DUNGWVNC 14:13 - Hawa Naga Bible 2001

¹³ Moshe rueq, “Nauk hiyaz kaz! Phaungx duing rvwuez kuinz, majuiuc raungnuiyq Yehowa rueq nuimshiq yvmx khoc lac palc wvnc kv-phuinx kuex khiz wuez shuinx; nuimshiq rueq vruex Ejip nuk htenc kuex yix maq mkaq muinz khiz yek shuinx rvmuq shex.

ASII LAKDAP Bible (BSI)

¹³ Kiijiishe Mosheq raq treto, “Naqhai rongkiq! Namhok ni kli tiipha ronglaq. Kiimaq ümchaü ranaiq namshiq tiichhiike miitu Tatiwe raq jamlai wa klotlaq kriili liironglaq. Namshiq ara Ejip mungti ara jai na ümtiikiimin chhinong man she mirhan.

DUNGWVNC 14:13 Referencias Cruzadas

RAPHA HIQWA LAK 15:1

Kvruex yimaq Yehowa rueq romzyac tvkhic vtueq Abram muex ngoc, “Abram lex nauk hiz kaz. Ngaz rueq mnoz kuex vhiz juing wawc tvwungx wvnc vtueq yauk noalc yunghvlc kuq phaungx,” ngoz tueq jungx yaq kvjaz kuex tay tueq.

RAPHA HIQWA LAK 26:24

Kvruex raungwvrx Yehowa kuex piq muex kvkhic kaz vtueq, “Ngaz kuex m-waz Abraham Tishox rvtauk. Nauk hiz kaz; ngaz kuex nuimshiq rulc vdvmz httax vtaungx. Ngaz rueq ngvy nvrc waz Abraham muex bomkhvmc taq tauk ningkhvnc nuex mnoz muex ruimruimx kuq phaungx, msuiuz msaz htenc muinz paung wvnc tuex,” ngoz tueq jungx tueq.

RAPHA HIQWA LAK 46:3

Tishox rueq, “Ngaz kuex Tishox, m-waz Tishox rvtauk,” ngoz tueq jungx tueq. “Mnoz Ejip mungx nuex kay tvkoc nauk hiz kaz; kvruex mungx kvyuq ngaz rueq msuiuz msaz hez kuex miqphvnx vyungx muex tvyaungc phaungx.

RAPHA HIQWA LAK 49:18

“Yehowa lex, ngaz kuex Mnoz rueq palc daungc wvnc kejux kuex bvmc vshaungx.

2 HOKHVMX 6:16

Elisha rueq, “Nauk hiz kaz. Naunghez kox nuex httax yaq kuex tsuinghez nuex httax yaq htauk nuex muinz vpaung httax vtix,” ngoz tueq tvralc tueq.

1 KAÜWA WERAÜ 11:14

kvkaq piq nuiyc piq miq hez kuex wuik mungx baung maq jvp vtueq Philistin miqsaz kuex khvt tueq. Yehowa rueq piq muex yunghvlc taungx wvnc lvmz kuq tueq.

2 KAÜWA WERAÜ 20:15

Jahaziel rueq, “Taungjix hokhvmx waz, Yuda nuiyc Yerusalem miqsaz lotlaz lex, Yehowa rueq jungx tueq, ralx daungx yungx rulc rvhumc tvkoc thuinz nauk tvbac kaz, vhiz muinz nauk hiz kaz. Rv-khvt rvlungc kuex nuimshiq yauk shuimc rvmuq, Tishox nuex seng yaq.

2 KAÜWA WERAÜ 20:17

Nuimshiq rueq vruex rvlungc rv-khvt kuex khvt rac muq. Jvp juing lvmz vtueq dvyx bvmc wuez shuinz; Yehowa rueq nuimshiq muex taungx wvnc lvmz kuq kv-phuinx kuex khiz shuinx. Yuda nuiyc Yerusalem miqsaz htenc lex, nauk ruingraung kaz, rvmuq ngoz ruiux nauk hiz kaz. Khvt kaz kuinz, Yehowa kuex nuimshiq rulc vdvmz httax tuex!” ngoz tueq jungx tueq.

