Matthew 7:21 - ASII LAKDAP Bible (BSI)

²¹ “Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Hawa Naga Bible 2001

²¹ “Ngaz ngoc, ‘Taungjix, Taungjix,’ ngoc jix lotlaz kuex raungx Mungtan nuex nyuip lvp tuex rvmuq, yuq muinz raungmungx nuex httax yaq i-Waz thuinroc lvmx rulc rv-ngvlc shuimc jix htenc dvyx nyuip lvp tuex.

Muklom

²¹ “Nga ma ‘Teyhungwa, Teyhungwa’ ta haltey tang thaji sha Rangmungtan náng jin nop moq, etharin mungtan na tongtey i Wa raaq tattey tang hun jin nopna.

Matthew 7:21 Referencias Cruzadas

Matthew 12:50

Jurwa i We ramungtan na sitiwe raq achong bomtsi kra tai tlaq, kriiti kata ngi ma i no, i sheanyung kiimaq i nyung.”

Matthew 16:17

Kiijiishe, Jesuq raq, “Kechu jonghea, Johan se Simon le!” nguta treto. “Riita ara tengtlaq bomtsi chongtlaü arka ümniima maiqse raq achongkuq ka riimak. Shatmaq i We ramungtan na siti we raq ümniima tingsang atiichhi arkuq.

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 18:19

“Kiimaq arthaq niimin abiri chongkuq pha. Ümtiikiiwa namshiq phong wa maiq wenai raq kiqshi maq ri lanta, phanshi ra miitu achu mijaü han, kra jaü tlan kra i We ramungtan na siti we raq namshiq ma mitre kuq.

Matthew 18:3

Raüta akha nguto, “Ngi raq chongtiikang arka tengteng. Namshiq ka ara nonose akha klai wan man wiiwii Ramungtan ümtiikiimin saü man mirhan.

Matthew 18:35

Kra chongkuq raütiishe, Jesuq raq bom ka akhiishe shatto, “Ngi raq chongpha. Namshiq tarü loweatek raq, namphuno we mra ka namtsan mong maq diikuq man wiiwii, ara chong tiikang akhiisii hali, i We ramungtan na siti we riimin, namshiq kha ka mipho.”

Matthew 19:24

Bliiq kiki chongpha: chiithe maiqse Shiikeawe sengi ma jawan ngutlaq kriika, kumtsong nyamse kaü raq maichhi puse maq lea wan nam miimin aha.”

Matthew 25:10

Krai mren tsiihü nyungtiim ka wanii kham rikai ngutiishe kihoto. Kiimaq tsangshiq tatimii shon liipan na junlamti we kriishe saü wato. Krai mren, tiijeshat maq kheti maiqshaq nyung biingi ka junlamti we rai junlam poi lomwa dam she jam mong na wawan damto. Kiimaq kilü ka ashaq she riibaiqto.”

Matthew 25:21

Kiijiishe, ‘Riikhaqli, ong laü. Ümniika maiqshaq ashi. Kiimaq tsapsaü kapse jaqshi se!’ nguta atijong we raq ajaqshi se bom ka treto. ‘Ümniiraq tsiiq ka atsapse li jiimin, asho awo tliip pha laü. Arkha maq, ümchaü sanha ngi raq ümjaq na tsiiq ka apa she sham miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 26:42

Kiimahali Jesuq ka thongshi ri hali kiho nongto. Raüta akha achu jaüto, “I We le, ara chamchao kok arka i khum wa lambaiq wan maimak, ngi raq nyang chang dongdii she rakitaq jiika, ümniiraq jamkho tiima tlaü, kra thaq na seng laütli tiihong laq.”

Mark 3:35

Jurwa Shiikeawe bom lang tlaq, kriiti kata ngi ma, i no, i sheanyung, kiimaq i nyung,” nguta tsangshiq bom ka treto.

Mark 9:47

Kiimaq, ümmak po raq, ümkam tsantsii ka tiichhan baiq kiiphaü la, alat li riibaiq laq! Maknai wiita maq, wamungtan na dea wan nam miika, makko miili jiimin, ramungtan na atra siwan ka ahea.

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

Luke 13:25

Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.

Luke 18:25

Kumtsong kaü ka, maichhi puse maq lea wan ka ajelin li miraq. Shatmaq, chiithe ma Shiikeawe Mungta na nyap wan ka hahea pinthum.”

Luke 6:46

“Namshiq raq ngi nangnga, ‘Tatiwe, Tatiwe,’ ngutiika jaram li wa hearat tlan, ngi raq namshiq ma jamlai bomtsi wa chongkuq tiikang, kra riiwe ka lang man?

John 14:7

Kiimaq, apaiq raq tsangshiq ma chongkuqto, “Riita ümchaü sanha, namshiq raq ngi ri asap han she. Krai mren, namshiq raq i We kiimin misap wan han. Kiimaq, ümchaü ara miiphat she, namshiq raq apaiq ka asap han she. Kiimaq apaiq sham min chhi lan she.”

John 15:23

Jurwa ngi shulii tlaq, kriiti riika, i We kiimin shulii tlo.

John 3:5

Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.

John 5:17

Shatmaq, Jesuq raq tsangshiq bom ka treto, “I We raq maiqse ka wranaiqshe khrum kuqtlo. Krai mren, ngi riimin wranaiq she maiqse ka khrum kuq tiikang.”

John 6:40

Riita, i We riika, maiqse angu ümchuro, ngi Ase rai sham riichhi tlaq, raüta, ngi ma kamwantlaqti thun maiqse tlotli raq, pattup pat-sa rilung kra milap wan laq nguta thapthitlo. Krai mren, ngi raq tsangshiq ka phangthum ranaiq na amaa wa mitiidong kuq wan ha.”

