DANIEL 2:49 - Bukuit Ne Tilil

⁴⁹ Ki soom `Daniel laitoryat konde Shadrak, Meshak ak Abed-nego koboi ng'aleegap emetap Babilon. Ago ki ng'et Daniel kotebee ormariichetap laitoryat.

BUKUIT NE TILIL

⁴⁹ Ak kisom Daniel laitoriat, konde Sadrak, Mesak, ak Abed-nego, koboi ng’alekab emetab Babulon: ago kitebe Daniel ormarichetab laitoriat.

DANIEL 2:49 Referencias Cruzadas

ESTA 2:19

Ye kingo kagoyumgei pergeinik ne po aeng', kotep Mordekai eng' ormariichetap laitoryat.

ESTA 2:21

Eng' peetuusyechooto, ye kitebyei Mordekai eng' ormariichetap laitoryat, konereekso riibiik aeng' che po kaplaitoryat che kiriibei kurgeet, Bigtan ak Teres, ak kocheeng' kobar Laitoryat Aasuerus.

ESTA 3:2

Ak ki ing'uruukjin ak kogonyiti Haman `otwogik tugul che po laitoryat che ki mi ormariichetap kaplaitoryat, amu kiga kong'at laitoryat ko uu nooto agobo ineendet. Ago ki ma ing'uruuk anan kogonyit `Mordekai ineendet.

KALEWANAIK 28:12

Piitu toroornatet ne oo ye iterteerisyei che po iman, ago ye ng'eetyo kiptengeginik, kounygei piik.

JEREMIA 39:3

kobwa anyun neganaset oriit pounik tugul che po laitoryatap Babilon, ak kotebee ormariichet ne po kween, chooto ko Nergal-sareser, Samgar-ne po, Sarsekim, Rap-saris, Nergal-saresar, Reb-mag, kobooto pounik tugul alak che ki ng'et che po laitoryatap Babilon.

DANIEL 1:17

Ago ki igoochi Kamuktaindet naet ak utaatyet neranichuuto ang'wan eng' kaneetetapkei tugul ak ng'omnateet. Ki tinyei Daniel kaguiyet ne po ng'ang'utik tugul ak karwotitaosyek.

DANIEL 1:7

Ki toochi `pounindetap kiptainik icheek kainaik: Daniel ko ki kuuree Belteshazzar, Hananiah koguure Shadrak, Mishael koguure Meshak, ak Azariah ko ki kuure Abed-nego.

DANIEL 2:17

Ki wo anyun Daniel kaa ak koboorchi ng'olyoondonooto choronokyik Hananiah, Mishael ak Azariah,

DANIEL 3:1

Ki itany Nebukadnezar laitoryat kanamwet ne po thahabu, ne kooindap tononennyi ko ki mitainik tamanwogik lo che po euut ak tebeesindanyi ko mitainik lo che po euut; ki lumda ineendet eng' warengetap Dura eng' emetap Babilon.

DANIEL 6:2

Ki inde poisyek somok che kandoik koboi icheek, ne ki Daniel age eng' icheek; si koibei pounik ng'aleek koipchin icheek, si ma pet kiy ne po laitoryat.

AMOS 5:15

Owech yaityet ak ocham che myach, ak ogimiit kirwooget eng' ormariichet; abeere imuuchi koriiree Kamuktaindet ne Toroor, Kamuktaindet ne po lugoosyek, che ki ng'et che po Joseph.