Revelation 3:12 - Hawa Naga Bible 2001

¹² Taungx wvnc jix waz kuex ngvy Tishox shomc yuimx nuex htungwaz jungx vshiz muex tvyaungc shaungx, piq kuex mkaq muinz kvruex wawc yuzphic nuex dung kaz tuex rvmuq. Ngvy Tishox muingc kvmuinz, ngvy Tishox kox wawc dung kaz vtueq, raungmungx maq vsvt kaz Yerusalem ghaq nyalx ngoz yaq ngvy Tishox ghaqyungx muingc kvmuinz, ngvy muingc vnyalx kvmuinz piq htauk nuex ngaz rueq wuiyq tvkop shaungx.

ASII LAKDAP Bible (BSI)

¹² Rekhat tangti, srea jati we ka ngi raq, i Shiikeawe shomjam na khamlawe ma mitiija ha. Kiimaq apaiq ka kiiwa, ahin na kimak she miraq. Ngi raq apaiq khum na i Shiikeawe mang kiimaq i Shiikeawe raq ramungtan anye wa Jerusalem anye tiisat wan tlaq kra chela mang ka miwaiq kuq ha. Kiimaq apaiq khum na, i mang anye kriimin miwaiq kuq ha.

Muklom

¹² Utang eq ujin kap aa, piq sha nga i Shkewa rangnuk him na ashey thòng ma hun náng, etho piq aa esha baluk otho shingchak moq angna; nga i Shkewa miing, etho i Shkewa samhaq miing sha piq o wit náng. Ira anal Jerusalem, bara i Shkewa mungtan wang takat phana etho i anal miing sha piq o wit náng.

Revelation 3:12 Referencias Cruzadas

1 HOKHVMX 7:21

Huram rueq nvyrvyx htung vnueyc kuex Shomc Yuimx nuex nyuip waungc juing kaluix kvlc nuex shungc taq tueq; vshiz kuex ghaqyaz kox nuex shungc ruiux Jachin ngoz tueq muingc tueq. Kvmaq vshiz kuex ghaqkhux kox nuex shungc ruiux Boa ngoz tueq muingc tueq.

Tvtsvmc 46:4

Tishox ghaqyungx ngoz yaq Johvlc Pinhtumc waz vsawc yuimx kuex tvshuenc ruenc yaq yuix ruilx vshiz httax yaq.

Tvtsvmc 48:8

Tishox rueq yvmx lac shuimx wvnc tvnx kuex naungshiq rueq tay wvnc tiq, Tvphaungc Tvsuip Yehowa naung -shiq Tishox ghaqyungx nuex, kvruex lvmz kuex naungshiq rueq majuiuc khiz wvnc tiq. Vpiq rueq kvruex ghaqyungx kuex pattup kuiyq shuik tvhttax shuex.

Tvtsvmc 87:3

Tishox ghaqyungx lex, vpiq rueq jungx yaq mnoz vwangc juing htenc kuex tay shuiuz:

ISAIA 62:2

Yerusalem lex, mnoz rueq taungx wvnc shuiux kuex miqphvnx htenc rueq khiz wuez shuex! Tsuingshiq hokhvmx bix lotlaz rueq mnoz ngauz vngax kuex khiz wuez shuex. Mnoz muex Yehowa vpiq pumz maq vmuingc kuq, Muingc nyalx kuex lvp shuiux.

ISAIA 65:15

Ngaz rueq thvlc rvhumc jix miqsaz rueq mmuingc kuex mvnhttonc mvntvmc bomc muex shuimx shuex. Ngaz, Johvlc Yehowa rueq mnoz kuex thvt gay phaungx. Yuq muinz ngvy kvjaz tay jix muex kuex muingc vnyalx kuq shaungx.

JEREMIA 1:18

Yeremia lex, tay shuiuz! Vruex mungtan wawc miq tek vtueq, Yuda hokhvmx bix, vyungx vlaungx bix, shomc waz bix, nuiyc mungx miqsaz htenc rueq mnoz muex khawx lvlx kv-phux. Yuq muinz tsuingshiq kuex tvgawx lot juing majuiuc raungnuiyq ngaz rueq mnoz muex kuq phaungx; mnoz kuex ghaqyungx lung palx ruk ikhoc muinz, yanx htung nuiyc nvyrvyx palx ruk ikhoc muinz tvyaungc phaungx. Ngaz rueq mnoz tvwungx vtueq mnoz rulc vdvmz ningkhvnc nuex tsuingshiq rueq mnoz kuex taungx gay kv-phux rvmuq. Ngaz, Yehowa rueq jungx vshaungx,” ngoz tueq jungx tueq.

EJEKIEL 40:49

Httuiuc phaungc khok nuex duic waungc juing hikhux phac htenc httax yaq, kvruex kuex vyungc kox meter 10, vhtvy kox meter 6 httax yaq. Vnyuip waungc juing samx nueyc wvtaungx nuex htung vshiz phok httax yaq.

