DUNGWVNC 14:13 - ASII LAKDAP Bible (BSI)

¹³ Kiijiishe Mosheq raq treto, “Naqhai rongkiq! Namhok ni kli tiipha ronglaq. Kiimaq ümchaü ranaiq namshiq tiichhiike miitu Tatiwe raq jamlai wa klotlaq kriili liironglaq. Namshiq ara Ejip mungti ara jai na ümtiikiimin chhinong man she mirhan.

Hawa Naga Bible 2001

¹³ Moshe rueq, “Nauk hiyaz kaz! Phaungx duing rvwuez kuinz, majuiuc raungnuiyq Yehowa rueq nuimshiq yvmx khoc lac palc wvnc kv-phuinx kuex khiz wuez shuinx; nuimshiq rueq vruex Ejip nuk htenc kuex yix maq mkaq muinz khiz yek shuinx rvmuq shex.

DUNGWVNC 14:13 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

RAPHA HIQWA LAK 26:24

Kra rawa Tatiwe ka apaiq phana kito. Raüta akha nguto, “Ngi ka ümwe Abraham Shiikeawe. Ümniika naqhaikiq. Ngi ka ümniirai asi. Ngi raq ümniika mishman kang. Kiimaq ümniima ümsaü ümsetiim ka pahea mikuqha. Jamkhano ngukla Ngi raq ijaqshise Abraham ma kiqkham kuqkang.”

RAPHA HIQWA LAK 46:3

“Ngi ka Shiikeawe, ümwe Shiikeawe,” nguta apaiq raq nguto. “Ümniika Ejip mung na laüho ma naq haikiq. Ngi raq ümsaü ümsetiim ka kiijaq maiq mung jonghea ashi ma mitiijaha.

RAPHA HIQWA LAK 49:18

“Tatiwe lei, ngi ka ümniiraq tiichhii wan khe tiikang.

2 HOKHVMX 6:16

“Naqhaikiq” nguta Elisha raq treto. “Tsangshiq rai sitlaq kriithaq na nashiq rai siti phenlabi ka apa.”

1 KAÜWA WERAÜ 11:14

Kra chhi raüta apaiq nai apaiq kongtibi ka chap raüta kra wak jam ram mong ba maq kheho raüta Philistainnok ka khatto. Krai mren, Tatiwe raq apaiq ma rekhat ka tiitang kuqto.

2 KAÜWA WERAÜ 20:15

Jahajiel raq nguto, “Chaü lei, kiimaq Juda mungti lei kiimaq Jerusalemti lei, Tatiwe raq ngutlo, namshiq tsaiji tran raa mak, kiimaq ara ra ham hiq ham rephong kra khat kai ma naqhai rongkiq. Rekhatti ka Shiikeawe namshiq riimak.

2 KAÜWA WERAÜ 20:17

Namshiq raq ara rekhat ngomin raamak. Namshiq ka khekham chap lantli khe ronglaq. Tatiwe raq namshiq ma re ka mikhat kuq. Raüta mitang kuq kriili liirong laq. Juda mungti nai Jerusalemti lei, namshiq ka naq khaiq kham rongkiq. Kiimaq naqhai rongkiq. Rekhat kai ronglaq. Tatiwe ka namshiq rai miraq!”

NEHEMIA 9:9

“Ümniiraq naititiim ka Ejip mung na, jamkho chamchao wantaq kra achhi haü kata. Ümniiraq khamshii chumjong mong maq, tsangshiq hoqsii wantaq kra tre kuq laü ihata.

Tvtsvmc 3:8

Rekhat ka Tatiwe raq tiitang kuqtlo, apaiq riitiq asenginok ka mishman kuqlaq.

Tvtsvmc 68:21

Shiikeawe raq ajaqtinok khupo thun ka tengteng mitiibun baiq, tsangshiq ngarai lamphan niili siruqti thun ka.

Tvtsvmc 78:53

Apaiq raq tsangshiq ka khu asang maq tsuq wanto, krai mren tsangshiq ka ahai asong min ahü riito; shatmaq khamjong chum raq renok ka lam wan raüta tiijiimto.

Tvtsvmc 91:8

Ümniiraq miliihaü kiimaq michhihaü abi maiqse thun ma jamkho mo tiihotaq kra michhihaü.

DUNGWVNC 14:30

Kra ranaiq Tatiwe raq Israilnok mungmaiqse ka Ejip mungti jaq khon mongwa tiichhii kuqto. Kiimaq Israilnok raq Ejip mungti maa phong ka khamjong chum kii na küram liira riiphongtlaq kra chhito.

DUNGWVNC 20:20

Kiijiishe Mosheq raq treto, “Naqhai rongkiq. Shiikeawe ka namshiq tairai kai li kito. Raüta namshiq raq apaiq bom ka phaqchii nichii maq tai wan ruq ratlo. Kra riihanla ngarai na dea man mirhan.”

