Matthew 7:21 - Hawa Naga Bible 2001

²¹ “Ngaz ngoc, ‘Taungjix, Taungjix,’ ngoc jix lotlaz kuex raungx Mungtan nuex nyuip lvp tuex rvmuq, yuq muinz raungmungx nuex httax yaq i-Waz thuinroc lvmx rulc rv-ngvlc shuimc jix htenc dvyx nyuip lvp tuex.

ASII LAKDAP Bible (BSI)

²¹ “Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Muklom

²¹ “Nga ma ‘Teyhungwa, Teyhungwa’ ta haltey tang thaji sha Rangmungtan náng jin nop moq, etharin mungtan na tongtey i Wa raaq tattey tang hun jin nopna.

Matthew 7:21 Referencias Cruzadas

Matthew 12:50

Raungmungx nuex httax yaq Iwaz thuinroc shuimc jix htenc kuex inox, ishvlx nyuiuz nuiyc inyuiuz rvtueq,” ngoz tueq jungx tueq.

Matthew 16:17

Yesu rueq tvralc tueq, “Yohan saz Simon lex, mnoz kuex thuinhvlx yaq! Vruex lvmx kuex miq talaz washiz ikhoc maq mnoz rueq tuiuz lot muq, raungmungx nuex httax yaq Iwaz rueq tvkhic kuq kv-phux rvtueq.

Matthew 18:10

“Kvkhoc rvtueq nosaz saz washiz kuex nuimshiq rueq wvlc guez waqguez nauk tvyaungc kaz honc lvmz wuez shuinz. Nuimhez muex ngaz rueq jungx kuq ix, raungmungx wawc tsuingshiq kamx bix kuex raungmungx wawc Iwaz khaungkac nuex mkaq muinz httax wuez yaq.

Matthew 18:19

“Kvkhoc rvtueq ngaz rueq nuimshiq muex vsuing jungx ix, ghaq htauk vruex maq nuimshiq phungc kvwawc miq wanueyc kuex rungx raz vtueq vjux thoz ruiux yuq raungmungx nuex httaz yaq Iwaz rueq muinz tsuingnueyc muex tvhungx kuq shuex.

Matthew 18:3

“Nuimhez muex ngaz rueq vsuing jungx kuq ix, nuimshiq thuinz kvlayc vtueq nosaz saz vkhoc yaungx muit ngoz ruiux kuex raungx Mungtan nuex nyuip lvp muit.

Matthew 18:35

Yesu rueq tvsuip nuex, “Nuimshiq muinz phunox vdvmz dvmz washiz mvrax kuex washiz rueq thuinz vmungx lotlaz maq dawc kuq muit ngoz ruiux yuq, raungmungx wawc Iwaz rueq muinz nuimshiq mvrax kuex dawc kuq shuex rvmuq,” ngoz tueq.

Matthew 19:24

Ngaz rueq nuimshiq muex jungx kuq ix, mikhix puc maq Gola-uk kuiux nyuip wvnc kuex vyoalx rvtuex, luiz waungx miqsaz Tishox Mungtan nuex nyuip muex vgvrx pinhtumc rvtueq,” ngoz tueq.

Matthew 25:10

Kvkhoc rvtueq miqyaq jix yalxtux nyuiuz tamx vpuiz tix rez kay vkaz wvnc baunglaung waz nyalx waz kuex httuiuc kaz tueq. Tvyoalc yoalx nyuiuz bv-ngac kuex piq rulc roc nuex miqlvmc moalx kvyuq nyuip waung ruiux kaluix kuex shauk gay shec tueq.

Matthew 25:21

Kvkaq vjiyungx waz rueq, ‘Miq hvlx tvmtuing nvrc waz mnoz kuex yauk shuimc vruinx saz htauk nuex tvmtuing wvnc toq ningkhvnc nuex, yauk shuimc vyungx ngaz rueq mnoz muex kuq yek phaungx. Ngaz rulc vdvmz kokez naungx koq!’ ngoz tueq.

Matthew 26:39

Kvruex maq vpiq kuex phuinz shiz saz kaz ruiux, ghaq nuex bumx vtueq, vjux thoz tueq, “Iwaz lex, vruex kuilc daz juing kok kuex ngvy htauk wawc tvlvy gay mvy ruiux kuex tvlvy gay shuiuz! Yuq muinz ngvy thuinroc kuex rvmuq, mthuinz roc lvmx m-yaungx wvnc kueq,” ngoz tueq jungx tueq.

Matthew 26:42

Yesu kuex lauk shiz hulawx vjux thoz kaz yek tueq, “Iwaz lex, vruex kuilc daz kok kuex ngaz rueq nuingx mauk maq, ngvy htauk wawc tvlvy gay lvp ruiux kuex mthuinz roc m-yaungx wvnc kueq,” ngoz tueq vjux thoz tueq.

