Pwovèb 11:23 - Bib Sen An: Kreyòl Ayisyen

Dezi a moun dwat la se sèlman sa ki bon; men dezi a mechan an mennen jijman.

1998 Haïtienne

Lè moun k'ap mache dwat jwenn sa yo vle a, se lakontantman pou tout moun. Men lè se mechan ki jwenn sa y'ap tann lan, sa pa fè pesonn plezi.

Pwovèb 11:23 Referans Kwoze

Sòm 10:17

O SENYÈ, Ou te tande dezi a enb yo; Ou va ranfòse kè yo, Ou va enkline zòrèy Ou,

Sòm 119:10

Ak tout kè mwen, mwen te chache Ou. Pa kite mwen vin egare e kite lòd Ou yo.

Sòm 119:5

O ke chemen mwen yo kapab vin etabli pou kenbe règleman Ou yo!

Sòm 27:4

Yon sèl bagay ke m te mande a SENYÈ a; se li mwen va chache: pou m ta kab rete lakay SENYÈ a tout jou lavi m yo, pou m kab gade bèlte SENYÈ a, e reflechi jis nan fon kè m nan tanp Li an.

Sòm 37:4

Pran plezi ou nan SENYÈ a. Konsa, Li va bay ou tout dezi a kè ou.

Pwovèb 10:28

Lespwa a moun dwat la se kè kontan; men entansyon mechan an va peri.

Pwovèb 11:24

Gen yon moun ki separe bay; malgre sa li vin ogmante plis. Genyen ki refize bay sa ke li dwe, e sa fè l vin manke.

Pwovèb 11:7

Lè yon nonm mechan mouri, sa li anvizaje a mouri avè l.

Pwovèb 12:5

Panse a moun dwat yo jis; men konsèy a mechan yo se desepsyon.

Pwovèb 13:2

Fwi pawòl la ki soti nan bouch moun se rejwisans de sa ki bon; men volonte moun infidèl se vyolans.

Ezayi 26:9

Nan lannwit, nanm mwen anvi Ou. Anverite, lespri m anndan mwen chache Ou ak enpasyans; paske lè jijman Ou yo rive sou latè, sila ki rete ladann yo, aprann ladwati.

Jeremi 17:16

Men pou mwen menm, mwen pa t kouri pou m ta sispann fè bèje pou Ou, ni mwen pa t anvi wè jou malè sa a. Ou konnen! Tout pawòl lèv mwen yo te nan prezans Ou.

Matye 5:6

Beni se sila yo ki grangou avèk swaf pou ladwati; yo va satisfè.

Ebre 10:27

men n ap tann ak laperèz yon jijman ki asire, ak yon dife anraje, ranpli lakòlè ki va konsome tout advèsè yo.