Matthew 4:4 - ASII LAKDAP Bible (BSI)

⁴ Shatmaq Jesuq raq treto, “Asii bomtsi na akha chongtlo, ‘Maiqse ka winsii lamlamse phaqsiq raütli ka siwanlot mak. Shatmaq, Shiikeawe nübok maq dong tlaq bomtsi awea kra phaqsiq raütiitiq sichang.’ ”

Hawa Naga Bible 2001

⁴ Yuq muinz Yesu rueq, “Miq kuex wanx rueq dvyx tvraungx yaq rvmuq, Tishox nuix maq vdung bomc poz ruip rawx rueq juex tvraungx yaq, ngoz tueq Rumvrc luik nuex jungx shec tueq,” ngoz tueq tvralc tueq.

Muklom

⁴ Etha otho Jesu aa thawel batta, “Asang likwit na thawit aa, ‘Miqtang banlo chen phak eq tong moq; etha otho Shkewa nung wang thalat aa thaji tung aa raaq shiwang tong aa.’”

Matthew 4:4 Referencias Cruzadas

DUNGWVNC 16:15

Israilnok raq kra chhi raüta, tsangshiq raq kriika jamlai wa sapmak riito. Kiimaq tsangshiq liipan na, “Arka jamlai wiinya?” nguta riiwaito. Kiimaq Mosheq raq tsangshiq ma chongkuqto, “Ahata Tatiwe raq namshiq ma akuq aphaq sea chang dung.

DUNGWVNC 16:35

Israilnok raq manna ka rawii roqblai na saüli, tsangshiq shong chang Kanan mung na misaü wan shaq wiiwii manna siq raüta siwanto.

DUNGWVNC 16:8

Kiijiishe Mosheq raq nguto, “Tatiwe raq namshiq ma raji ko phaq chang ka ngam mikuq kiimaq ranap ko na phaqsea chang ka winsii, namshiq raq alot lot kra mikuq. Jamkhano ngukla namshiq raq apaiq ngeng ma ümtinkhan wa bot nyan lan kra apaiq raq taito she. Namshiq raq nai nai ngeng bom ümchuwa bom lan kriika Tatiwe ngeng bom riito.”

DUNGWVNC 23:15

Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

Matthew 15:11

Maiqse raq anü mong na jamlai wa thii wan tlaq kra riika, apaiq ka Shiikeawe man na ashe miika tiija mak. Shatmaq, apaiq raq anübok maq jamlai phan bomtsi wa bom tlaq, kriiraq apaiq ka Shiikeawe man na ashe ma tiija tlo.”

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Matthew 4:7

Kiijiishe Jesuq raq treto, “Shatmaq, Asii bomtsi niika, ‘Tati Shiikeawe ka ümniiraq naq maitai kiq,’ nguta chongtlo.”

Mark 7:20

Kiimaq apaiq raq, “Maiqse tsan mong wa dong tlaq kra raq, maiqse tsantsii tiishe shitlo.

Luke 4:12

Kiijiishe, Jesuq raq treto, “Asii bomtsi na, ‘Üm Tati Shiikeawe ka tamlamlam maq naq maitaikiq’ ” nguta chongtlo.

Luke 4:4

Kiijiishe, Jesuq raq, “Asii lakdap na, ‘Maiqse ka winsii lamlamse phaqsiq raütli atra si mak,’ ” nguta chongtlo.

Luke 4:8

Kiijiishe, Jesuq raq treto, “Asii bomtsi na akha chongtlo, ‘Tati Shiikeawe kli üm Shiikeawe. Apaiq kli shomnoq wan lili riilaq!’ ”

John 15:26

“Riita, Khrumti we ngutlaq ka misaüho she. Apaiq ka Asii Wenyi. Apaiq ka Awe pha wa kitlo. Apaiq raq Shiikeawe ka maiqse rai mang mitriisap kuq wan. Kiimaq, Shiikeawe tsantsii ka maiqse ma tiichhikuq wantlo. Ngi raq apaiq ka Awe phawa, namshiq phana mitiiki kang. Kiimaq apaiq ka ngi hakhi ma jaraüta, ngi tingkhu wa bom ka, namshiq ma michong phan kuq wan.

John 6:63

Tsitsü keti ka Shiikeawe Wenyi kli. Maiqse han-ngam ningkun miika, maiqse ma tsitsü raü triiche kuqlot mak. Ngi raq namshiq ma chongkuq tiikang i bomtsi ahata, namshiq ma tsitsü keti Shiikeawe Wenyi raüchong.

Romans 15:4

Riita, ara chong tiikai arai mren, Tongshong Chü na ümchuwa waiq wantaq, kriika, nashiq ma sungkhu tsiilam tiichhike wan miitu waiqto. Arka, Asii bomtsi na waiq wantaq, anin wan bom chong tlaq kra nai tsaijido kewan, tsii chongkuq tlaq kra lümaq, nashiq raq rawiichii rilung miitu, ran tsantsii rüm tiikai kriika, milap rong i dongdii she nguta, mongngam maq siwan miitu waiq thüto.

Ephesians 6:17

Kiimaq Shiikeawe raq namshiq ma tiichhii wan rilung kuqtaq kra, ahea wiq maq saiqsam ronglaq. Kriika namkhupo tiiwong wan chang jinkhuphok. Kiimaq Asii Wenyi raq namshiq ma akuq, Shiikeawe bomtsi ka nepja rekhat chang kra, apha maq khon lanta sham ronglaq.

TRI CHONGKE 8:3

Apaiq raq namshiq ka songtsi ramtsi tiichamchaoto. Raütiishe apaiq raq namshiq ka manna maq dung wanto. Kra dung ka namtitiim pat na nai namshiq riimin man na phaqsiq wan man riilan. Apaiq raq namshiq ma manna maq dung wantaq arka, maiqse ka atra si miitu dung lam lamse phaqsi raütli sichang riimak, shatmaq Tatiwe raq phanrap bomtsi chongtlaq kra phaqsiq raüta sichang nguta shrinke miitu riito.