DUNGWVNC 14:12 - ASII LAKDAP Bible (BSI)

¹² Naishiq raq mikihohai shaq niiphü akha mirhumjo nguta ümniima chongmai sha riikai? Naishiq raq ümniima naishiq ka naq paq laqkiq li nguta chongmai sha riikai. Kiimaq ümniima Ejip mung na tsangshiq dikong ma jalaitli si rong i nguta chongkai ihata. Maiqdikong ma jalaita kiijii li siriiwe ka ara kumtsaiphii na jiim rai nam ma ahea lin.”

Hawa Naga Bible 2001

¹² Nuiyshiq rueq max kaz nuex phuex vkhoc yaungx tuex ngoz tueq jungx phix rvmuq haz? Nuiyshiq rueq Ejip miqsaz kox nuex dax muex yaungx hvt dvyx yaungx tix, ngoz tueq jungx phix. Vruex kumtsvy tvnx vyuq thueyc tix ngoc mvnx, dax muex yaungx ruiux waz kuex vhvlx,” ngoz wuez tueq.

DUNGWVNC 14:12 Referencias Cruzadas

Tvtsvmc 106:7

Naititiim raq Ejip mung maq Shiikea raq amaochang pahea shamtaq kra takmak dea riito. Apaiq raq tsangshiq ma jang pahea lungwii tiichhitaq kra laqbaiqto, kiimaq tsangshiq raq Ajong Shiikeawe kiq khiito khamjong khamshii raikii maq.

DUNGWVNC 13:17

Ümtiikiiwa Ejip mung hokhamwe raq Israilnok ka tiiwa baiqtaq, Shiikeawe raq tsangshiq ka Philistain mung khamjong chumkii lam maq shea wan mak riito. Kra lam ka aje pinthum shatmaq. Shiikeawe raq akha tiimato, “Ngi raq Israilnok raq tsangshiq tsantsii klai kai ka lungwii mang. Raüta Ejip mung na tiijang kainong ka romang. Arka tsangshiq raq re rai riikhat wan chang kra chhi raüta mitiima.”

DUNGWVNC 3:9

Ngi raq isenginok hoqsii trangtlaq kriika taikang she. Kiimaq Ejip mungti raq tsangshiq ka ümtinkhan wa hok maq nishishi haihiitlaq kra chhikang she.

DUNGWVNC 5:21

Tsangshiq raq Mosheq nai Aron ma nguto, “Namnai raq jamlai wa riilan ka Tatiwe raq chhito she. Namnai raq hokhamwe nai asengi ajong alabi ma naishiq tiingeng wan lan arkha na namnai apaiq mo mihohan. Namnai raq tsangshiq ma naishiq tiitsea baiq miitu lampu tankuq lan.”

DUNGWVNC 6:9

Mosheq raq arthun ara Israilnok ma chongkuqto. Shatmaq tsangshiq raq apaiq bom ka tai mak riito. Jamkhano ngukla tsangshiq tsaiji ka riitsi tsai tsiiq dikong rilung tiichamchaotlaq kra ningkhan ajomkaikun she riito.

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

Jona 4:3

Ümchaü ka, Tatiwe lei, ngi ka atsai li she riipha. Ngi ka atra sinam ma atsai kai riiwe ka ahea pinthum,” nguta jaüto.

Jona 4:8

Ranap na rashe dong wan jai miishe, Shiikeawe raq kehea shedong nü rahai haike she tiihai wanto. Kra rakiitsi nai rahai haike haiwantaq kriiraq, Jona ka pitlang pitthea she khiimchaq wanto. Raüta rakiitsi ma Jona raq atsai riikiha jaq khoti ahea riichang nguta atsan mong na tiimato. Krai mren, “Ngi arka atsai lishe riikiha jaq khoti ahea riichang wa?” nguta jaüto.

Mark 1:24

“Najareth hiqti Jesuq le, ümniika naishiq jaqsham ara tangta baiq kai she sha saüki laü? Ümniika naishiq ara shiithen baiq kai she sha saüki laü? Ngi raq ümniika asap ha. Ümniika Shiikeawe raq atiiki Asii kiimwe kata!” nguta siiraito.

Mark 5:7

hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”