Matthew 7:22 - ASII LAKDAP Bible (BSI)

²² Phangthum Khapho Ranaiq na maiq pahea raq ngi nangnga, ‘Tatiwe loi, Tatiwe loi! Ümmang na naishiq raq Shiikeawe bomtsi chongkuq kai ihata! Kiimaq ümmang maq naishiq raq abi winji pahea jobaiq wan kai ihata. Kiimaq awang chang jaqsham pahea sham wan kai ihata!’ nguta mingu.

Hawa Naga Bible 2001

²² Muingphoc raungnuiyq httuiuc tuex nuex, ‘Taungjix lex, Taungjix lex! Mmuingc jungx vtueq Tishox bomjungc kuex jungphvnx vshix nuiyc mmuingc maq htaungc paunghvlc yurc gay ruiux, mmuingc maq vwangc juing paunghvlc shuimx wvnc tiq,’ ngoz tueq miq paunghvlc rueq ngaz muex jungx wuez shuex.

Muklom

²² Khaphung Saal tho daqhan tol miqtang eq nga ma bat phanáng, ‘Teyhungwa, Teyhungwa! Ba miing wang í aa Shkewa tung aa raaq bat ti, ba miing wang í aa thangwa tang phan ti etho daqhan tol patja ching jaksom lot somlo ti!’

Matthew 7:22 Referencias Cruzadas

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

WEAWEA 24:4

Jurwa mitailot Shiikeawe raq ngutlaq kra. Ngi raq riisham mak ma tiqtiq liilata chhi tiikang Ningkun Ajong Shiikeawe raq shammi mak maq atiichhikuq.

WEAWEA 31:8

Midian mungti hokham webiingi kiimin nong nong: tsangshiq ka Ewi, Rekem, Jur, Hur, kiimaq Reba. Kiimaq tsangshiq raq Beor se Balaam kiimin tsatto.

Matthew 10:15

Ngi raq chongtii- kang arka tengteng. Liirong laq, Phangthum Khapho Ranaiq na Shiikeawe raq kra chelati thun thaq na, Sodom chelati nai Gommora chelati miika, phanshi mangchan apa linlin mitiichhi kuq wan!”

Matthew 24:36

“Shatmaq kra ranaiq saükai ka jurmin sapmak. Rasetiim riilo, Ase riilo min sapmak. Kriika Awe riili saptlo.

Matthew 25:11

“Nokwe wawan jai she tsiihü nyung biingi ka saü wanto. Raüta, ‘Shiilang we, shiilang we! Naishiq ri waphai. Kilü ka dikuq laq!’ nguta siitrangto.

Matthew 7:21

“Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Luke 10:12

Ngi raq chongtiikang arka tengteng: Shiikeawe raq Phangthum Khapho Ranaiq na, ara chelati thaq na, Sodom chelati ma mangchan ka phanshi apa lin mitiichhi kuq!

John 11:51

Riita, apaiq raq ara bomtaq arka, apaiq tsiitsii maq abom riimak. Shatmaq, kra rawii, apaiq ka Ramwe Ajong Pinthum we kha maq, Jesuq ka Jehudinok mung maiqse miitu mitsai nguta riisham bomchong tiithai bomto.

1 Thessalonians 5:4

Shatmaq, lungwii phunobi lei, namshiq ka ranyaq nyang na siti ri riiman. Krai mren, kra Ranaiq ma, namshiq ka tiimok chhaq maq, ahuk saüwa ikhiika, jaram wa mitiitong rai han.

2 Thessalonians 1:10

Arka Tatiwe raq, apaiq saükai akhing Ranaiq na, apaiq phan amaq maiqse thun raq, apaiq khushü tiima shreng tlaq, kiimaq maiqse ümchuro apaiq ma kam tlaq, kriiti thun raq, apaiq tiishomra tlaq, kra akhing ranaiq na mirairii baiq. Naishiq raq Shiikeawe bomtsi ka namshiq ma chongkuq kai. Krai mren, namshiq raq, kriima kamwan lan. Kriikha maq, namshiq thun kiimin, kra ranaiq ka ara chongtiikai, asii maiqsetiim rai misi wan dam han.

2 Timothy 1:12

Kiimaq ara chongtiikai arkha maq tiina, ngi ara ümchaü min chamchao tiikang ara. Li jiimin, i tsaiji ka akhiismin tran mang phan. Jamkhano ngukla, ngi raq ju miiwa kamtsantsii thü tiikang, kriiwe ka, ngi raq asapha. Kiimaq ngi raq asapha, apaiq ningkun ajong maq, ara tsütsa ahea armin, Phangthum Ranaiq na saüli, chiisan taqtaq li mithü.

2 Timothy 1:18

Riita, Tatiwe raq apaiq ma, kra Ranaiq akhing na atiihang mangchan mikuq laq! Apaiq raq ngi miitu, Ephisia maq ümtinkhan wa khrum kuqtaq irka, ümniiriimin kunli asap haü.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.