

Ao no hitondranareo ny sorona dorana manontolo sy ny sorom-pihavanana ataonareo, ny fahafolon-karenareo, ny fitia tsy mba hetra foinareo, ny fanalàm-boadinareo, ny fanati-tsitraponareo, ary ny voalohan-teraky ny omby sy ondry aman’osinareo.