JOSHUA 9:17 - ASII LAKDAP Bible (BSI)

¹⁷ Krai mren, Israilnok ka tsangshiqnok ritkai kihoto. Raüta ranaiqtsam jaimaq tsangshiqnok sichang chela thun kiina saühoto. Kra chela thun ka arthun ara: Gibeon chela, Chephira chela, Beeroth chela, kiimaq Kiriath Jearim chela.

Hawa Naga Bible 2001

¹⁷ Kvkhoc rvtueq Israel miqsaz kuex kvmaq kaz wvnc vtueq raungnuiyq thuimx vngoz raungnuiyq kvruex miqphvnx httax yaq Gibeon, Kephira, Berot nuiyc Kiriat Jearim ghaqyungx htenc nuex httuiuc kaz tueq.

JOSHUA 9:17 Referencias Cruzadas

2 SAMUEL 4:2

Ishbosheth sengi ka ajong wenai asi riito. Tsangnai ka rehuk ja na lamsheati srea. Tsangnai mang ka Baana nai Rechab. Awe mang ka Rimmon. Apaiq ka Beeroth hiqshongti. (Ara hiqshong ka Benjamin wang na nguta wea damtlo.

1 KAÜWA WERAÜ 2:50

Kaleb ma asaü asetiim ahinti ka arthun ara riito: Hur ka Kaleb se chhikhuwe pinthum. Tsangnyung mang ka Ephrath. Hur se Shobal raq Kiriath Jearim chela ka tei wanto.

1 KAÜWA WERAÜ 2:52

Kiriath Jearim chela teiwantiwe Shobal ka Horoe chelati ma, kiimaq Menuhoth chelati nokmaiqse thiqkoti ma ati.

1 KAÜWA WERAÜ 2:53

Kiimahali Kiriath Jearim chela na siti nokmaiqse arthun weraü miimin apaiq ka ati: Ithraiqnok, puthaiqnok, Shumathaiqnok, kiimaq Mishraiqnok thun ma ati. (Jora chelati nai Eshtaol chelati ka arthun maiq phan arwa.)

1 KAÜWA WERAÜ 21:29

Kra akhing na Mosheq raq kumtsaiphii rumnyangkhi binjü maq ahai Tatiwe asi tombutiip nai honglu kechang berong-wacha ka Gibeon chela na shaqli riito.

JEREMIA 26:20

(Kiimaq man na maiq weshi min asi riito, apaiq ka Shemaia se amang ka Uria. Apaiq ka Kiriath Jearim hiqti. Apaiq riimin Tatiwe mang na ara chela nai armung khuthaq na Jeremia raq chongtaq kiikha chongkuqto.

JOSHUA 10:2

Arthun tsütsa ara tai raüta, Jerusalem chelati ka kai tsaihü jihü, akii anyii she riito. Jamkhano ngukla, kra binjü na hokham raq rümtlaq chela thun phong na, Gibeon chela ka ajong ashi riito. Kiimaq Gibeon chela ka Ai chela thaq na ajong lin riito. Kiimaq kiijaq siti mungmaiqse kiimin kuilong kuila rekhatti siisaq riito.

JOSHUA 15:60

Kiimahali, Kiriath Baal (riimakla Kiriath Jerim) kiimaq Rabba riito: chela ani. Kiimaq kra thun tro wa chela aransetiim kra romshaq.

JOSHUA 15:9

Kra küla lam khupong kra miishe hiqrai ka Nephtoa khamraisetiim binjü kiiniishe rai wanto. Raüta Ephron Pum na atei wan chela thun kriiniishe rai wanto. Kriimahali she hiqrai ka Baala chela nünü niishe raihoto. (Kra chela ka ümchaü Kiriath Jearim ngutiishe ngutlo.)

JOSHUA 18:14

Kriimiishe hiqrai ka shenyap nü pum siim armaq hiqmai nünü pum siim kinhong kiiniishe raihoto. Raüta Kiriath Baal chela (riimakla Kiriath Jearim) kiiniishe raihoto. Kra chela ka Juda phan rii hiq rai mong niishe chatlo. Arka Benjaminnok hiqshong shenyap nü hiqrai.

JOSHUA 18:15

Kiimaq hiqmai nü wang hiqrai ka, Kiriath Jearim chela tho na kinlase kitlaq kriimaq raiho raüta, Nephtoa jurai setiim tsiimnyiim binjü maq raihoto.

JOSHUA 9:16

Tongshong lot jai ranaiqtsam jai miishe, Israilnok raq arnok arka kra binjü na aje na sitinok nguta sapto.

JOSHUA 9:18

Shatmaq, Israilnok raq tsangshiq ka tsatlot mak she riito. Jamkhano ngukla, tsang welabi raq, Tatiwe Israilnok Shiikeawe mang na tongshong phumram kham atiibok wishe riito. Kriikha na Israilnok mungmaiqse raq, welabi ma bottrangto.

JOSHUA 9:3

Shatmaq Hiwaiqnok Gibeon chelati riika, Joshua raq Jeriko chela nai Ai chela ka jamkho riita, kra tsütsa ka taito.

JOSHUA 9:9

Kiijiishe, tsangshiq raq akhiishe phankuqto: “Shiilangwe lei, naishiq ka mung luhea maq akihai. Jamkhano ngukla, naishiq raq, Tatiwe üm Shiikeawe tsütsa ka taikai. Apaiq raq Ejip mung na jamlai wa shamtaq kra wiita taikai.

PHOWEBI 18:12

Tsangshiq ka wawan raüta, Juda mung na Kirath Jearim chela maq shenyap nü tiithi kiijaq piitiip teito. Kra ningkhan tiina kra hiqba ka ümchaü niitaq Dan phan sichang piitiip nguta ngutlo.

1 SAMUEL 6:21

Krai mren, tsangshiq raq Kiriath Jearim chelati ma bom ka akha tiichong wato, “Philistainnok raq Tatiwe Tongshong Tek ka tiijang thüwato. Namshiq ka ana kilanta piki rongkiq.”

1 SAMUEL 7:1

Krai mren, Kiriath Jearim chelati raq Tongshong Tek ka pikito. Raüta maiq weshi amang min Abinadab ngutliiwe jam kiijaq piwanto. Apaiq jam ka hiqlampo na riito. Raüta tsangshiq raq ase Eleajar ka kra liiko miitu akhum ka kiinong kuqto.