Matthew 4:3 - ASII LAKDAP Bible (BSI)

³ Kiijiishe, Thawe ka apaiq phana waraüta, “Riita ümniika Shiikeawe Se dea jiika, ara longpo thun ara winsii ma tiija laq,” nguta maitaito.

Hawa Naga Bible 2001

³ Kvkaq Htaungc kuex vpiq kox nuex httuiuc kaz vtueq, “Mnoz Tishox Saz doc ngoz ruiux kuex lung htenc vruex wanx muex m-yaungx kueq, ngoz shuiuz,” ngoz tueq.

Muklom

³ Thangwa sha piq rel thináng ka eq batta, “Nang Shkewa Miqwasa ang ujo, iri long tang ri banlo angma bat u.”

Matthew 4:3 Referencias Cruzadas

DUNGWVNC 16:3

Kiimaq tsangshiq raq akha nguto, “Naishiq arka Tatiwe raq Ejip mung niili tsat baiq raüjaq ahea riichang wa. Kiijaq naishiq raq wok raq atang tang tolonglong nga laita ngam ka wok phetaktak phaqsiqkai kiimaq laihin phaq nai sea kiimin maiqmii raq aroro phetak phaqsiq tiikai arwa. Shatmaq ümchaütiq nya ümniiraq naishiq ka ara kumtsaiphii rumnyangkhi mung na tsuq wan laüta naishiq tarü ka ram ma tiihaü tlaü.”

Matthew 14:33

Kiijiishe lai mong na ngati ajaqshisetiim thun raq Jesuq ka, “Tengto, ümniika Shiikeawe Se dea!” ngutiishe shomnoqto.

Matthew 16:16

Kiijiishe Simon Petar raq treto, “Ümniika atra Shiikeawe Se Messia.”

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

Matthew 3:17

Kiijiishe ramungtan wa bomtsi ashi akha saüto, “Arka i Se. Ngi raq apaiq ka kai lungwii tiikang. Ngi ka apaiq ma pinthum khoqriiq tiikang.”

Mark 1:1

Arka Shiikeawe Se Jesuq Khristo Tsütsa Ahea manphan tiichap phaho.

Mark 3:11

Kiimaq, maiqtsak raq arom wan atsiti thun raq, apaiq rai riihum tlaq na, tsangshiq ka akhaki na kaütsrong na bumsaqsaq raüta, akii anyii, “Ümniika Shiikeawe Se!” nguta hoqsii trangto.

Mark 5:7

hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”

Luke 1:35

Kiijiishe, rase raq abom ka tre nongto, “Asii Wenyi ka ümkhum na miki. Raüta, Shiikeawe ningkun ka ümhan na mishang. Krai mren, Asii no kriika, Shiikeawe Se nguta mingu.

Luke 22:70

Kiijiishe, tsangshiq tarü raq, “Riita ümniika Shiikeawe Se dea sha?” nguta waito. Kiijiishe, “Ngi ka apaiq kiidea nguta namshiq raq ngutlan kata,” nguta apaiq raq tsangshiq bom ka treto.

Luke 4:3

Kriikha maq, Thawe raq apaiq ma, “Riita, ümniika Shiikeawe Se dea jiika, ara longpo thun arka winsii ma tiija liina.”

Luke 4:41

Abi winji thun kiimin, “Ümniika Shiikeawe Se!” nguta, agi asii wa trang la, maiq pahea khum wa, dongho raüta, pongpin riipin pintrangto. Jesuq raq abi winji kong ka, tiiki miilaq asea riito. Kiimaq tsangshiq ma, bom ka poshi min tiibom mak riito. Apaiq raq tsangshiq ka jamkhano tiibom mak ngukla, tsangshiq raq apaiq ka Khristo nguta asap. Kriikha maq apaiq raq tsangshiq ka tiibom mak.

Luke 4:9

Kiijiishe Thawe raq apaiq ka Jerusalem niishe shea wanto. Raüta, Shomjam wukhu diilu pinthum ba kiina tiichap raüta, apaiq ma chongto, “Riita, ümniika Shiikeawe Se dea jiika, ara wukhupong armaq, hiq na dea wan liina.

John 1:34

Riita, kra ngi ma chongkuqtaq krai mren, ngi raq chhi kang she. Ngi chongpha, Shiikeawe Se ka apaiq dea,” nguta Johan raq mungmaiqse ma tru chong kuqto.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

John 9:35

Jesuq raq apaiq ka welabi raq sinagok wa shleq baiqto nguta tsütsa kra tai raüta, apaiq rai riihumkai kito. Apaiq rai riihum raütiishe, Jesuq raq apaiq ma akha waito, “Ümniiraq Maiq Se miika kam tlaü sha?”

Acts 9:20

Kiimaq, apaiq raq sinagok thun kiijaq kokkok wawan raüta, Jesuq kiidea Shiikeawe Se nguta trahokuq pha wanto.

2 Corinthians 1:19

Silas, Timothi kiimaq ngi raq namshiq ma Shiikeawe Se, Jesuq Khristo tsütsa ka chongkuq wan kai ihata. Kra tsütsa ka Tengteng bomtsi wa, Tengmak bomtsi miika klaiki mak phan. Jesuq Khristo ka pattup miitu Shiikeawe raq atiiki “Tengteng Bomtsi.”

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

1 Thessalonians 3:5

Arningkhan tiina, ngi raq Timothi ka namshiq liiwa, tiiwa kang. Ngi raq namshiq miitu chapa tsi ka ninlot mang she riilata, apaiq ka namshiq kamasham ka jamkhiiwa kra, tho tlap wa nguta, tiiwa kang. Ngohea shaqshaq dea, namshiq ka thawe maitai na dea man sha, kiimaq naishiq raq ümtinkhan wa jaqsham wankai ka, atu niika moki mak ahiq na, nguta tlii wa tiiwa kang!

Hebrews 12:16

Namshiq phong wa, jumin Esau kiikha ashe sethoq naq jaq rongkiq. Kiimaq, Wenyi hupsam ka thiihü ma naq tiija rongkiq. Esau riika, apaiq chhikhu we arang achu shiiman ka, aramtsi ma dungja dase miitu shaphaq baiqto.

Hebrews 4:14

Ikhiijiika, nashiq raq jamlai mo kamwankai kra, kamtsantsii raü kha kriika, phataq khonshat maq si rong i. Ramwe Ajong Pinthum we, Shiikeawe Se, Jesuq ka nashiq miitu Shiikeawe ngachang tiinap niishe nga wato.

Hebrews 7:3

Asii bomtsi na, Melkijedek ma anyung nai awe ka juwa, lo atitiim ka juwa kriika waiq thü mak dea. Kiimaq apaiq rawüchhi, lo apaiq langpit tsütsa bomtsi kiimin, jam min waiqthü mak. Apaiq ka Shiikeawe Se sitlaq kra niq riri, pattup pat-sa miitu ramwe ma jaraüta sitlo.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.