Matthew 4:4 - Hawa Naga Bible 2001

⁴ Yuq muinz Yesu rueq, “Miq kuex wanx rueq dvyx tvraungx yaq rvmuq, Tishox nuix maq vdung bomc poz ruip rawx rueq juex tvraungx yaq, ngoz tueq Rumvrc luik nuex jungx shec tueq,” ngoz tueq tvralc tueq.

ASII LAKDAP Bible (BSI)

⁴ Shatmaq Jesuq raq treto, “Asii bomtsi na akha chongtlo, ‘Maiqse ka winsii lamlamse phaqsiq raütli ka siwanlot mak. Shatmaq, Shiikeawe nübok maq dong tlaq bomtsi awea kra phaqsiq raütiitiq sichang.’ ”

Muklom

⁴ Etha otho Jesu aa thawel batta, “Asang likwit na thawit aa, ‘Miqtang banlo chen phak eq tong moq; etha otho Shkewa nung wang thalat aa thaji tung aa raaq shiwang tong aa.’”

Matthew 4:4 Referencias Cruzadas

DUNGWVNC 16:15

Israel miqsaz rueq vphux sahez kuex khiz vtueq yvmx lac rvtvnx kuex tuiuz muq ningkhvnc nuex, “Vruex yvmx lac,” ngoz tueq vdvmz dvmz rvwiz soz wuez tueq. Moshe rueq tsuingshiq muex ngoc, “Vruex kuex nuimshiq rueq phuiuz tvkoc Yehowa rueq vkuq phuiuz vsvy rvtueq.

DUNGWVNC 16:35

Israel miqsaz kuex tsuingshiq httaz waungc juing Kanaan mungx ghaqruiy nuex httuiuc laz, manna wanx kuex wawc rok bvlic phauk saq tueq.

DUNGWVNC 16:8

Kvruex yimaq Moshe rueq, “Nuimshiq rueq ngoz vshuinx htenc kuex Yehowa rueq tay vtueq, nuimshiq rueq phuiuz svy tvkoc raungyac nuex ngvmx nuiyc raungnvp kox nuex nuimshiq muex rax tuex tanc khvnc wanx kuex kuq kv-phuinx. Nuimshiq rueq nvnueyc ngoz vphuinx kuex, nuimshiq rueq Yehowa muex ngoc ngac rvtueq,” ngoz tueq jungx tueq.

DUNGWVNC 23:15

Ngaz rueq nuimshiq muex nvr phaungx rulc rv-ngvlc Ejip mungx maq dung wvnc tuit Abib yapix nuex Wisiz lomx muq Wantuc Moalx kuex moalx wuez shuinz. Raungx mvshix tup moalx shuinx baunglaung wisiz maq vtvhungx wanx kuex nauk phauk kaz. Shomc kuy juing lvmz laq muq maq ngaz muex nawk palx tvkoc mkaq muinz kay mvy muq.

Matthew 15:11

Miq muex sawc muq tvyaungc yaq phvnx kuex nuix mungx nuex nyuip wvnc yaq phvnx kvruex rvmuq, nuix mungx maq dung yaq kvraq sawc muq tvyaungc yaq,” ngoz tueq jungx tueq.

Matthew 4:10

Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

Matthew 4:7

Yesu rueq tvralc tueq, “Yuq muinz Taungjix m-Tishox kuex mnoz rueq laulawc lot shuiux rvmuq, ngoz tueq Rumvrc luik nuex wuiyq shec tueq,” ngoz tueq.

Mark 7:20

Vpiq rueq jungx yek tueq kuex, “Miq thuinz vmungx maq dung yaq phvnx rueq dvyx miq muex sawc muq tvyaungc yaq.

Luke 4:12

Yesu rueq, “‘Mnoz rueq Taungjix m-Tishox muex taruiyx mvy muq,’ ngoz tueq Rumvrc luik nuex wuiyq shec tueq,” ngoz tueq tvralc tueq.

Luke 4:4

Yuq muinz Yesu rueq, “Rumvrc luik nuex vkhoc wuiyq shec tueq, ‘Miq tvraungx yaq kuex wanx rueq dvyx tvraungx yaq rvmuq,’” ngoz tueq tvralc tueq.

Luke 4:8

Yesu rueq, “Taungjix m-Tishox muex mnoz rueq nawk palx lvp shuiux, vpiq muex dvyx shuimx lvp kuq shuiux ngoz tueq Rumvrc luik nuex wuiyq shec tueq,” ngoz tueq tvralc tueq.

John 15:26

“Tishox nuex seng yaq tsuingrux lvmx kuex tvkhic kuy jix Romc Kuy jix Waz ngoz yaq Siyac kuex Vwaz kox wawc httuiuc kaz tuex. Vpiq kuex Iwaz kox wawc nuimshiq kox nuex ngaz rueq tvkaz phaungx, vpiq rueq ngvy lvmz hakhix khvmc shuex.

John 6:63

Rullungx tvraungx yaq kuex Tishox Siyac rueq rvtueq; Ngaz rueq nuimshiq muex jungx kuq vphaungx kvjaz htenc kuex rullungx tvraungx lot yaq Siyac nuex seng yaq.

Romans 15:4

Rumvrc luik nuex wuiyq shec tueq htenc kuex naungshiq muex tvluingc kuy tvkoc vwuiyq shec rvtueq. Kvkhoc wuiyq shec tueq lvmz kuex naungshiq rueq Rumvrc luik wawc vlvp vnanx thuinz nuiyc thuinz nuex hungc vlaungc tvlvp ningkhvnc nuex tvluimc juing lvmx lvp wvnc tvkoc rvtueq.

Ephesians 6:17

Palc daungc wvnc juing ngoz yaq yanx khux phuk kvruex muinz, Siyac rueq vkuq Tishox bomjungc ngoz yaq yaung kvruex muinz shuimx wuez shuinz.

TRI CHONGKE 8:3

Vpiq rueq nuimshiq kuex rvmc muex tvrvhumc vtueq, nuimshiq nuiyc nuimshiq jix vwaz tamx rueq phauk saq muit doc phvnx manna wanx kuex kuq phauk kv-phuinx. Miqsaz kuex wanx phauk vtueq dvyx thuiuzthuic tvraungx yaq rvmuq, phvnx ruip saz kuex Yehowa rueq jungx tueq kvjaz maq dvyx thuiuzthuic tvraungx lvp tuex lvmz kuex mtvluing wvnc shueq ngoz tueq, vruex lvmz vpiq rueq shuimx wvnc tueq.