JOSHUA 9:18 - ASII LAKDAP Bible (BSI)

¹⁸ Shatmaq, Israilnok raq tsangshiq ka tsatlot mak she riito. Jamkhano ngukla, tsang welabi raq, Tatiwe Israilnok Shiikeawe mang na tongshong phumram kham atiibok wishe riito. Kriikha na Israilnok mungmaiqse raq, welabi ma bottrangto.

Hawa Naga Bible 2001

¹⁸ Yuq muinz Israel miqsaz htenc rueq tsuingshiq kuex thvt muq, yvmx khoc lac ngoz ruiux lec tsuingshiq walaungx rueq Yehowa Israel Tishox muingc jungx vtueq bomkhvmc tvy ningkhvnc nuex rvtueq. Kvkhoc rvtueq Israel miqsaz rueq walaungx bix kuex khawx lvlx wuez tueq,

JOSHUA 9:18 Referencias Cruzadas

2 SAMUEL 21:7

Shatmaq Dawit raq Jonathan rai tumkhamkok toraüta, Jonathan rai silu riija tongshongtaq kriikha na, Jonathan se kiimaq Saul miika asaü Mephibosheth ka tiitsat baiq mak tiiwong kuqto.

Tvtsvmc 15:4

Shiikeawe raq juwa shiithoq baiqtaq thun ka apaiq raq saisitlo, shatmaq Tatiwe aming langti ka shrengtlo. Apaiq raq akiq khamkuqtaq miiphat wranaiqshe tiipoi mak shamkuqtlo, ümtinkhan athii atsinwiq jiimin shamkuq wan ruq riitlo.

THARC TVLUINGC 5:2

Kiijaq mobom naqbomkiq. Abomho ma samhea tiimalaq. Shiikeawe man na tiimarahü maq kiq naqkhamkiq. Apaiq ka ramungtan na. Ümniika mangjong hiq na. Arningkhan bom achan naqbomkiq.

THARC TVLUINGC 5:6

Ümbomtsi kriimiili ümniika ngarai na tiidea baiq chang ka naq bomkiq. Shiikeawe ramwe ma, ümniiraq shut rai kang dea nguta mra tiidii chang miraq. Shiikeawe tsan ka ümkhuthaq na jaram tiikhiq wa? Laüta ümjaq ajaqsham haü ka apaiq ma jaram tiithen baiq wa?

THARC TVLUINGC 9:2

Maiqse liipan na jamlai tiikhothiq chang min ahü. Wiitarü ma kharii ka ashi li saütlo. Kechu maiqse miimin kiimaq ngarai maiqse miimin, kharii ka adamli. Maiqshaqti miimin, kiimaq ngarai maiqse miimin, ajiq maiqse miimin, maiqshaqwe miimin, kiimaq abi ashutwe miimin, akam alam maiqse miimin, kiimaq kammak maiqse miimin, kiimaq honglu keti maiqse miimin, kiimaq honglu kuqmak maiqse miimin, adam li saütlo. Maiqshaqwe kiimin ngarai maiqse kra thaq na ahea lin ka riimak. Atiitumtiwe ka, tiitum makwe thaq na holi riimak.

WEAWEA 30:3

Ümtiikiiwa junrii nyung raq awe jam na sishat ji na Tatiwe ma phanshi ra hupsam mikuqha nguta sinkham raüpot kha raüla, riimakla phanshi ra ka klo mang nguta sinkham raüla,

TRI CHONGKE 23:22

Tatiwe ma sinkham bomtsi thümai raü min ngarai ka riimak.

TRI CHONGKE 23:23

Shatmaq ümniiraq ümtsantsii maq sinkham bomtsi khathü laü jiila kriika ümkhiiriita jiimin tiiku thü ratlo.

TRI CHONGKE 23:24

“Ümtiikiiwa ümniika maiq weshi ra spiqtsi ro wak lam maq khum tlaü, ümniiraq spiqtsi ka ümchu sea wa rotlaü kra silaq. Shatmaq ümniiraq phanshi ra na khu akhiiq na thii laüta howan ka maimak.

JOSHUA 9:17

Krai mren, Israilnok ka tsangshiqnok ritkai kihoto. Raüta ranaiqtsam jaimaq tsangshiqnok sichang chela thun kiina saühoto. Kra chela thun ka arthun ara: Gibeon chela, Chephira chela, Beeroth chela, kiimaq Kiriath Jearim chela.

JOSHUA 9:19

Shatmaq welabi raq, “Nashiq raq Israilnok Tati Shiikeawe mang na tsangshiq ma sinkham kuq kai she. Kriikha na ümchaü nashiq raq tsangshiq ka khatki lot mai she.