Matthew 7:21 - Muklom

²¹ “Nga ma ‘Teyhungwa, Teyhungwa’ ta haltey tang thaji sha Rangmungtan náng jin nop moq, etharin mungtan na tongtey i Wa raaq tattey tang hun jin nopna.

ASII LAKDAP Bible (BSI)

²¹ “Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Hawa Naga Bible 2001

²¹ “Ngaz ngoc, ‘Taungjix, Taungjix,’ ngoc jix lotlaz kuex raungx Mungtan nuex nyuip lvp tuex rvmuq, yuq muinz raungmungx nuex httax yaq i-Waz thuinroc lvmx rulc rv-ngvlc shuimc jix htenc dvyx nyuip lvp tuex.

Matthew 7:21 Referencias Cruzadas

Matthew 12:50

Rangmungtan na tongtey i wa raaq tat tey sha i pho no nia i nu.”

Matthew 16:17

Jesu aa batta, “John sa Simon, nang ma sunmaan chammatakoi iri raaq raa nang ma ashey miq eq takhi moq. Etharin rangmungtan na tongtey Iwa hun nang ma takhi taphu.

Matthew 18:10

“Nim aa iri nijangsa tang wang ashey ma baluk otho aming ta nak tathin inn. Nga batphang, ning rangkamwa tang sha salwet mungtan na tongtey Iwa relna tong aa.

Matthew 18:19

“Etho nga nim ma ira tho ubat eq phang, nim wang ani miq tin ashey ang eq, mingkang roq chamli tangwang chu inn ajo, mungtan na tongtey Iwa esha somlo na.

Matthew 18:3

Etho batta, “Nga nim ma asing batphang, nim tin kaley eq nijangsa tang mal ang min ang inn jo, nim baluk otho Rangmungtan náng jin nop min ang nin.

Matthew 18:35

Etho Jesu aa raaqshiton sha tathun eq batta, “Nim aa tinmong wang nim no ma tolchak min ang inn jo, mungtan na tongtey Iwa nim jamoq irimal hun somlo na.”

Matthew 19:24

Nga nim ma wey bat phang, ashey tanglom sha Shkewa Mungtan náng nop wang, ashey utt sha mitkat po na thalin sha achol.”

Matthew 25:10

Ning rik katma qhing chuwang atho, thariktey wa tha thuta etho bara eshina ban kacha angta, ning tha thariktey wa jam tho rungsat náng wangta etho kalung tha sakchak ta.”

Matthew 25:21

Utangteywa they piq ma batta, ‘Jaqhal ni uhan eq ching sanga, nang aa jaqhal som tu! Nang raa amaan dan wang uhan ching rol, nga nang raa daqhan tang wang siin tan ma shing phanáng. Ba tangteywa sungrang jam sho rap sungrang u.’

Matthew 26:39

Piq amaan sa alo náng wey ka eq usham anim náng eq haq sho bonta etho romtam chuta, “Iwa, jin hel eq u jo, iri tsamnang kok ri i relwang hel chak u. Etharin nga chammal tathin ang shimal ang moq, nang aa chammal tathin u shimal cham ang aa.”

Matthew 26:42

Jesu wey ka eq romtam chuta, “Iwa, nga ling hunga iri tsamnang kok raa jin tahel moq ang ajo, ba tinthin shimal cham ang aa.”

Mark 3:35

Utang eq Shkewa tinuk mal somlo aa, ning raa inu, etho ino nia pho tang.”

Mark 9:47

Etho bamiik ashey eq nang ma ngarey jaksom lot tasom lo phu ta ang ajo, eshi miik shi lat eq baychak u! Miik ashey ahung ang eq Shkewa Mungtan náng wang sha, miik ani hol eq walmungtan náng wang ajo ba rangma aqhal.

Luke 11:28

Etho Jesu aa batta, “Etharin barey Shkewa tung aa raaq tat eq tong aa eshima ináng eq tho ahan sunmaan.”

Luke 13:25

Him tangteywa tha shat eq kalung sha sakchak na: ethi ji tho nim aa rann na lang eq kalung sha tharaaq wat eq tat bat nin, ‘Tangteywa, í ma kalung lak kophu!’ Piq aa nim ma bat phanin, ‘Nga nim bari wang thuta phin sha sampha mong.’

Luke 18:25

Ashey utt sha mitkan po o nop eq jinwang náng eq ashey tanglom miq Shkewa Mungtan náng nop rapney halna.”

