Revelation 3:11 - Hawa Naga Bible 2001

¹¹ Ngaz kuex yauk lox dvyx httuiuc kaz raungx. Mkhushec kuex uraq muinz nyvlc wvnc muq mruez shueq, mnoz rueq lvp taq toq phvnx kuex vhvlx waq httuiyq httvmx taq shuiuz.

ASII LAKDAP Bible (BSI)

¹¹ Ngi ka jaqloli misaüho kang. Namshiq wenyi rilung ka awongsii thü rong laq. Kiikha sihan jiitiq, namshiq srea poksi ka jurmin nyeaho lot mak miraq.

Muklom

¹¹ Nga kalo thupha náng; utang eq tho ba khopok sha nal moq ang rangma, bara ba relna eshi jaqhal eq shing u.

Revelation 3:11 Referencias Cruzadas

JEPHANIA 1:14

Yehowa raungnuiyq yunghvlc kuex vnyek shex, kvruex kuex nyek hvlc shex nuiyc htat htat httuiuc wvnc yaq! Kvruex raungnuiyq kuex khuip khaq ningkhvnc nuex khvmc thuinz httaz hvlc nolaungx bix doc muinz rvwvlc htumx vtueq guyc sez wuez tuex.

1 Corinthians 9:25

Vyuz rvsherc jix htenc rvthaungx juing baung wawc tvrac kuex phvnx tvhungx yaq; tsuingshiq rueq kvkhoc shuimx kaz yaq kuex vyuiuq vbac kay lot yaq pulx puic khushec lvp tvkoc shuimx kaz yaq; yuq muinz naungshiq rueq kuex yuiuq kaz bac kaz muq phvnx raungc hvlc khushec lvp wvnc tvkoc shuimx kaz vshix.

Philippians 4:5

Nuimshiq thuinz vnyenz kuex miq lotlaz muex tvkhic shuinz. Taungjix httuiuc kaz yaq shex.

2 Timothy 2:5

Vyuz rvsherc moalx nuex yuz naungc jix washiz kuex phvnc juing tvrac tay phvnx muq ngoz ruiux yuq, somraungc yauk noalc lvp lot shuex rvmuq.

2 Timothy 4:8

Majuiuc kuex Tishox rulc vtsuing vrux maq httaz jix muex kuq yaq lotlaungc khushec kuex ngvy tvkoc tvyoalc yoalx shex, vlvmx rvkhauk phoc jix waz phoc waz ngoz yaq Taungjix rueq kvruex khushec kuex khac phox shuex Raungnuiyq ngaz muex kuq phuex. Ngaz muex dvyx rvmuq, vpiq httuiuc kaz yek yaq kuex thuinz tvluimc bvmc jix htenc muex muinz kuq shuex rvtueq.

James 1:12

Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.

James 5:9

Phunox bix lex, nuimshiq kuex Tishox rueq phoc kuy rvhumc muit mruez kueq, nuimshiq vdvmz dvmz rvkhawc rvlvlc nauk ruez kaz. Phoc waz kuex httuiuc kaz yaq shex khuec nuex dungc wvnc tvkoc tvyoalc wuez shuinz.

Revelation 1:3

Vruex tvkhic luik dvp vruex wvllawc jix htenc nuiyc shvmmax bomjungc kuex tay phvnx vtueq, vruex luik dvp vyuq wuiyq shec tueq htenc phvnc jix kuex thuinhvlx yaq! Yvmx khoc lac ngoz ruiux lec vhtenc vruex yaungc wvnc tvkoc vkhing httuiuc wvnc muex nyek wvnc yaq shex rvtueq.

Revelation 16:15

“Tay shuinz! Ngaz kuex vguiuq ikhoc httuiuc kaz taungx! Kvkhoc rvtueq sawkumx maq khuemshamx vtueq, miq htumc nuex yvlc svy rvhumc muq mruez kueq, kvtsaq hvt maq miqmac khoz vkhvy bvmc jix waz kuex thuinhvlx yaq.”

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.

Revelation 2:13

Mnoz httaz vtuiux baung kuex ngaz rueq tuiuz yaq, mnoz kuex Satan hoc daungraungc httax yaq kvyuq httax vtuiux. Ngaz nuex tvmtuing maq hakhix khvmc kuy jix waz Antipa kuex Satan httaz juing baung nuimshiq hvlwvl nuex thvt gay tueq kvkaq doc muinz, mnoz kuex ngaz nuex tvmtuing httax vtueq ngaz muex kvmluimx lvmx kuex tvlvlc gay muq.

Revelation 2:25

Yuq muinz nuimshiq rueq lvp taq tuit kuex phaungx duingduing maq ngaz httuiuc kaz raungx nuex httuiuc laz shuimx wuez shuinz.

Revelation 22:12

Yesu rueq, “Tay shuinz! Ngaz kuex yauk lox dvyx httuiuc kaz raungx! Miq tek vtueq miqmac rueq shuimx wvnc tueq rulc rv-ngvlc kuy tvkoc yauk noalc kuex ngaz rueq lvmz laq raungx.

Revelation 22:20

Vruex lvmz htenc hakhix khvmc jix waz rueq, “Vsuing doc rvtueq! Ngaz yauk lox httuiuc kaz raungx!” ngoz tueq. Vkhoc m-yaungx wvnc kueq. Taungjix Yesu lex, httuiuc kaz loq!

Revelation 22:7

Yesu rueq, “Tay shuinz! Ngaz yauk lox httuiuc kaz raungx! Vruex luik dvp nuex httax yaq shvmmax kvjaz htenc tay phvnc jix waz kuex thuinhvlx yaq!” ngoz tueq jungx phuex.

Revelation 3:3

Kvkhoc rvtueq mnoz rueq yvmx lac tvluing wvnc tonx nuiyc tay wvnc toq lvmz kuex rvwvl yek shuiuz; kvruex tay phvnx vtueq, mmvrax htenc wawc thuinz kvlayc kvwek yek kuiuz, mnoz honc svmz muq ngoz ruiux yuq kuex vguiuq waz ikhoc ngaz mnoz kox nuex kaz raungx, ngaz kaz taungx vkhing kuex mnoz rueq tuiuz shuiux rvmuq.

Revelation 4:10

walaungx bix waz roknueyc rac waz bvlic rueq, hoc daungraungc htauk nuex ngaungc yaq pattup pat-sac rullungx tvraungx httax yaq waz khaungkac nuex bumx vtueq nawk palx wuez yaq. Tsuingshiq kuex hoc daungraungc khaungkac nuex miqmac khushec kuex buk taq ruiux,

Revelation 4:4

Kvruex hoc daungraungc tvroz nuex daungraungc vganc roknueyc rac bvlic kuex ngaz rueq khiz tauk, kvruex daungraungc kvyuq vyungx vlaungx bix waz roknueyc rac waz bvlic ngaungc yaq, tsuingshiq rueq khvyluiz svmx vtueq kuimshawx kushec htenc kuex buz wuez tueq.