Matthew 4:5 - ASII LAKDAP Bible (BSI)

⁵ Kra jai miishe, Thawe raq Jesuq ka Asii chela Jerusalem niishe shea wanto. Raüta apaiq ka Shomjam wukhupong diilu pinthum ba kiiniishe shea wan raüta tiichapto.

Hawa Naga Bible 2001

⁵ Kvkaq Htaungc rueq Yesu kuex Vsawc Yerusalem Ghaqyungx nuex shvlx wvnc vtueq Shomc Yuimx vjoz pinhtumc baung nuex tvjvp ruiux,

Muklom

⁵ Ethi jio, Thangwa eq Jesu tha Jerusalem náng sol kat eq, rangnuk him thaji phey náng eq aluk thina thalangta.

Matthew 4:5 Referencias Cruzadas

2 KAÜWA WERAÜ 3:4

Kiimaq Shomjam na wachang rinkhok ka Shomjam jong ümchuwa kiichu mitar tiikaü riito. Kiimaq adü lu nü niika mitar roqbiingi ri mitar blai riito. Kiimaq khokmong khetuk kriika chiisan chaq maq loto.

NEHEMIA 11:1

Mung welabi ka Jerusalem chela na shong nga wanto. Kiimaq mungmaiqse wiika, maiqta taroqshi khuthaq wa, tashishi langlii raüta, lang raq thaütlaq kriita ka asii chela Jerusalem na siwan miitu tsea wanto. Kiimaq kiiwa chan tlaq maiqta tatiikaü kriika, chela ahin na shongnga wan chang, nguta bom ka riichong raüta tri ka shatthüto.

NEHEMIA 11:18

Asii Jerusalem chela na siwanti Lewinok tarü tlotli ka 284 riito.

ISAIA 48:2

Kra taümaq miimin, namshiq ka asii chelati nguta shiikongkhiq tiitsakitlan, kiimaq namshiq ka Israilnok Shiikeawe ma kamti, apaiq mang ka Ajong Pinthum Tatiwe nguta srasiqtlan.

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

DANIEL 9:16

Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

Matthew 27:53

Kiimaq tsangshiq ka makho mong wa dong wan raüta, ahin niishe wawanto. Kra jai maq, Jesuq ka ama wa dong wan jai she, tsangshiq ka Asii Chela Jerusalem kiina wawanto. Kiijaq maiq pahea raq tsangshiq ka chhito.

Luke 4:9

Kiijiishe Thawe raq apaiq ka Jerusalem niishe shea wanto. Raüta, Shomjam wukhu diilu pinthum ba kiina tiichap raüta, apaiq ma chongto, “Riita, ümniika Shiikeawe Se dea jiika, ara wukhupong armaq, hiq na dea wan liina.

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

Revelation 11:2

Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.