NEHEMIA 9:9

“Nuiyshiq jix vwaz tamx Ejip mungx nuex kuilc daz rvhumc yaq kuex mnoz rueq khiz toq; Svmuktvrax Yuix Shawx Jumx maq tsuingshiq muex romc kuy tvkoc guyc yaq kuex mnoz rueq tay toq.

Tvtsvmc 3:8

Lotlaungc kuex Yehowa kox wawc rvtueq, vpiq rueq vpiq miqsaz htenc htauk muex ruimx mruimx kuq shueq.

Tvtsvmc 68:21

Tishox rueq vpiq ralx htenc nuiyc mvrax lvmx phvnc jix htenc khux poz kuex vsuing jumz gay shuex.

Tvtsvmc 78:53

Vpiq rueq tsuingshiq kuex yvmx hiyaz juing muinz vguez maq shvlc kuy ningkhvnc nuex tsuingshiq kuex hisungx muq; yuq muinz svmuktvrax rueq tsuingshiq ralx htenc kuex tvhtuip gay tueq.

Tvtsvmc 91:8

Layx bac jix htenc rueq mkhoc phvnx murx lac gurc yaq nguinx kuex mnoz rueq khiz lawc wvnc shuiux.

DUNGWVNC 14:30

Kvruex raungnuiyq Yehowa rueq Israel miqsaz kuex Ejip miqsaz yauk wawc palc wvnc tueq, Israel miqsaz rueq Ejip miqsaz maungx htenc kuex svmuktvrax kawx nuex rv-phungc rvrungc khiz wuez tueq.

DUNGWVNC 20:20

Moshe rueq, “Nauk hiyaz kaz; nuimshiq kuex talc lawc muinz, nuimshiq rueq mvrax yaq muit maq vpiq kvjaz phvnx tvkoc muinz, Tishox kuex httuiuc kaz tueq,” ngoz tueq jungx tueq.

ISAIA 26:3

Yehowa lex, mnoz rueq phaungx ngaungx yaq kvmungx lvmx phvnc jix htenc nuiyc mnoz muex tvluimc jix htenc muex hunghtaungx yaq nomic lvmx kuex kuq toq.

ISAIA 30:15

Johvlc Yehowa Israel muex vsawc Tishox rueq miq htenc muex ngoc, “Suinglix maq yek waung vtueq ngaz muex tvluimc wuez kuit. Kvkaq nuimshiq nuex hungc vlaungc lvp wvnc vtueq kvwungx juing lvmz lvp shuinx,” ngoz tueq jungx tueq. Yuq muinz nuimshiq rueq kvkhoc ruec tvkoc tvlvlc wuez tuit.

ISAIA 35:4

Thuinbac yaq jix miq ruip rawx muex, “Hungc tvhung shuinz nauk hiz kaz! Tishox kuex mnoz palc kay httuiuc kaz yaq, mralx htenc muex murx tvgurc kuy tvkoc httuiuc kaz yaq,” ngoz tueq jungx tueq.

ISAIA 43:11

“Ngaz dvyx Yehowa rvtauk, ngaz dvyx mnoz palc lot jix waz rvtauk.

ISAIA 7:4

Honc lvmc tvkoc muinz, kuiyqshuik httaz tvkoc muinz, vkawc yawc raz tueq thuinz nuex ruingraung muq juing jungx shuiuz. Hokhvmx Rezin nuiyc Siria miqsaz thuinkhvy nuiyc Hokhvmx Peka khaq yaq kuex janx htaq nueyc maq wvr khuiuq dung yaq htauk nuex jvnc vtueq hiz juing httax yaq rvmuq.

JEREMIA 3:23

Kankhux poz htenc nuex nuiyshiq yac yuimx nawk palx wvnc tiq, kvruex nuiyshiq muex romc kuq muq. Israel tvkoc romc kuy kuex nuiyshiq Tishox Yehowa kox wawc dvyx lvp lot shix.

