Nehemia 3:14 - Bibl Koad 21: Ar Bibl e Brezhoneg evit ar Vretoned

¹⁴ Malkija mab Rekab, rener bann Bet-Hakerem, a zresas dor an Teil; hec'h adsevel a reas, hag e lakaas he stalafioù, he morailhoù hag he frennoù.

Nehemia 3:14 Referencias Cruzadas

2 Samuel 4:2

Mab Saül en doa daou benn strolladoù, unan a oa anvet Baana hag egile Rekab, mibien Rimmon eus Beerod, eus a-douez mibien Benjamin, rak Beerod a oa kontet evel o vezañ da Venjamin.

2 Rouned 10:15

Hag ez eas ac'hane, hag e kavas Jonadab mab Rekab, a zeue en arbenn dezhañ. E saludiñ a reas, hag e lavaras: Hag eo da galon eeun em c'heñver, evel m'eo va c'halon ez keñver? Jonadab a respontas: Bez' eo! Mard eo, eme Jehu, ro din da zorn. Jonadab a roas e zorn dezhañ, ha Jehu a lakaas anezhañ da bignat er c'harr,

1 Danevelloù 6:40

mab Mikael, mab Baazeja, mab Malkija,

Nehemia 12:31

Neuze e ris da bennoù Juda pignat war ar voger, hag e lakais daou laz-kanañ bras evit meuliñ. Unan a yeas a-zehou war ar voger, etrezek dor an Teil.

Nehemia 2:13

Mont a ris eta d'an noz dre zor an Draonienn, hag ez is war-zu feunteun an Aerouant ha dor an Teil, en ur sellout ouzh mogerioù Jeruzalem a oa diskaret hag ouzh he dorojoù bet devet dre an tan.

Nehemia 3:9

En o c'hichen e tresas Refaja mab Hur, rener un hanter eus bann Jeruzalem.

Jeremiaz 6:1

Mibien Benjamin, tec'hit eus kreiz Jeruzalem, sonit ar shofar e Tekoa, savit un arouez-tan e Bet-Hakerem, rak an droug a zeu eus an hanternoz hag un distruj bras.