JOSHUA 9:18 - Hawa Naga Bible 2001

¹⁸ Yuq muinz Israel miqsaz htenc rueq tsuingshiq kuex thvt muq, yvmx khoc lac ngoz ruiux lec tsuingshiq walaungx rueq Yehowa Israel Tishox muingc jungx vtueq bomkhvmc tvy ningkhvnc nuex rvtueq. Kvkhoc rvtueq Israel miqsaz rueq walaungx bix kuex khawx lvlx wuez tueq,

ASII LAKDAP Bible (BSI)

¹⁸ Shatmaq, Israilnok raq tsangshiq ka tsatlot mak she riito. Jamkhano ngukla, tsang welabi raq, Tatiwe Israilnok Shiikeawe mang na tongshong phumram kham atiibok wishe riito. Kriikha na Israilnok mungmaiqse raq, welabi ma bottrangto.

JOSHUA 9:18 Referencias Cruzadas

2 SAMUEL 21:7

Yuq muinz Dawid kuex Yonathan tsuingnueyc hvlwvl nuex vsawc bomkhvmc kuex vdvmz dvmz tv-phaungx taq shec tueq ningkhvnc nuex, Sholu suiuz, Yonathan saz Mephiboshet kuex tvluenx shec tueq.

Tvtsvmc 15:4

Tishox vtvdux gay jix htenc kuex piq rueq suirsac yaq, yuq muinz Yehowa kvjaz tay jix muex tvtsanc nganc kuy rvyaq. Bomkhvmc tvhungx tvkoc mtanc dvyx gvrx ruiux muinz, vpiq bomkhvmc htenc kuex mkaq muinz shuimx kaz yaq.

THARC TVLUINGC 5:2

Mnoz rueq kvjaz max jungx nuex kungkhux tvmaung shuiuz, Tishox rulc bomkhvmc tvtuiuz tvruiuz nauk tvhungx. Vpiq kuex raungx mungtan nuex httax yaq mnoz kuex ghaq htauk nuex httax vtuiux, kvkhoc rvtueq mnoz rueq jungx aungx yaq maq lvy vtueq vjvnc nauk kvjak kaz.

THARC TVLUINGC 5:6

Mnuix ningkhvnc nuex mvrax nauk tvyaq kaz, ngaz yaq itauk ngoz tueq Tishox shomc waz mvnz nuex nauk tvdung jungx kaz. Yvmx ngoz tueq lac Tishox thuinkhvy naq vshuiux? Mnoz rueq shuimx vshuiux yauk shuimc kuex yvmx ngoz tueq lac piq muex tvbac gay vshuiux?

THARC TVLUINGC 9:2

Kvruex kuex yvmx muinz kvtuiuz tay muq dvyx rvtueq. Tsuingrux nuiyc layx bac, vhvlx nuiyc vbac, nawk palx kvmluimx nuiyc kvmluimx muq, shomc nawk kuy shomc kuq yaq nuiyc shomc kuq muq jix htenc vtvsuip kox nuex kuex rv-ngvlc dvyx rvtueq. Miq hvlx waz kuex mvrax kop yaq waz htauk nuex jvnc vtueq hvlx yaq rvmuq, mvnhttonc jix waz muinz mvnhttonx muq waz htauk nuex jvnc vtueq hvlx yaq rvmuq.

WEAWEA 30:3

Vwaz yuimx nuex httax yaq yalxtux nyuiuz shiz rueq Yehowa muex phvnx shishiz kuy tvkoc bomkhvrc taq tueq, rvmuq ngoz ruiux phvnx shishiz koayc shaungx ngoz tueq bomkhvmc taq tueq ngoz ruiux yuq,

TRI CHONGKE 23:22

Yehowa muex bomkhvrc taq muq maq httaz roc ngoz ruiux httaz mvy yaq,

TRI CHONGKE 23:23

yuq muinz miqmac thuinroc tv-phvnc bomshuit taq ruiux yuq, kvruex rvkhauk laz tvhungx rax.

TRI CHONGKE 23:24

“Miq vshiz shiz svpiq sunc nuex nuimshiq nyuip khuemx kaz tuinx nuex vsvy roc tanc khvnc svy mvy yaq, yuq muinz boarx nuex puinz htawc vtueq pic wvnc mvy muq.

JOSHUA 9:17

Kvkhoc rvtueq Israel miqsaz kuex kvmaq kaz wvnc vtueq raungnuiyq thuimx vngoz raungnuiyq kvruex miqphvnx httax yaq Gibeon, Kephira, Berot nuiyc Kiriat Jearim ghaqyungx htenc nuex httuiuc kaz tueq.

JOSHUA 9:19

yuq muinz tsuinghez rueq, “Naungshiq rueq Yehowa Israel Tishox muingc maq bomkhvmc tvy yoalx shex ningkhvnc nuex tsuingshiq kuex yaukshix thawx maq doc muinz htuinc mvy muq.