Luke 6:46

“Nim aa nim nung wang chen ‘Teyhungwa, Teyhungwa’ ta nga ri chama halphin, etho nim aa nga chamta batphang tha som min?

John 14:7

Nim aa nga usam eq taphin jo Iwa sha tho usam eq nin. Etho thang wang hun piq tha usam eq inn, etho nim aa piq tha ukhi eq tin.”

John 15:23

Utang eq nga ma miiksuk shing aa, piq aa Iwa ma tho miiksuk shing aa.

John 3:5

Jesu aa piq ma thawel batta, “Nga nang ma asing sing bat phang, miq eq jung etho Tsija wang chang moq ang ajo Shkewa Mungtan náng jin nop moq.

John 5:17

Jesu aa thawel batta, “Iwa salwet jaksom aa, etho nga tho jaksom som chey ro eq náng.”

John 6:40

Utang eq Miqwasa khi eq piq sha kam ajo, piq aa pattuk rollung kap na ta Iwa tinthin; etho nga piq tha uthom saal o wey thajey náng.”

John 7:17

Utang miq eq Shkewa tinuk wang kat ma ta ajo piq aa nga Shkewa ching wang tatal bat ang tia iching ko wang tatal bat ang sha ning aa usam eq na.

Acts 14:22

Ningni aa uhantey tang tha kam na tharong ta etho kam na tong ro hun angma batta, “Hiqtang rapney tsamnang sha lit eq Shkewa rangmungtan náng thok ching.”

Romans 12:2

Iri mingkang miq dangjang mal nak ang inn, etharin nim thung anal ang eq nim dangjang shi cham kaley aa. Irimal ang ajo nim aa Shkewa tin sha sam nin; piq nim rangma aqhal, khakla, etho unuk ang eq tin shing aa.

Romans 2:13

Chammatakoi thong raaq utat eq aa ta utang tho Shkewa jakho na asing miq ang moq angna, etharin utang eq thong raaq sho somlo aa ning sha hun asing miq angna.

Ephesians 6:6

Salwet ning shi tasungrang ma tathin inn, ning aa nim siin rangham o chen ang moq, Khristo qha ang eq nim tinmong wang hun Shkewa tinuk o somlo inn.

Colossians 4:12

Epaphras bara nim jaktung wang, etho Khristo Jesu sanga, nim ma jak tachap kot aa. Etho piq aa nim rangma salwet romtam tang o taching bat aa, irimal ang eq nim Shkewa mongtham o hun tunlang nin etho kam na arong ang eq jakho kho náng ka nin.

1 Thessalonians 4:3

Chammatakoi nim asang angma etho sathuk jaksom sha nim aa shingchak ma Shkewa tinuk.

1 Thessalonians 5:18

Chammal ang inn jo tho Shkewa ma kechu ajong kot inn. Ira hun nim ma Khristo Jesu na Shkewa tinthin.

Titus 1:16

Ning aa Shkewa usam eq i ta bat aa, etharin ning jaksom wang alik. Ning miq miiksuk tey, etho raaq dantey, etho ning cham jaksom ma tho qhal moq.

Hebrews 4:6

Iri tungtang qhal raa jakho tattey miqtang nángtong náng unop angta chammatakoi ning aa kam moq angta. Etharin eshi nángtong náng noptey tang tungkang o,

James 1:22

Shkewa raaq tat tey tang ma chen ang eq, nim ni nim shi nak dip inn etharin eshi raaq shimal som inn.

1 Peter 2:15

Chammatakoi nim aa jaqhal jaksom somlo inn jo, miqja tang mal raaq wantit sha shingchak ma, iri tang raa Shkewa tinuk.

1 Peter 4:2

Irimal ang eq nim tho thang wang hanngam rollung miqna tinthin mal ang moq Shkewa tinuk mal tong inn.

Revelation 2:27

Piq aa jankang sha somlo eq phan ajat sha jaktáng o shing na, etho ning tha haqchik mal pan chak na. Nga iwa wang authority kap táng mal nga piq ma tho ukot eq náng.

Revelation 22:14

“Bari ning rangkho samkhong tasang khol aa ning sunmaan chammatakoi ning aa rollung bang wang uphak eq rangma etho paal kalung o ajong samhaq shináng kap nop na.

Revelation 3:5

Barey ujin eq aa, ning ma irimal apung khat tasam na, etho nga ning miing rollung likdap wang baluk otho thamat chak mong ang náng, etharin ning miing sha iwa nia urangkamwa tang relna ning sha i miq ta nga lan bat náng.”