Matthew 4:3 - Hawa Naga Bible 2001

³ Kvkaq Htaungc kuex vpiq kox nuex httuiuc kaz vtueq, “Mnoz Tishox Saz doc ngoz ruiux kuex lung htenc vruex wanx muex m-yaungx kueq, ngoz shuiuz,” ngoz tueq.

ASII LAKDAP Bible (BSI)

³ Kiijiishe, Thawe ka apaiq phana waraüta, “Riita ümniika Shiikeawe Se dea jiika, ara longpo thun ara winsii ma tiija laq,” nguta maitaito.

Muklom

³ Thangwa sha piq rel thináng ka eq batta, “Nang Shkewa Miqwasa ang ujo, iri long tang ri banlo angma bat u.”

Matthew 4:3 Referencias Cruzadas

DUNGWVNC 16:3

kvbot ngoz wuez tueq kuex, “Yehowa rueq nuiyshiq kuex Ejip mungx nuex thvt gay shec ruiux vhvlx ruec juing. Kvruex mungx maq nuiyshiq rueq ngvmx nuiyc vganc phuiuz vsvy kuex nuiyshiq rueq vroc phauk saq ruiux shix. Yuq muinz mnoz rueq nuiyshiq kuex kumtsvy tvnx vyuq shvlx laq vtueq, nuiyshiq lotlaz kuex rvmc muex tvthueyc khvmc muex haz shvlx laq phux,” ngoz tueq jungx tueq.

Matthew 14:33

Kvkaq lix mungx nuex httax yaq sangac hez rueq vpiq muex bumx vtueq nawk palx ruiux, “Mnoz kuex vsuing Tishox Saz doc rvtoq,” ngoz tueq ngoz wuez tueq.

Matthew 16:16

Simon Peter rueq tvralc tueq, “Mnoz kuex Mesia, vtvraungx httax yaq Tishox Saz rvtoq,” ngoz tueq.

Matthew 26:63

Yuq muinz Yesu kuex kuiyqshuik dvyx rvtueq. Shomc Wayungx waz rueq, “Mnoz kuex Tishox Saz Mesia haz? ngaz muex jungx kuq koq, vtvraungx httax yaq Tishox muingc ruingc vtueq mnoz muex wiz vphaungx,” ngoz tueq vpiq muex ngoz tueq.

Matthew 3:17

Kvruex yimaq raungmungx maq kvjaz tvruingc kuex, “Vruex waz kuex ngaz rueq raungc raq vshaungx, ngaz rueq lungwawc hvlc Saz rvtueq,” ngoz tueq.

Mark 1:1

Vruex kuex Tishox Saz Yesu Christu lvmz Thuix Thaungx Vhvlx bomjungc rvtueq.

Mark 3:11

Vshuy vshac htaungc kop yaq miq htenc rueq Yesu kuex khiz shuex ruip rawx, vpiq khaungkac nuex bumx vtueq, “Mnoz kuex Tishox Saz rvtoq,” ngoz tueq ramc wuez yaq.

Mark 5:7

“Johvlc Pinhtumc Tishox Saz Yesu lex! Mnoz rueq ngaz yvmx khoc ruec lac dvnc vphux? Mnoz rueq ngaz kuex nauk guirx guenz vkueq, Tishox ningkhvnc maq mnoz muex ngaz rueq kvmenc jenc thoz vphaungx!” ngoz tueq yunghvlc maq ramc tueq.

Luke 1:35

Raungkamx waz rueq tvralc tueq, “Vsawc Siyac kuex mhtauk nuex httuiuc kaz vtueq Tishox luimc vkawc rueq mnoz kuex puingc wuingc kv-phux, kvkhoc rvtueq vsawc nox kuex Tishox Saz ngoz tueq gvlc rvhumc tuex.

Luke 22:70

Tsuingshiq lotlaz rueq, “Kvkhoc ngoz ruiux mnoz kuex Tishox Saz doc haz?” ngoz tueq wiz tueq. Vpiq rueq tsuingshiq muex, “Nuimshiq rueq jungx vshuinx kvkhoc ngaz rvtauk,” ngoz tueq.

Luke 4:3

Kvruex kaq htaungc rueq, “Mnoz kuex Tishox Saz doc rvtoq ngoz ruiux kuex lung vruex wanx muex yaungx kuiuz ngoz shuiuz,” ngoz tueq.

Luke 4:41

Htaungc htenc rueq muinz, “Mnoz kuex Tishox Saz rvtoq!” ngoz tueq kvjaz yunghvlc maq guyc vtueq miqmac kvpumz yaq jix gvnz wawc dung wvnc wuez tueq. Vpiq rueq htaungc htenc guyc sez yaq kuex tvbomc muq tvkoc tvwanc svl tueq. Yvmx khoc lac ngoz ruiux lec vpiq kuex Mesia ngoz tueq tsuingshiq rueq tuiuz yaq ningkhvnc nuex rvtueq.