ISAIA 26:3

Tatiwe, ümniiraq hansang maq riimtlaü; jurwa tsangshiq miitung pharang rang thütlaq; raüta tsang kamtsantsii ümniima thütlaq.

ISAIA 30:15

Ajong Pinthum Tatiwe, asii Israilnok Shiikeawe raq nokmaiqse ma akha ngutlo, “Namshiq ka jang wan nong ronglaq. Lantea sangli li maq ngi ma kamtsantsii thüronglaq. Raüla namshiq ningkun ka ajong miraq kiimaq khusang maq mishonghan.” Shatmaq namshiq kra taiman tlan!

ISAIA 35:4

Tsaiji aranti loweatek ma akha chonglaq, “Ningkun shoq ronglaq, naqhai rongkiq! Shiikeawe ka namshiq tiichhiikai kitlo, namshiq jaqtinok ma mo tiihokai kitlo.”

ISAIA 43:11

“Shiikeawe ka, Ngi lamlam li dongdii, ümnaq tiichhiikelotti ka Ngi arli.

ISAIA 7:4

Apaiq ma hon lamshat maq silaq. Laüta ümniika tsan awok sanglili maq ngalaq. Kiimaq ahai ka naqhaikiq. Kiimaq naq chhang hangkiq. Hokhamwe Rejin tsankhiq nai asengi Siria phenlabi kiimaq Hokhamwe Peka tsankhiq ka chinkiisenai wathiq amat wan ma khukraitlaq ikha jamhaisong chang min ahü.

JEREMIA 3:23

Naishiq raq hiqlam thun thaq na thatsang wan kai. Kriiriika naishiq ma jamlailiip min ahü riito. Israilnok ma khrum kewanti ka Tatiwe, nashiq Shiikeawe riili khrum kuqtlo.

AJONJÜ 3:26

Arningkhan nashiq ma ahea pinthum ka, tsankhun tsanmin maq bumlaita, apaiq raq nashiq tiichhii wan ranaiq tiihongtaq, kra ranaiq saükai kli she khe rong i!

Hosea 1:7

Shatmaq ngi raq Juda mungti miika lungwiitsii mitiichhikuqha. Ngi tsangshiq Tati Shiikeawe raq tsangshiq ka mitiichhiikuq wanha. Shatmaq kra tiichhii wan jaqsham ka re tiidong lata jasam piqsii lata tiichhiike wan ka riimak. Ko aliq miika riimak. Kiimaq kumrang thaq chaoti sreabi kong lümiika riimak,” nguta Shiikeawe raq ngutlo.

Hosea 13:4

Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.

Hosea 13:9

“Israilnok lei, ngi raq namshiq mishthen baiqha. Ijaqkhon wa namshiq tiichhiiti asi shea?

HABAKUK 3:13

Ümniika ümsengi chhiikai, saüki laü. Phumram kham maq aram haü hokhamwe, chhiikai kilaü. Ümniiraq maiq mung abi, tuwejong khupo tiibun tiiq laü. Asenginok chong arang phaibaiq laü.

HABAKUK 3:8

O, Tatiwe lei, jürai thun riisha, ümtsan ka tiikhiq tla? Sammoktra chum riishea ümtsan, walü wa ikha amok dungdung, tiikhiq tla? Ümniika phumda thaq na chaü laüta, walaü. Rathaiq ranyaq wantlaq phum ka, ümchao wan chang kumrang leng. Akha ümniiraq ümsenginok ma, rekhat tangkuq wan laü.

WEAWEA 14:9

Tatiwe kiq ka naq khii rongkiq. Kiimaq kra mung na siti maiqse miika naqhai rongkiq. Nashiq raq tsangshiq ka jeriiq riiqli khat laita mitang rong i. Tatiwe ka nashiq rai asi. Krai mren, tsangshiqnok phra kong tsangshiq tiikhup wongti thun ka apaiq raq khat raüta wiita tangto she. Kra ningkhan ahai ka naqhai rongkiq.”

Matthew 28:5

Rase raq jechakre ma chongto, “Namnai ka ahai raamak. Ngi raq asap ha. Namnai ka pumsongkham na tübaiq raüta tsattaq Jesuq kra liikai nguta aki han.

TRI CHONGKE 20:3

‘Israilnok lei, tiitsang taironglaq! Ümchaü ranaiq namshiq ka rekhat kai kitlan. Namshiq jaqti renok ma naqhai rongkiq. Riimakla tsaiji naq tran rongkiq. Riimakla naq kiinyii rongkiq.

1 SAMUEL 11:13

Shatmaq Saul raq nguto, “Ümchaü ranaiq ka jumin tseabaiq maimak. Jamkhano ngukla ümchaü ranaiq Tatiwe raq Israilnok tiichhiikuqto.”

1 SAMUEL 12:16

Kra ningkhan, namshiq ümbano chaptlan kiijaq chapshatli chap ronglaq, lanta Tatiwe raq ümchaü namshiq makki na awang chang jaqsham ashi mitiichhi kuq.