Nehemia 3 - Bibl Koad 21: Ar Bibl e Brezhoneg evit ar Vretoned

Pennad 3

¹ Eliashib an aberzhour-meur a savas gant e vreudeur an aberzhourien, hag ec'h adsavjont dor an Deñved, hag e santelajont anezhi. Lakaat a rejont he stalafioù, hag e santelajont anezhi betek tour Mea ha betek tour Hananeel.

² En e gichen e vañsonas tud Jeriko. En o c'hichen e vañsonas Zakkur mab Imri.

³ Mibien Senaa a adsavas dor ar Pesked; he goleiñ a rejont, hag e lakajont he stalafioù, he morailhoù hag he frennoù.

⁴ En o c'hichen e tresas Meremod mab Uri, mab Koz, en o c'hichen e tresas Meshullam mab Berekia, mab Meshezabeel, en o c'hichen e tresas Zadok mab Baana,

⁵ en o c'hichen e tresas an Dekoatiz. Met ar re vras en o zouez n'en em renkjont ket da servij o aotrou.

⁶ Jehojada mab Paseak ha Meshullam mab Besodia a zresas an nor Gozh; he goleiñ a rejont, hag e lakajont he stalafioù, he morailhoù hag he frennoù.

⁷ En o c'hichen e tresas Melatia ar Gabaoniad, Jadon ar Meronotiad, ha tud Gabaon ha Mizpa, a oa eus palez ar gouarnour eus an tu-mañ d'ar stêr.

⁸ En o c'hichen e tresas Uziel mab Harhaja, a-douez an orfebourien. En e gichen e tresas Hanania, a-douez ar borfumerien. Lezel a rejont al lodenn eus Jeruzalem betek ar voger Ledan.

⁹ En o c'hichen e tresas Refaja mab Hur, rener un hanter eus bann Jeruzalem.

¹⁰ En o c'hichen e tresas Jedaja mab Harumaf dirak e di. En e gichen e tresas Hattush mab Hashabnia.

¹¹ Malkija mab Harim hag Hashub mab Pakad-Moab a zresas ul lodenn all ha tour ar Fornioù.

¹² En o c'hichen e tresas Shallum mab Halokesh, rener an hanter all eus bann Jeruzalem, eñ hag e verc'hed.

¹³ Hanun hag annezidi Zanoak a zresas dor an Draonienn; hec'h adsevel a rejont, hag e lakajont he stalafioù, he morailhoù hag he frennoù. Hag e rejont mil ilinad a voger betek dor an Teil.

¹⁴ Malkija mab Rekab, rener bann Bet-Hakerem, a zresas dor an Teil; hec'h adsevel a reas, hag e lakaas he stalafioù, he morailhoù hag he frennoù.

¹⁵ Shallum mab Kolhoze, rener bann Mizpa, a zresas dor ar Feunteun; hec'h adsevel a reas, he goleiñ, hag e lakaas he stalafioù, he morailhoù hag he frennoù. Hag e reas moger stank Shela, tost ouzh liorzh ar Roue, betek ar skalieroù a ziskenn eus kêr David.

¹⁶ War e lerc'h, Nehemia mab Azbuk, rener un hanter eus bann Bet-Zur, a zresas betek dirak bezioù David, betek ar stank bet graet, ha betek ti ar Re Greñv.

¹⁷ War e lerc'h, al Levited a zresas gant Rehum mab Bani. En e gichen e tresas Hashabia, rener un hanter eus bann Keila, evit e vann.

¹⁸ War e lerc'h, o breudeur a zresas gant Bavai mab Hanadad, rener an hanter all eus bann Keila.

¹⁹ En e gichen e tresas Ezer mab Jezua, rener Mizpa, ul lodenn all dirak savenn an Harnezerezh, er c'horn.

²⁰ War e lerc'h, Baruk mab Zabbai a zresas ul lodenn all o labourat c'hwek, adalek ar c'horn betek dor ti Eliashib an aberzhour-meur.

²¹ War e lerc'h, Meremod mab Uri a zresas ul lodenn all, adalek dor ti Eliashib betek penn ti Eliashib.

²² War e lerc'h e tresas an aberzhourien eus ar vro tro-war-dro.

²³ War o lerc'h e tresas Benjamin hag Hashub dirak o zi. War o lerc'h e tresas Azaria mab Maaseja mab Anania e-kichen e di.

²⁴ War e lerc'h e tresas Binnui mab Henadad ul lodenn all, adalek ti Azaria betek korn ar gognell.

²⁵ Ha Palal mab Uzai, dirak ar c'horn hag an tour a zo en baleg eus ti uhel ar Roue, e-kichen porzh an toull-bac'h. War e lerc'h Pedaja mab Parosh.

²⁶ An Netiniz a oa o chom war ar grec'henn a zresas war-zu ar sav-heol, betek dor an Doureier hag an tour a zo en baleg.

²⁷ War o lerc'h e tresas an Dekoatiz ul lodenn all, dirak an tour bras a zo en baleg ha betek moger ar Grec'henn.

²⁸ An aberzhourien a zresas dreist dor ar C'hezeg, pep hini dirak e di.

²⁹ War o lerc'h e tresas Zadok mab Immer dirak e di. War e lerc'h e tresas Shemaja mab Shekania, gward dor ar Sav-heol.

³⁰ War e lerc'h e tresas Hanania mab Shelemia hag Hanun c'hwec'hvet mab Zalaf ul lodenn all. War o lerc'h e tresas Meshullam mab Berekia dirak e gambr.

³¹ War e lerc'h e tresas Malkija mab an orfebour, betek ti an Netiniz hag ar varc'hadourien, dirak dor Mifkad ha betek savenn ar C'horn.

³² An orfebour hag ar varc'hadourien a zresas etre savenn ar C'horn ha dor an Deñved.