Luke 4:9

Kvmaq htaungc rueq vpiq kuex Yerusalem ghaq nuex shvlx wvnc vtueq Shomc Yuimx wux khux pungx nuex tvjvp ruiux, “Mnoz kuex Tishox Saz doc ngoz ruiux lec vruex maq ghaq kvyuq dauk kuiuz.

John 1:34

Kvkhoc jungx tueq rulc rv-ngvlc yaungx wvnc tueq kuex ngaz rueq khiz tauk,” ngoz tueq. Kvmaq raz tueq Yohan rueq, “Ngaz rueq nuimshiq muex jungx kuq ix, vruex waz kuex Tishox Saz rvtueq,” ngoz tueq jungx tueq.

John 1:49

Kvkaq Nathanael rueq, “Tvluingc waz lex, mnoz kuex Tishox Saz rvtoq! Mnoz kuex Israel phvnx Hokhvmx waz rvtoq!” ngoz tueq tvralc tueq.

John 20:31

Yuq muinz Yesu kuex Tishox Saz Mesia rvtueq lvmz nuimshiq kvmluimx lvp tvkoc muinz, kvkhoc kvmluimx wvnc vtueq, vpiq muingc maq rullungx lvp wvnc tvkoc muinz vruex lvmz htenc kuex wuiyq shec tueq.

John 9:35

Kvkhoc yurc gay tueq lvmz kuex Yesu rueq tay vtueq, kvruex waz rulc rvhumc tueq nuex, “Miq Saz kvmac mnoz kvmx vtuiux haz?” ngoz tueq wiz tueq.

Acts 9:20

Piq kuex vjux thoz yuimx htenc nuex kaz vtueq, Yesu kuex Tishox Saz rvtueq lvmz piq rueq jungphvnx kuq tueq.

2 Corinthians 1:19

Yvmx khoc lac ngoz ruiux lec ngaz maq phaungc vtueq Sila nuiyc Timothy nuiythuimx rueq nuimshiq muex Yesu Christu kuex Tishox Saz rvtueq lvmx tvluing kuq phix kuex, “Rvtueq” nuiyc “Rvmuq” kuex rvshot rvshauk waz rvmuq. Vsuing ngoz ruiux vpiq kuex Tishox thuinroc lvmx ngoc, “Rvtueq” ngoc jix waz rvtueq;

Galatians 2:20

Kvkhoc rvtueq ngaz kuex tvraungx shauk rvmuq, Christu dvyx ngaz nuex rullungx tvraungx yaq. Majuiuc ngaz tvraungx vtaungx rullungx kuex Tishox Saz muex kvmluimx ningkhvnc nuex tvraungx vtaungx rullungx rvtueq; Vsaz rueq ngaz lungwawx vtueq ngvy tvkoc nuex vpiq thuiuzthuic kuex lekuq gay tueq.

1 Thessalonians 3:5

Kvkhoc rvtueq ngaz rueq Timothy kuex tvkaz vphaungx. Ngaz rueq bvmc lot mauk shex ningkhvnc nuex nuimshiq kvmluimx thuinz phaungx yaq shuex phaungx muq lac tuiuz tvkoc piq kuex tvkaz vphaungx. Nuimshiq kuex Htaungc rueq laulawc yaq kvyuq kaz wvnc vtueq, nuiyshiq rueq shuimx wvnc tiq lvmx kuex khuec guez yaungx kaz khiq ngoz tueq ngaz rvwvl vtaungx!

Hebrews 12:16

Ukhaq yuq muinz Esaw ikhoc honc vbac nuiyc kvmluimx thuinz vguez muex nauk yaungx kaz, Esaw rueq dungc panshiz saz ningkhvnc nuex pekhux muingjungc kuex shaung gay tueq.

Hebrews 4:14

Kvkhoc rvtueq naungshiq kvjungc kvmluimx vtix nawk palx htungx kvmluimx lvmx nuex phaungx duingduing shuimx taq wuez ix. Yvmx khoc lac ngoz ruiux lec Tishox khaungkac nuex nyuip waung tix Tishox Saz Yesu ngoz yaq Shomc Wayungx washiz naungshiq rueq tiq.

Hebrews 7:3

Melkhizedek kuex vnyuiuz vwaz vjix vwiz waruiuz lvmz vtvtsuingc wuiyq taq muinz, piq jawx tueq nuiyc thueyc wvnc tueq lvmz vtvtsuingc wuiyq taq muinz khiz miq, piq kuex Tishox saz rulc rv-ngvlc yaungx vtueq, pattup httax yaq shomc waz rvtueq.

1 John 3:8

Mvrax shuimx hvt jix waz ukhaq yuq muinz Htaungc rulc seng yaq waz rvtueq, yvmx khoc lac ngoz ruiux lec Htaungc kuex vphaungc vyaungc maq phuex mvrax shuimc jix rvtueq. Kvkhoc rvtueq Htaungc yauk shuimc kuex tvbac gay tvkoc Tishox Saz dung kvkhic kaz tueq.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.