John 7:17

Maiq ümriiti riiwa Shiikeawe raq athithi na jaqsham kli lungwii tlaq, kriiti raq ara ngi raq shrinkuq tiikang traho bomtsi arka, Shiikeawe aming miisha chongkuq tiikang, sha ngi raq maiqmii arang miiwa chongkuq tiikang, kra mitak lot.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Romans 12:2

Namshiq rilung ka, ara mangjong hiq rilung thangpo mong na thü lanta naq tlo rongkiq. Shatmaq, namshiq tiima tsantsii kra anye tingsang ma tiija wantlii riili chang, Shiikeawe ma tiitiiq rong laq. Kra tiiq kuq wan haü jiitiq, Shiikeawe raq namshiq rilung miitu athuk atsom ahea awa jamlai wa tiihong tha kuq tlaq kra kiimaq apaiq raq jamlai phan wa lungwiitlaq kra, namshiq raq mikhonlot han.

Romans 2:13

Ara jamkhano chongtiikai ngukla, Shiikeawe raq maiqse ka kechu maiqse she nguta, apaiq rai wehea ma shram wantlaq kriika, Thungtri aming ka miinan ni maq tai wantibi lamlam ka, shram wan mak. Shatmaq, jurwa Thungtri aming kra lang raüta sitlaq, kriiti ka Shiikeawe raq, apaiq rai kechu maiqse she nguta shram wan tlo.

Ephesians 6:6

Namshiq raq namtijong wetiim ma jaqshamke ka tsangshiq makki niili, tsangshiq raq namshiq ka maiqshaq dea mingu laq ngutiika naq sham rongkiq. Shatmaq namshiq ka Khristo disetiim nguta tsan na tiima lanta, Shiikeawe tsan tiiheali chang, tsantsii wiita kiinong kuq lanta, namtijong wetiim kra shiili ronglaq.

Colossians 4:12

Kiimahali, namshiq kongti we Epaphratas, Jesuq Khristo jaqshise raq namshiq ma salam tiitai tlo. Apaiq raq namshiq miitu, ranaiq- tek achu jaü shiikut kuq tlo. Apaiq achu jaü na, Shiikeawe raq namshiq ka kamasham na pharangrang maq, maiqla ma mitiija laq nguta achu jaü kuq tlo. Raüta, namshiq raq Shiikeawe aming ka kiqshi min tlea man maq, lang lanta mijong wanlaq nguta achu jaü kuq tlo.

1 Thessalonians 4:3

Shiikeawe raq, namshiq ka kechu maiqse simaq, kiimaq sethoq sepii ngarai ahü maq, siirairai hea maq shongnga ronglaq nguta tsii chongkuq tlo.

1 Thessalonians 5:18

Phanrap akhing na, Shiikeawe ma kechutum wan ruq miili si rong laq. Shiikeawe raq namshiq ka, Jesuq Khristo wokhong na chojong chise kechutum rilung ara siwan miitu hea wanto.

Titus 1:16

Tsangshiq raq Shiikeawe ka saptiikai nguta tiitsaki rai tlo. Shatmaq, tsangshiq rilung na jaqsham tlaq kra riika, tsangshiq ka arot wetiim dea ngutli she, saqseng hakhi khoti kuq tlo. Tsangshiq ka Shiikeawe maklii na maiqphai asi, ashe sitlo. Tsangshiq ka Shiikeawe kiq khiiti. Tsangshiq ka jaqsham ahea shamti ka riimak she.

Hebrews 4:6

Tsütsa Ahea kra kongkhu na tai wantibi raq, ara niitiitsak rilung ka lap mak dea tiikhea baiqto. Arka tsangshiq raq Shiikeawe ma kam mak dea kha maq tiikhea baiqto. Shatmaq, Shiikeawe raq maiq ahinti miika ara niitiitsak rilung ara kuq tlo chhi tiikai.

James 1:22

Tsütsa Ahea bomchong kriika, ni maq lamlamse tai raü ka hong mak. Namshiq raq jamlai wa tai tlan, kra bomtsi ka maiqmii rilung na alang wan chang. Namshiq raq kra lang man miila sihan jiila, namshiq ka maiqmii kli tlao phaq tlan ngushat miraq.

1 Peter 2:15

Shiikeawe riika, namshiq raq shamhea kaiwa jaqsham tlan kra lümaq, ajiq alam min sap mak maq, angok angiti raq Phungmaiqse thaq na abi ati tsütsit bom tlaq kriiti nübok ka sukbaiq lungwii tlo.

1 Peter 4:2

Riita ara chongtiikai arkha maq, ümchaü sanha, namrilung ka mangjong hiq na ümchu ranaiq wa atra misi thü han, Shiikeawe tiima tsantsii khuthaq na seng lantli she sirong laq. Ngarai han-ngam tiima khu niika naq si rongkiq she.

Revelation 2:27

Apaiq raq tsangshiq ka jin chongwai kii maq mipeng. Apaiq raq tsangshiq ka hamlii tak ikha bunlak buncha mitiiq baiq.

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.

Revelation 3:5

Jurwa rekhat tang tlaq, kriiti ma ara khealü miirii ara mitiitsam kuq. Kiimaq ngi raq tsangshiq mang ka atrati mang lakdap wa lambaiq mang mirha. I we man na kiimaq apaiq rasetiim man na, ngi raq kholam kholiiq tsangshiq ka i sengi lü nguta rairai riirii she mirairii wan ha.