Mark 3:35

Tishox thuinroc rulc rv-ngvlc phvnc jix ukhaq yuq muinz inox, ishvlx nyuiuz, inyuiuz rvtueq,” ngoz tueq.

Mark 9:47

Mmuik rueq mnoz kvmluimx lvmx tvyaq kuq ruiux yuq, vluc rvgay shuiuz! Muik vnueyc rac maq ngarvyx mungx nuex tvdvy gay rvhumc ngoc mvnx, muik kox maq Tishox Mungtan nuex nyuip wvnc ruiux kuex vhvlx pinhtumc rvtueq.

Luke 11:28

Yuq muinz Yesu rueq, “Tishox bomjungc tay vtueq phvnc jix kuex mtanc thuinhvlc wuez!” ngoz tueq tvralc tueq.

Luke 13:25

Yuimx jungx jix waz kvtenc vtueq kaluix kuex shauk gay shuex; kvkaq nuimshiq kuex yuz phic kox nuex jvp vtueq kaluix kuex wung tvruingx ruiux, ‘Jiyungx waz lex, nuiyshiq muex daz kuq koq!’ ngoz tueq thoz koq tueq kvruex waz rueq nuimshiq kuex m-wawc lac rvtuinx ngaz rueq tuiuz mauk,” ngoz tueq nuimshiq muex tvralc kv-phuinx.

Luke 18:25

Mikhix puc maq Gola-uk kuiux nyuip wvnc kuex vyoalx dvyx rvtuex, Tishox Mungtan nuex luiz waungx waz nyuip tvkoc kuex yoalx muq,” ngoz kuq tueq.

Luke 6:46

“Ngaz rueq jungx phaungx rulc rv-ngvlc shuimx kaz muit maq nuimshiq rueq ngaz ngoc, ‘Taungjix lex, Taungjix lex,’ ngoz vphuinx?

John 14:7

Majuiuc nuimshiq rueq ngaz tuiuz vphuinx shex ningkhvnc nuex Iwaz muinz tuiuz wuez shuinx, majuiuc vmaq phaungc vtueq Iwaz kuex nuimshiq rueq tuiuz vtueq vkhic muinz khiz lvp tuit,” ngoz tueq jungx kuq tueq.

John 15:23

Ngvy shuiuc pac jix waz kuex Iwaz muex muinz shuiuc pac jix waz rvtueq.

John 3:5

Yesu rueq, “Ngaz rueq mnoz muex vsuing jungx kuq ix, yuix nuiyc Siyac maq vjawx rvmuq ngoz ruiux kuex ukhaq muinz Tishox Mungtan nuex nyuip lvp muq.

John 5:17

Yesu rueq tsuingshiq muex, “Iwaz kuex mkaq muinz yauk shuimc wawc thauk kay ngoz tueq vguez, kvrulc rv-ngvlc ngaz rueq muinz shuimc juing rvtueq,” ngoz tueq tvralc tueq.

John 6:40

Yvmx khoc lac ngoz ruiux lec Iwaz thuinroc lvmx kuex, Vsaz kuex khiz vtueq kvmluimx wvnc jix lotlaz muex pattup rullungx lvp wvnc tvkoc lvmx rvtueq. Ngaz rueq muinz vtvsuip raungnuiyq nuex tsuingshiq kuex tvyuing tvtenc wvnc shaungx,” ngoz tueq jungx kuq tueq.

John 7:17

Tishox thuinroc lvmx phvnc roc jix waz kuex ngaz rueq tvluing vshaungx vruex kuex Tishox kox wawc shuex, ngvy vrangx vpangx maq vjungx kvjaz lac rvtvnx lvmz kuex tv-phvlc tuiuz lot shuex.

Acts 14:22

“Naungshiq kuex Tishox Mungtan nuex httuiuc tvkoc kuilc daz htemc rvmc paunghvlc rvhumc wvnc tix,” ngoz tueq jungphvnx kuq ruiux kvmluimx miqsaz kuex tv-phaungx ngaungx kuq tueq. Tsuingshiq kvmluimx thuinz phaungx ngaungx tvkoc muinz honc tvsvmz jungx kuq tueq.

Romans 12:2

Nuimshiq rueq mungkawx htungx vlayx kuex nauk phvnx kaz, nuimshiq kuex Tishox maq raz tueq nuimshiq thuinz kuex tvsawc ric kvlayc wvnc kuinz. Kvkaq nuimshiq kuex Tishox thuinroc lvmx, vhvlx lvmx, vpiq muex tvraungc raq yaq lvmx nuiyc hunghtaungx yaq lvmx kuex yvmx lac rvtvnx tv-phvlc tuiuz wvnc lvp shuinx.

