DANIEL 2:48 - BUKUIT NE TILIL

⁴⁸ Koeet anyun laitoriat Daniel, ak kogochi inendet kagochinoik che eechen, ak kogochi inendet koboi emet komugul ne bo Babulon; ak koek kiruogindet ne o ne bou bik tugul che ng’omen che bo Babulon.

Bukuit Ne Tilil

⁴⁸ Ki eet anyun `laitoryat Daniel, ak kogoochi ineendet kagoochinoik che eecheen, ak kogoochi ineendet koboi emet komugul ne po Babilon, ak koek kirwoogindet ne oo ne pou piik tugul che ng'oomen che po Babilon.

DANIEL 2:48 Referencias Cruzadas

2 SAMUEL 19:32

Kiga koosit mising’ Barsilai, ki bo kenyisiek tamanwogik sisiit: kichopchin laitoriat amitwogik ye kimi Maanaim; amu ki chito ne toogunot.

2 LAITORINIK 5:1

Ak ki chito ne o Naaman, kiptaiyatab luget ne ki bo laitoriatab Suria, eng’ taitab kiptaiyandennyi, ak ki konyitot, amu kiga kogochi Jehovah Suria katerteret eng’ inendet: ki chito inendet kogeny ne kim ak ko nyigan, ago kitinyei mogondosik.

Kitabuutap JOB 1:3

ak tugukyik ko ki kechirek elfusiek tisab, ak tambesik elfusiek somok, ak eik elfut agenge, che bo chogit, ak sigirok che iyuogik bogol mut, ak bik che chang’ che bo gonnyi; ki o anyun chichoto mising’ kosiir bik tugul che bo kong’asis.

JEREMIA 5:5

awendi oldab bik che eechen, ak ang’alalji ichek; amu ingen icheget oretab Jehovah, ak kiruogetab Kamuktaindenywa. Ago kigoiri chu ka bo tai chogit kibagenge, ak kong’eti ratutik.

DANIEL 2:6

Ago ngot oborua karuotitoet ak kaweeksennyi, onyoru eng’ ane konunoik ak melekwek ak teegisto ne o: oborua anyun karuotitoet, ak kaweeksennyi.

DANIEL 3:1

Kiitany Nebukadnesar laitoriat kanamwet ne bo tahabu, ne koindab tononennyi ko ki kakwautik tamanwogik lo che bo eut, ko bo tebeesindanyi kakwautik lo che bo eut: kilumda inendet eng’ warengetab Dura, eng’ emetab Babulon.

DANIEL 3:12

Mitei Yahudik alak che kiinde koboi ng’alekab emetab Babulon, Sadrak, Mesak, ak Abed-nego; ma iitin bichuto, ee laitoriat: maotei cheptalelisieguk, ama ilosu kanamwetab tahabu ne koilumde.

DANIEL 3:30

Koeet anyun laitoriat Sadrak, Mesak, ak Abednego, eng’ emetab Babulon.

DANIEL 4:6

Kiang’at anyun ng’atutiet ale kimut bik tugul che ng’omen che bo Babulon kobwa tainnyu, si kobiit koborua kaweeksetab karuotitoet.

DANIEL 4:9

Ee Beltesasar, bounindetab bik che ng’omen che ng’orsei, amu angen ale menyin tamirmirietab cheptalalisiek che tililen, ama mi ung’otiet ne iimin, mwawa anyun ng’ang’utikab karuotitoennyu che kiageer, ak kaweeksennyi.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

DANIEL 5:16

Ago koagas agobo inye kele imuchi iboru kaweeksosiek, ak iboru tuguk che iimi bich: ngot imuchi anyun isoman sirutichuto, ak iborua kaweeksennyi, kilaagun anyun ngoroik che arusen ne birir, ak kilaakyi kaating’ung’ sirimdab tahabu, ak iegu bounindet ne bo somok eng’ bounatet.

DANIEL 5:29

King’at anyun Belsasar ng’atutiet, ak kolaakyi bik Daniel ngoriet ne arus ne birir, ak kolaakyi kaatinnyi sirimdab tahabu, ak komwaita agobo inendet kole, egu bounindet ne bo somok eng’ bounatet.

DANIEL 5:7

Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.

DANIEL 8:27

Ak kiatanui ane Daniel, amian betusiek alak; ye ibata, ang’eet, ak ayai boisietab laitoriat: ak kiakwong’e ng’ang’utionoto, ago ma biit chi ne kiiguiyo.

KAITOSYEK 24:11

Ara mwei ui oldang’ung’ nguno: kialen si aeetin inyoru teegisto ne o; ago keero, kietenen Jehovah teegisoto.

1 SAMUEL 17:25

Ak kile bikab Israel, Kaogeer chichi katogos? Katogosu iman konyo korenyei Israel: ak chito ne barei inendet, kogochin laitoriat inendet magornatet ne o, ak kogochi cheptanyi kotun, ak kotiach gotab kwandanyi eng’ Israel.

1 SAMUEL 2:8

Ing’eeti kibananok komong’une temburiek, Kanabu eng’ kapng’atat che matinyei kiy, Si kogochi kotebi ak bounik, Ak kosich ng’echeretab torornatet: Amu bo Jehovah tolochikab ng’ony, Ak kiinde ng’onyut kotonone choto.

1 SAMUEL 25:2

Ak kimi chito Maon, ne kimi tugukyik Karmel; ak ki toogunot chichoto, ak kitinyei kechirek elfusiek somok, ak ng’ororek elfut agenge: ak kitilei kororikab kechirekyik eng’ Karmel.