AJONJÜ 3:26

Kvkhoc rvtueq naungshiq palc wvnc tvkoc vpiq kuex thuinz vluz maq bvmc shix kuex naungshiq tvkoc vhvlx pinhtumc rvtueq.

Hosea 1:7

Yuq muinz Yuda miqsaz muex kuex lungwawc thuinz tvkhic shaungx. Ngaz, Yehowa tsuingshiq Tishox rueq tsuingshiq kuex palc wvnc shaungx, yuq muinz ngaz rueq ralx lungc nuex yaung, laq, laqsvnz, mvre nuiyc mvre nuex ngaungc jix miq htenc kuex shuimc vtueq tsuingshiq kuex palc wvnc shaungx rvmuq.”

Hosea 13:4

Yehowa rueq, “Ngaz kuex Ejip mungx wawc nuimshiq tvdungc shvlc wvnc jix Yehowa nuimshiq Tishox rvtauk. Ngaz maq lvy vtueq nuimshiq nuex Tishox vguez. Ngaz dvyx nuimshiq palc jix waz rvtauk.

Hosea 13:9

“Israel miqsaz lex, ngaz rueq nuimshiq kuex tvbac gay phaungx! Kvkaq nuimshiq muex uraq lac romc kuq lot kv-phuinx?

HABAKUK 3:13

Mnoz rueq miqsaz htenc kuex palc kay tvkoc muinz, mnoz rueq vhttauk taq hokhvmx waz kuex palc wvnc tvkoc muinz dung kaz toq. Mnoz rueq layx vbac jix nuk walaungx waz kuex nutshut nutshix nut gay ruiux piq yix phvnc jix htenc tvsawc ric tvbac gay tueq.

HABAKUK 3:8

Yehowa lex, mnoz muex thuinz tvkhaq jix kuex yuix ruilx htenc rueq haz? Svmuktvrax rueq mthuinz haz tvkhaq yaq nguinx? Mnoz kuex phuemx daungx htauk nuex ngaungc toq; Mmiqsaz htenc kox nuex taungx wvnc juing lvmz laq toq nuex, raunghtiq phuemx daungx kuex mnoz mvre renc rvtueq.

WEAWEA 14:9

Yehowa muex nauk khawx lvlx kaz, kvruex mungx kvyuq httax yaq miqphvnx kvmac muinz nauk hiz wuez kaz. Naungshiq rueq tsuingshiq kuex yoalx rek saz dvyx khvt taungx gay shix. Yehowa kuex naungshiq rulc vdvmz httax vtueq tsuingshiq muex tvkhup wungx kuq yaq tishox htenc kuex yurc taungx gay tueq shex ningkhvnc nuex, nauk hisungx wuez kaz,” ngoz tueq jungx tueq.

Matthew 28:5

Raungkamx waz rueq yalxjuik nyuiuz nueyc muex jungx tueq kuex, “Nauk hiz kaz, yaukjuinc bulx nuex but gay tueq waz Yesu kuex nuimshiq rueq thuiyx vshuinx lvmx ngaz rueq tuiuz yaq.

TRI CHONGKE 20:3

‘Israel waz rulx lex, tay shuinz! Majuiuc raungnuiyq nuimshiq kuex ralx lung kay rax. Ralx kvmac nauk hiz kaz, khvmc thuinz nauk tvyomz kaz, nauk kawc yawc kaz.

1 SAMUEL 11:13

Yuq muinz Sholu rueq, “Majuiuc raungnuiyq kuex Yehowa rueq Israel palc wvnc tueq raungnuiyq ningkhvnc nuex vshiz muinz vthvy gay rvhumc tuex rvmuq,” ngoz tueq jungx tueq.

1 SAMUEL 12:16

Kvkhoc rvtueq nuimshiq httax vtuinx baung kvyuq jvp wuez kuinz, Yehowa rueq shuimx shuex yauk shuimc yunghvlc kuex nuimshiq rueq khiz wuez shuinx.