Matthew 7:22 - Hawa Naga Bible 2001

²² Muingphoc raungnuiyq httuiuc tuex nuex, ‘Taungjix lex, Taungjix lex! Mmuingc jungx vtueq Tishox bomjungc kuex jungphvnx vshix nuiyc mmuingc maq htaungc paunghvlc yurc gay ruiux, mmuingc maq vwangc juing paunghvlc shuimx wvnc tiq,’ ngoz tueq miq paunghvlc rueq ngaz muex jungx wuez shuex.

ASII LAKDAP Bible (BSI)

²² Phangthum Khapho Ranaiq na maiq pahea raq ngi nangnga, ‘Tatiwe loi, Tatiwe loi! Ümmang na naishiq raq Shiikeawe bomtsi chongkuq kai ihata! Kiimaq ümmang maq naishiq raq abi winji pahea jobaiq wan kai ihata. Kiimaq awang chang jaqsham pahea sham wan kai ihata!’ nguta mingu.

Muklom

²² Khaphung Saal tho daqhan tol miqtang eq nga ma bat phanáng, ‘Teyhungwa, Teyhungwa! Ba miing wang í aa Shkewa tung aa raaq bat ti, ba miing wang í aa thangwa tang phan ti etho daqhan tol patja ching jaksom lot somlo ti!’

Matthew 7:22 Referencias Cruzadas

ISAIA 2:11

Miqsaz laungc tsvnc yaq kuex tvnulx gay ruiux miqsaz ngamc boq yaq kuex tvbac gay rvhumc tuex raungnuiyq httuiuc wvnc yaq. Kvruex yimaq Yehowa dvyx somraungc kuy rvhumc tuex.

ISAIA 2:17

Miqsaz laungc tsvnc yaq kuex tvnulx gay ruiux, miqsaz ngamc boq yaq kuex tvbac gay rvhumc tuex. Yac yuimx htenc kuex tvhtumx puik moz wvnc ruiux, Yehowa dvyx shex kvruex raungnuiyq somraungc rvhumc tuex.

WEAWEA 24:4

Tishox rueq jungx yaq kuex uraq lac tay lot yaq nguinx. Ngaz kuex Tvphaungc Tvsuip Tishox kox wawc romzyac tvkhic maq kvkhic yaq Muik nuiyc thuinz nuex kvsuik rawx khiz vshaungx.

WEAWEA 31:8

Midian hokhvmx waz bv-ngac rvtueq, Ewi, Rekem, Zur, Hur, Reba muinz vlomx thvt gay tueq. Beor saz Balam muinz thvt gay tueq.

Matthew 10:15

Ngaz rueq nuimhez muex vsuing jungx kuq ix, Tishox rueq Khac phox shuex Raungnuiyq, kvruex ghaq miqsaz htenc kuex Sodom nuiyc Gomorra rvhumc wvnc tueq htauk nuex jvnc vtueq vgvrx rvhumc tuex.

Matthew 24:36

“Yuq muinz kvkhoc yaungx wvnc tuex vraungx nuiyq nuiyc vkhing kuex uraq muinz tuiuz muq; raungkamx bix nuiyc Vsaz rueq doc muinz kvruex tuiuz muq; Vwaz rueq dvyx kvruex tuiuz yaq.

Matthew 25:11

“Kvruex yimaq yalxtux nyuiuz tamx kuex httuiuc woz vtueq, ‘Jiyungx waz lex, Jiyungx waz lex! Nuiyshiq muex daz kuq koq!’ ngoz tueq ramc tueq.

Matthew 7:21

“Ngaz ngoc, ‘Taungjix, Taungjix,’ ngoc jix lotlaz kuex raungx Mungtan nuex nyuip lvp tuex rvmuq, yuq muinz raungmungx nuex httax yaq i-Waz thuinroc lvmx rulc rv-ngvlc shuimc jix htenc dvyx nyuip lvp tuex.

Luke 10:12

Ngaz rueq nuimshiq muex jungx kuq ix, Khac Phox shuex Raungnuiyq Tishox rueq Sodom ghaq kuex kvruex ghaq htauk nuex jvnc vtueq menjenc shuex rvtueq!

John 11:51

Kvkhoc jungx tueq kvjaz kuex piq thuinz maq vjungx rvmuq, piq kuex kvruex raungwawc Shomc Wayungx yaungc ningkhvnc nuex, Yesu kuex Yuda miqsaz htenc tvkoc nuex vthueyc khvmc shuex lvmx rawshvmx bomc rvtueq,

1 Thessalonians 5:4

Yuq muinz phunox bix lex, nuimshiq kuex raungnyauk mungx nuex httaz jix rvmuq ningkhvnc nuex, Taungjix httuiuc kaz yaq raungnuiyq kuex vguiuq waz ikhoc nuimshiq tvkoc vhuingc juing rvmuq.

2 Thessalonians 1:10

Taungjix httuiuc kaz yek tuex Raungnuiyq vpiq miqsaz htenc lotlaz htumc nuex ngauz vngax muinz, kvmluimx jix lotlaz muex tvtsanc nganc lvmz muinz lvp wvnc wuez shuex. Nuiyshiq rueq jungphvnx vshix bomjungc kuex nuimshiq kvmluimx wvnc tuit ningkhvnc nuex Taungjix muex tvtsanc nganc jix nuex nuimshiq muinz lomx vtuinx.

2 Timothy 1:12

Kvruex ningkhvnc nuex ngaz kuex vkuilc vdaz htenc rvhumc vtaungx rvtueq. Yuq muinz ngvy kvmluimx thuinz kuex ngaz nuex mvrc yaq, yvmx khoc lac ngoz ruiux lec ngaz kuex ukhaq muex lac tvluimc vshaungx kuex ngaz rueq tuiuz yaq, vpiq yauk nuex ngaz rueq vkuq phvnx htenc kuex vpiq rueq khac phoc Raungnuiyq nuex httuiuc laz taq shuex lvmz kuex ngaz rueq rvkhauk laz tuiuz ningkhvnc nuex rvtueq.

2 Timothy 1:18

Taungjix rueq piq muex khac phox shuex Raungnuiyq mmenjenc kuq shueq! Ephesu ghaq maq ngaz muex mtanc lac shvlix lawx wvnc phvnx kuex mnoz rueq rvkhauk laz tuiuz yaq.

2 Timothy 4:8

Majuiuc kuex Tishox rulc vtsuing vrux maq httaz jix muex kuq yaq lotlaungc khushec kuex ngvy tvkoc tvyoalc yoalx shex, vlvmx rvkhauk phoc jix waz phoc waz ngoz yaq Taungjix rueq kvruex khushec kuex khac phox shuex Raungnuiyq ngaz muex kuq phuex. Ngaz muex dvyx rvmuq, vpiq httuiuc kaz yek yaq kuex thuinz tvluimc bvmc jix htenc muex muinz kuq shuex rvtueq.