Romans 2:13

Yvmx khoc lac ngoz ruiux lec miqsaz rueq Tvrac kuex vtay lvmlvmc raz tueq dvyx Tishox rulc tsuingrux lvp shuex rvmuq, Tvrac nuex nvr shec tueq rulc rv-ngvlc shuimx ruiux yuq jix tsuingrux ngoz tueq ngoz shuex.

Ephesians 6:6

Jiyungx waz rueq roc tvkoc tsuingshiq muik lawc nuex dvyx tay kuy rvmuq maq Christu dax hez ikhoc, Tishox thuinroc httax yaq rulc rv-ngvlc thuinz vmungx lotlaz maq shuimx wuez shuinz.

Colossians 4:12

Epaphra rueq muinz gvnhttuingc ngoz kuq yaq, piq kuex nuimshiq phungc wawc Christu Yesu nvrc waz vshiz rvtueq. Piq rueq nuimshiq tvkoc mkaq muinz thuinz tvyungx vtueq vjux thoz yaq, nuimshiq rueq Tishox thuinroc lvmx nuex rvkhauk laz phvnx wvnc vtueq, vhvlx waq tuiuz wvnc jix Christan miqsaz yaungx vtueq, phaungx duingduing jvp lot tvkoc piq rueq Tishox muex jungx tvtay yaq.

1 Thessalonians 4:3

Tishox rueq nuimshiq kuex tvsawc nawc tvkoc nuiyc sahtok sapawx yaungx muit tvkoc roc yaq.

1 Thessalonians 5:18

lvmx ruip saz nuex kejux kuex tvtsvmc wuez shuinz. Nuimshiq kuex Christu Yesu nuex rullungx tvraungx lvmz seng vtueq Tishox thuinroc lvmx rvtueq.

Titus 1:16

Tsuingshiq rueq Tishox kuex tuiuz vshix ngoz tueq kvjungc ruiux muinz tsuingshiq honc vyaungc rueq tvkhic muq. Tsuingshiq kuex miqsuirc vsac raz tueq vlawc roc juing hez rvmuq, vhvlx phvnx yauk shuimc phvnx shishiz shuimc kay tvkoc aungx muq jix htenc rvtueq.

Hebrews 13:21

Nuimshiq rueq vpiq thuinroc lvmx shuimc kay tvkoc nuimshiq nuex rax thuiyc yaq vhvlx phvnx lvmx ruip saz kuex nomic Tishox rueq nuimshiq muex mkuq kv-phuinx, Taungjix kuex vpiq thuinroc rulc rv-ngvlc Christu maq naungshiq muex tvhungx htaungx tvmvrc kuq phuex. Yesu Christu maq vpiq rueq raungc raq yaq lvmx kuex naungshiq mtvyaungc phueq, Christu nuex pattup pat-sac ngauz vngax mhttax kueq. Amen.

Hebrews 4:6

Thuix Thaungx Vhvlx kuex vphaungc tay wvnc jix htenc rueq kvruex mac kvmx muq ningkhvnc nuex nyec tvkuiyq juing nuex nyuip lvp muq. Kvkhoc rvtueq kvruex nyec tvkuiyq juing kuex vganc jix tvlvp gay tueq.

James 1:22

Vpiq bomjungc kuex vtay lvmlvmc dvyx tay vtueq miqmac shauk vgvnz kuex nauk laulawc gay kaz; kvruex bomjungc kuex shuimc kay jix hez muex yaungx wuez kuinz.

1 Peter 2:15

Yvmx khoc lac ngoz ruiux lec nuimshiq miqmac shuimc vkay vhvlx maq, tharc guez miqyaq kvjaz kvjak yaq miqsaz htenc kvjaz kuex nuimshiq rueq tvsuingx gay shuinz, Tishox rueq raungc raq yaq.

1 Peter 4:2

Kvkhoc rvtueq majuiuc vmaq vruex ghaq htauk vyuq nuimshiq rullungx tvraungx tvkoc kvjungx yaq rullungx wvlex miqsaz gvnngvmx rueq rvnphvnx thuinz kuex phvnx muit maq, Tishox thuinroc lvmx phvnx vtueq tvraungx wvnc juing rvtueq.

Revelation 22:14

Rullungx tvraungx juing pulx thuey svy lvp muex nuiyc ghaqyungx kaluix maq nyuip lvp vkhangx lvp tvkoc miqmac khoz vkhvy tvsawc huy jix htenc kuex thuinhvlx yaq.

Revelation 3:5

Taungx wvnc jix waz rueq hungluiz khvy svmx lvp shuex, ngaz rueq piq muingc kuex rullungx luik dvp wawc tvmauk gay shaungx rvmuq. Piq kuex ngvy kungjix rvtueq lvmz ngvy Tishox waz nuiyc vpiq raungkamx bix htumc nuex jalc jungx kuq wvnc shaungx.