DUNGWVNC 14:14 - ASII LAKDAP Bible (BSI)

¹⁴ Tatiwe raq namshiq rii na re mikhat, kiimaq namshiq raq sham chang jam min ahü.”

Hawa Naga Bible 2001

¹⁴ Yehowa rueq nuimshiq tvkoc khvt gay shuex, nuimshiq kuex kuiyqshuik dvyx rvkuinz,” ngoz tueq.

DUNGWVNC 14:14 Referencias Cruzadas

2 KAÜWA WERAÜ 20:15

Jahajiel raq nguto, “Chaü lei, kiimaq Juda mungti lei kiimaq Jerusalemti lei, Tatiwe raq ngutlo, namshiq tsaiji tran raa mak, kiimaq ara ra ham hiq ham rephong kra khat kai ma naqhai rongkiq. Rekhatti ka Shiikeawe namshiq riimak.

2 KAÜWA WERAÜ 20:17

Namshiq raq ara rekhat ngomin raamak. Namshiq ka khekham chap lantli khe ronglaq. Tatiwe raq namshiq ma re ka mikhat kuq. Raüta mitang kuq kriili liirong laq. Juda mungti nai Jerusalemti lei, namshiq ka naq khaiq kham rongkiq. Kiimaq naqhai rongkiq. Rekhat kai ronglaq. Tatiwe ka namshiq rai miraq!”

2 KAÜWA WERAÜ 20:29

Israilnok re phung ka Tatiwe jamkho tiitang kuqtaq kra tsütsa taiti maiq mung kunli thun ka phiip raq tsaito.

NEHEMIA 4:14

Ngi raq mungmaiqse ka, tsan na chapa asi chhikang. Kra ningkhan, ngi raq tsangshiq ma, kiimaq tsangshiq khuthaq na ashun sheati welabi ma, kiimaq siihiipbi ma, “Nashiq jaqtibi ma naqhai rongkiq. Tsan na tiitsang rong laq; Tatiwe ka phiiptsi jiiptsi. Apaiq ka nammung miitu, namsetiim miitu, nam chaktiim miitu, kiimaq namshiq jamkun miitu re mikhat.”

NEHEMIA 4:20

Arningkhan, namshiq raq boli tsü taihan jiila, namshiq ka ngi tro na riitam wan rong laq. Nashiq Shiikeawe raq nashiq re ka mikhat kuq.”

NEHEMIA 9:11

Khamjong chum mong maq, ümsengi ma lam tankuq wan laü. Laüta lam shinriiqriiq hea maq, ümsengi nok ka tlea wan laü. Shatmaq tsangshiq jowantinok rewe ka, longpo khamjong chum na atiidea baiq ikha, wiita jü mong na tiithap baiq laü.

Tvtsvmc 35:1

Ngi tangtati ka tangtalaq, Tatiwe lei, kiimaq ngi longliiqti ka longliiqlaq!

Tvtsvmc 50:3

Nashiq Shiikeawe kitlo, shatmaq kaishakshakse miika riimak; akhaki na walü henghea nyaitlo, atro na rathaiq henghea asi.

Tvtsvmc 83:1

O Shiikeawe lei, ümtum ümmai naq ngakiq; sanglili naqsikiq, thohii phahü ka naqsikiq!

DUNGWVNC 14:15

Kiijiishe Tatiwe raq Mosheq ma nguto, “Ümniika khrum jaüli jam nguto hoq rai tlaü? Mungmaiqse ka sinkhu na warong laq nguta thaülaq.

DUNGWVNC 14:25

Apaiq raq tsangshiq kumrang leng thun jikom ka hiq niishe tiikan baiqto. Kra ningkhan tsangshiq ka la maq ngila nguraü shetiq khumtlo. Kiijiishe Ejip mungti raq nguto, “Tatiwe raq Israilnok miitu nashiqnok she khat wanto. Nashiq ka arwa jaqlo pintlo rong i!”

DUNGWVNC 15:3

Tatiwe ka nolajong; apaiq mang ka Tatiwe.

ISAIA 30:15

Ajong Pinthum Tatiwe, asii Israilnok Shiikeawe raq nokmaiqse ma akha ngutlo, “Namshiq ka jang wan nong ronglaq. Lantea sangli li maq ngi ma kamtsantsii thüronglaq. Raüla namshiq ningkun ka ajong miraq kiimaq khusang maq mishonghan.” Shatmaq namshiq kra taiman tlan!

AJONJÜ 3:26

Arningkhan nashiq ma ahea pinthum ka, tsankhun tsanmin maq bumlaita, apaiq raq nashiq tiichhii wan ranaiq tiihongtaq, kra ranaiq saükai kli she khe rong i!

TRI CHONGKE 1:30

Tatiwe namshiq Shiikeawe raq namshiq ka mishea wan. Raüta apaiq raq namshiq miitu re ka mikhat kuq. Arka namshiq raq Ejip mungti jamkho khat kuqtaq kiikha mikhat kuq.

TRI CHONGKE 20:4

Tatiwe namshiq Shiikeawe ka namshiq rai kitlo. Kiimaq apaiq raq namshiq ma rekhat ka mitiitang kuq.’

TRI CHONGKE 3:22

Tsangshiq ma naqhaikiq. Jamkhano ngukla Tatiwe üm Shiikeawe raq re ka ümniima mikhat kuq wan.’

JOSHUA 10:10

Tatiwe raq Amoraiqnok ka Israilnok ka chhi raütli phiip ma tiitsaito. Krai mren, Israilnok raq tsangshiq ka Gibeon chela wa jiipbaiqto. Raüta tsangshiq ka pumchit na Beth Horon chela kiina saüli johoto. Kriimaq hiqmai nü na Ajeka nai Makkeda chela kiina tiisaüli joho raüta khatto.

JOSHUA 10:14

Tatiwe raq maiqse achu jaü akha treke wan arka, man niimin tai wan mai, kiimaq jai miimin akhiika tai wan mai miraq. Arka Tatiwe apaiq raq Israilnok re ka khat kuqto!

JOSHUA 10:42

Joshua raq arthun hokhambi ka klang maq lakshi wa niili khat raüta tangto, raüta tsangshiq chela thun nai tsang mung thun ka jiiwanto. Jamkhano ngukla Tatiwe, Israilnok Shiikeawe raq tsangshiq miitu re ka khat kuqto.

JOSHUA 23:10

Namshiq phong wa maiq weshi riili dongdii min, rewe maiq hingshi ka tiipin tiijin jobaiq wan lan. Jamkhano ngukla Tatiwe nam Shiikeawe raq namshiq miitu re ka khatkuq wanto. Arka apaiq raq kiqkham kuqtaq kra phan phan khat kuqto.

JOSHUA 23:3

Namshiq Tati Shiikeawe raq namshiq miitu, ara maiqmung thun ka jamkho riiwantaq, kra wiita kunkun chhi wan lan she. Namshiq Tatiwe nam Shiikeawe raq namshiq miitu re ka khatkuqto.

PHOWEBI 5:20

Raiqsaiq thun raq ra maq khatto; ra na akhum lam maq khatto, tsangshiq raq Sisera khatto.

1 SAMUEL 4:7

Krai mren tsangshiq ka ahai she riito. Kiimaq akha nguto, “Tsangshiq piitiip na phra kaü saükito! Nashiq ha miqkai she! Nashiq ma akha ümtiikiimin riihum wan mai shaqli!