DUNGWVNC 14:14 - Hawa Naga Bible 2001

¹⁴ Yehowa rueq nuimshiq tvkoc khvt gay shuex, nuimshiq kuex kuiyqshuik dvyx rvkuinz,” ngoz tueq.

ASII LAKDAP Bible (BSI)

¹⁴ Tatiwe raq namshiq rii na re mikhat, kiimaq namshiq raq sham chang jam min ahü.”

DUNGWVNC 14:14 Referencias Cruzadas

2 KAÜWA WERAÜ 20:15

Jahaziel rueq, “Taungjix hokhvmx waz, Yuda nuiyc Yerusalem miqsaz lotlaz lex, Yehowa rueq jungx tueq, ralx daungx yungx rulc rvhumc tvkoc thuinz nauk tvbac kaz, vhiz muinz nauk hiz kaz. Rv-khvt rvlungc kuex nuimshiq yauk shuimc rvmuq, Tishox nuex seng yaq.

2 KAÜWA WERAÜ 20:17

Nuimshiq rueq vruex rvlungc rv-khvt kuex khvt rac muq. Jvp juing lvmz vtueq dvyx bvmc wuez shuinz; Yehowa rueq nuimshiq muex taungx wvnc lvmz kuq kv-phuinx kuex khiz shuinx. Yuda nuiyc Yerusalem miqsaz htenc lex, nauk ruingraung kaz, rvmuq ngoz ruiux nauk hiz kaz. Khvt kaz kuinz, Yehowa kuex nuimshiq rulc vdvmz httax tuex!” ngoz tueq jungx tueq.

2 KAÜWA WERAÜ 20:29

Yehowa rueq Israel ralx htenc kuex yvmx khoc lac khvt thvt gay tvnx thaungc kuex miqphvnx ruip rawx rueq tay vtueq kawc yawc wuez tueq,

NEHEMIA 4:14

Ngaz rueq mungx miqsaz htenc rvwvl tvmaung rvhumc wuez yaq kuex khiz vtueq, tsuingshiq nuiyc tsuingshiq walaungx bix nuiyc vyungx vlaungx bix htenc muex, “Naungshiq ralx hez kvmac nauk hiz kaz. Yehowa kuex mtanc khvnc lac yungx yaq nguinx nuiyc miqhiz vsac yaungx yaq kuex rvwvl wuez vtueq, nuimshiq phuz vnox, juik vsaz htenc tvkoc ralx khvt wuez shuinz,” ngoz tueq jungx tauk.

NEHEMIA 4:20

Mkhoc shoc maq bolic thuic tay ruiux kuex ngvy kox nuex rvtuimx kaz luit. Naungshiq Tishox rueq naungshiq kox maq khvt naungx phuex,” ngoz tueq jungx tauk.

NEHEMIA 9:11

Mmiqsaz htenc tvkoc svmuktvrax kuex mnoz rueq tvpuc tvnc vtueq tsuingshiq kuex httuiz rawk yaq ghaq htauk maq tvkhuemc toq. Tsuingshiq yurc jix hez kuex svmuktvrax yuix daungx nuex, lung poz suingx wvnc yaq ikhoc yuix nuex htuip wvnc wuez vtuex.

Tvtsvmc 35:1

Yehowa lex, ngaz muex khawc lvlc jix htenc kuex khawx lvlx gay shuiuz, ngvy khvt jix htenc kvmuinz khvt gay shuiuz.

Tvtsvmc 50:3

Naungshiq Tishox kuex kaz yaq, yuq muinz suinglix lix maq httuiuc kaz yaq rvmuq; vpiq khaungkac nuex wvrluic tuz htenc luic vtueq, vpiq tvroz nuex raunghtiq raungguil yunghvlc htiq yaq.

Tvtsvmc 83:1

O Tishox lex, suinglix nauk httax kaz; vthueyc vmaungx nauk yaungx kaz, kuiyqshuik kuiyq khvmx nauk httax kaz!

DUNGWVNC 14:15

Yehowa rueq Moshe muex ngoc, “Nuimhez kuex yvmx ngoz tueq lac guyc sez kaz wuez tuinx? Miq htenc kuex max kox kvyuq vkay ngoz laz mruez kueq.

DUNGWVNC 14:25

Yehowa rueq tsuingshiq renc huk htenc kuex tvbac gay koq tueq vkhuemc tvkoc gvrc hvlc yaungx tueq. Kvkhoc rvtueq Ejip miqsaz rueq, “Yehowa kuex Israel miqsaz kox nuex raz tueq naungshiq kuex khvt yaq, vruex maq dung wuez ix,” ngoz tueq.

