DANIEL 2:48 - Bukuit Ne Tilil

⁴⁸ Ki eet anyun `laitoryat Daniel, ak kogoochi ineendet kagoochinoik che eecheen, ak kogoochi ineendet koboi emet komugul ne po Babilon, ak koek kirwoogindet ne oo ne pou piik tugul che ng'oomen che po Babilon.

BUKUIT NE TILIL

⁴⁸ Koeet anyun laitoriat Daniel, ak kogochi inendet kagochinoik che eechen, ak kogochi inendet koboi emet komugul ne bo Babulon; ak koek kiruogindet ne o ne bou bik tugul che ng’omen che bo Babulon.

DANIEL 2:48 Referencias Cruzadas

2 SAMUEL 19:32

Kiga koosit miising' Barsilai, ki po kenyiisyek tamanwogik sisiit. Kichopchin laitoryat amitwogik ye kimi Mahanaim, amu ki chiito ne tagunoot.

2 LAITORINIK 5:1

Naaman ko ki kiptaiyatap lugeet, ki chiito ne oo ak ko konyitot, eng' taitap kiptaiyandennyi, laitoryatap Syria. Kiga kogoochi Kamuktaindet ne Toroor Syria katerteeret eng' ineendet. Ki chiito ineendet kogeny ne kiim ak ko nyigan, ago ki tinyei mogondosaik.

Kitabuutap JOB 1:3

Ki tinyei keechiirek eliphuusyek tisap, tambeesik eliphuusyek somok, eigap chogit eliphuut agenge ak sigiroik che iyuogik pogol muut ak kiboitiinik che chaang'. Ki mogoryo anyun chiichooto miising' kosiir piik tugul che po kong'asiis.

JEREMIA 5:5

Awendi ye mi piik che eecheen, ak ang'alaalji icheek, amu ingen icheeget ooreetap Kamuktaindet ne Toroor, ak kirwoogetap Kamuktaindennywa. Ago kigoiri chu kabo tai chogit kibagenge ak kong'eti ratuutik.

DANIEL 2:6

Ago ngot oboorwo karwotitoet ak kaarorennyi, onyooru eng' anee konunoik ak melekwek ak teegisto ne oo. Oboorwo anyun karwotitoet ak kaarorennyi.”

DANIEL 3:1

Ki itany Nebukadnezar laitoryat kanamwet ne po thahabu, ne kooindap tononennyi ko ki mitainik tamanwogik lo che po euut ak tebeesindanyi ko mitainik lo che po euut; ki lumda ineendet eng' warengetap Dura eng' emetap Babilon.

DANIEL 3:12

Miitei Yahudik alak che ki inde koboi ng'aleegap emetap Babilon, Shadrak, Meshak, ak Abed-nego; ma iitin pichuuto, ee laitoryat. Maotei kamuktaiguk, ama ilasu kanamwetap thahabu ne koilumde.

DANIEL 3:30

Koeet anyun `laitoryat Shadrak, Meshak, ak Abed-nego, eng' emetap Babilon.

DANIEL 4:6

Ki ang'at anyun ng'atuutyet ale kimut piik tugul che ng'oomen che po Babilon kobwa tainnyu si kobiit koboorwo kaaroretap karwotitoet.

DANIEL 4:9

“Ee Belteshazzar, pounindetap piik che ng'oomen che ng'oorsei, amu angen ale menyin tamirmiryetap kamuktaik che tiliileen, ama mi ung'ootyet ne iimin. Mwaiwo anyun ng'ang'utigap karwotitoennyu che ki ageer ak kaarorennyi.

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

DANIEL 5:16

Ago koagas agobo inyee keele imuuchi iaror ak ibooru tugun che iimi piich. Ngot imuuchi anyun isoman siruutichuuto ak iboorwo kiit ne mwaei, kilaagun anyun ngoroik che aruseen ne piriir ak kilaakyi kaating'ung' sirimdap thahabu, ak iegu pounindet ne po somok eng' pounateet.”

DANIEL 5:29

Ki ng'at anyun Belshazzar ng'atuutyet, ak kolaakyi `piik Daniel ngoryeet ne arus ne piriir, ak kolaakyi kaatinnyi sirimdap thahabu, ak komwaita agobo ineendet kole egu pounindet ne po somok eng' pounateet.

DANIEL 5:7

Ki kuurso anyun laitoryat eng' kutit ne oo kimut ng'amotigap kecheik, Kaldeik ak chepsogeinik. Ki ng'alaalji `laitoryat piik che ng'oomen che po Babilon koleenji, “Chii age tugul ne somani siruutichu ak koboorwo kaarorennyi, kilaakyin ngoryeet ne arus ne piriir ak kilaakyi kaatinnyi sirimdap thahabu, ak koek pounindet ne po somok eng' pounateet.”

DANIEL 8:27

Ara ki atanui anee Daniel, amyan peetuusyo; ye ibata, ang'eet ak ayai poisyetap laitoryat. Ago ki akwong'ee ng'ang'utyonooto ak ma piit chii ne ki iguiyo.

KAITOSYEK 24:11

Ara mwei ui oldang'ung' nguno! Ki aleen si aeetin inyooru teegisto ne oo, ago keero, kietenen Kamuktaindet ne Toroor teegisooto.”

1 SAMUEL 17:25

Ki le piigap Israel, “Kaogeer chiichi katogos? Katogosu iman konyo koreenyei Israel. Chii ne parei ineendet, kogoochin laitoryat mogornateet ne oo ak kogoochi cheptonyi kotun ak kotyach kootap kwandanyi eng' Israel.”

1 SAMUEL 2:8

Ing'eeti kibananook komang'une temburyek, ak ko kanabu eng' kapng'atat che ma tinyei kiy, si kogoochi kotebi ak pounik, ak kosich ng'echereetap toroornatet. Amu po Kamuktaindet ne Toroor tolochigap ng'wony, ak ki konde ng'wony kotonone chooto.

1 SAMUEL 25:2

Ki mi chii Maon ne ki mi tuguukyik Karmel. Ki chii ne ki tagunoot chiichooto ak ki tinyei keechiirek eliphuusyek somok ak ng'oroorek eliphuut agenge, ak kitilei koroorigap keechiirekyik eng' Karmel.