DUNGWVNC 15:3

Yehowa kuex shvrvyx rvtueq; Yehowa kuex vpiq muingc rvtueq.

ISAIA 30:15

Johvlc Yehowa Israel muex vsawc Tishox rueq miq htenc muex ngoc, “Suinglix maq yek waung vtueq ngaz muex tvluimc wuez kuit. Kvkaq nuimshiq nuex hungc vlaungc lvp wvnc vtueq kvwungx juing lvmz lvp shuinx,” ngoz tueq jungx tueq. Yuq muinz nuimshiq rueq kvkhoc ruec tvkoc tvlvlc wuez tuit.

AJONJÜ 3:26

Kvkhoc rvtueq naungshiq palc wvnc tvkoc vpiq kuex thuinz vluz maq bvmc shix kuex naungshiq tvkoc vhvlx pinhtumc rvtueq.

TRI CHONGKE 1:30

Yehowa nuimshiq Tishox rueq Ejip mungx nuiyc kumtsvy tvnx maq nuimshiq muex tvkhup wungx kuq wvnc kv-phuinx ikhoc, majuiuc muinz nuimshiq kuex shunshvlx vtueq nuimshiq muex ralx khvt kuq kv-phuinx. Vwaz rueq vsaz boq pvmx yaq ikhoc Yehowa rueq nuimshiq kuex boq pvmx vtueq vruex hong nuex tvhttuiuc laz shunshvlx kuq kv-phuinx lvmz kuex nuimshiq rueq khiz wvnc tuit shex,’ ngoz tueq jungx wvnc phaungx.

TRI CHONGKE 20:4

Yehowa nuimshiq Tishox kuex nuimshiq rulc vdvmz kaz naungx vtueq, nuimshiq muex ralx kuex tvtaungx kv-phuinx,’ ngoz tueq nolaungx bix muex hungc vlaungc kuy kvjaz jungx kuy rax.

TRI CHONGKE 3:22

Tsuingshiq muex nauk hiz kaz, Yehowa m-Tishox rueq mnoz muex khvt kuq kv-phux ngoz tauk.’

JOSHUA 10:10

Yehowa rueq Amori miqsaz htenc kuex Israel nolaungx bix htumc nuex tvpueng panx tvyaungc tueq. Israel miqsaz rueq muinz tsuinghez kuex Gibeon ghaq nuex thvt gay wuez tueq, tsuingshiq kuex Bet Horon nuex duic waungc juing kanx hvlwvl maq yanz wvnc vtueq ghaqyaz kox Azeka nuiyc Makkeda nuex httuiuc laz yurc khvt tueq.

JOSHUA 10:14

Yehowa rueq miqsaz kvjaz kuex tay kuq tueq, kvkhoc raungnuiyq kuex kungkhux nuex muinz, yix maq muinz yaungx muq doc.Yehowa kuex Israel miqsaz kox nuex romc kuq vtueq khvt naungx tueq.

JOSHUA 10:42

Yoshua rueq hokhvmx bix htenc nuiyc kvruex hez mungtan htenc tvhttoarc vtueq khvt taungx gay tueq kuex, Yehowa Israel Tishox rueq Israel miqsaz muex khvt kuy ningkhvnc nuex rvtueq.

JOSHUA 23:10

Yehowa nuimshiq Tishox kuex vpiq bomkhvmc rulc rv-ngvlc nuimshiq tvkoc ralx khvt kuy ningkhvnc nuex nuimshiq miq washiz rueq ralx waz hingshiz kuex tvpanc yurc gay lot vshuinx.

JOSHUA 23:3

Nuimshiq ningkhvnc nuex Yehowa nuimshiq Tishox rueq vruex miqphvnx htenc lotlaz nuex shuimc wvnc tueq lvmz nuimshiq rueq khiz wvnc tuit shex. Yehowa nuimshiq Tishox rueq nuimshiq muex romc khvt kuq wvnc kv-phuinx.

PHOWEBI 5:20

Raungx wawc ruiysuiyq htenc muinz; tsuingshiq lvmx maq khuemx vtueq; Sisera kuex khvt yaq.

1 SAMUEL 4:7

tsuingshiq kuex hiyaz yaq lvmx maq, “Tsuinghez kox nuex tishox vshiz httuiuc kaz tueq! Naungshiq kuex htumx tix shex! Kungkhux nuex naungshiq nuex kvkhoc phvnx yvmx muinz max yaungx shauk doc!