EJEKIEL 48:35

Ghaqyungx palx ruk samx bvlic wvtaungx lotlaz romshauk htaz koq tueq, meter 9,000 rvtueq. Kvruex raungnuiyq maq kvruex ghaqyungx muingc kuex, “Yehowa kuex Vyuq Httax Yaq!” ngoz tueq muingc shuex.

Mark 12:16

Tsuingshiq rueq vpiq muex lvmz koq wvnc tueq vpiq rueq, “Ukhaq yac nuiyc ukhaq muingc lac tvkop shec tvnx?” ngoz tueq wiz tueq. Tsuingshiq rueq, “Kesar yac tvkop tvhungx wuiyq taq tueq,” ngoz tueq vpiq muex tvralc tueq.

Galatians 2:9

Kvkhoc ngaz muex kuq phuex kejux kuex khiz wuez tueq nuex phungc nuex walaungx yaungc jix Yaku, Peter nuiyc Yohan hez rueq ngaz muex Tishox rueq kuq htep gurc juing kuex tvtsuir tv-phaungx kuq phuex; kvkhoc rvtueq nuiyhez lotlaz kuex shuimc shiz kay shiz rvtiq lvmx tvkhic kuy lvmx maq tsuingshiq rueq Barnaba nvnueyc muex gvnhttuingc ngoz kuq phuex. Nuiyshiq kuex Pungnuk miqsaz htenc kox nuex phungc yauk shuimc tvkoc nuiyc tsuingshiq kuex Yuda miqsaz kox nuex phungc yauk shuimc tvkoc ngoz tueq thuinz rungx raz wuez tiq.

Ephesians 3:15

Iwaz khaungkac nuex ngaz kuix tsvrung maq bumx vtueq vjux thoz vshaungx.

Hebrews 12:22

Nuimshiq kuex Sinai Kanx tvraung Zion Kanx nuex raungkamx bix vhingc paunghvlc maq httax yaq vtvraungx Tishox ghaqyungx ngoz yaq raungmungx wawc Yerusalem nuex httuiuc wvnc wuez vtuinx.

Hebrews 13:14

Yvmx khoc lac ngoz ruiux lec vruex ghaq htauk vyuq naungshiq tvkoc phaungx ngaungx hvlc ghaqyungx vguez ningkhvnc nuex, naungshiq kuex max nuex httuiuc wvnc ghaqyungx kuex naungshiq rueq thuiyx vshix.

1 John 4:4

Isuiuz isaz tamx lex, nuimshiq kuex Tishox kox wawc rvtuit ningkhvnc nuex vrot vkaq shvmmax bix kuex taungx gay lot tuit shex, yvmx khoc lac ngoz ruiux lec nuimshiq nuex httax yaq Siyac kuex mungkawx miqsaz nuex httax yaq siyac htauk nuex muinz luimc vkawc yunghvlc rvtueq.

Revelation 14:1

Kvruex yimaq ngaz rueq lawc koq tueq Zion kankhux nuex Khelbuenx Saz jvp yaq kuex khiz tauk. Vpiq muingc nuiyc Vwaz muingc kuex tsuingshiq khaungkuimx nuex tvkop shec jix miq 144,000 kuex Khelbuenx Saz rulc vdvmz nuex httax yaq.

Revelation 17:14

Tsuingshiq kuex Khelbuenx Saz kvrulc rvkhvt rvlungc wvnc tuex; yuq muinz Khelbuenx Saz kuex taungjix htauk nuex Taungjix, hokhvmx htauk nuex Hokhvmx ningkhvnc nuex tsuingshiq kuex yurc gay shuex. Vpiq rueq vgvl shec hez nuiyc vpiq muex tvmtuing httaz jix htenc kuex vpiq rulc vroc nuex taungx wvnc vkhangx lvp wvnc wuez shuex,” ngoz tueq.

Revelation 2:11

“Siyac rueq phungc htenc nuex yvmx khoc lac jungx wvnc tvnx kuex, nac vhttax waz rueq mtay wvnc shueq! “Vtaungx wvnc jix waz kuex lauknueyc thueyc juing wawc luenx wvnc tuex.

Revelation 2:17

“Siyac rueq phungc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix muex vhttuiyq vruez shec manna wanx wvyvmc kuex ngaz rueq kuq shaungx. Tsuingshiq miq tek vtueq lungluiz kuex ngaz rueq kuq shaungx, kvruex lungpoz nuex wuiyq shec tueq muingc vnyalx kuex lungpoz lvp wvnc jix waz maq lvy vtueq vganc uraq muinz tuiuz muq.

Revelation 2:7

“Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix waz muex Tishox sunc nuex httax yaq rullungx pulx jungx vthuey kuex svy lvp vkhangx ngaz rueq kuq shaungx.

Revelation 21:2

Kvkaq Vsawc Ghaqyungx ngoz yaq Yerusalem vnyalx kuex, waz nyalx waz tvkoc vtvsvp rvp shec nyuiuz nyalx nyuiuz ikhoc tvhungx htaungx lot vtueq, Tishox httaz yaq raungmungx wawc svt kaz yaq kuex ngaz rueq khiz tauk.

Revelation 22:4

Tsuingshiq rueq vpiq htvlx phawc muinz khiz lvp shuex, tsuingshiq khaungkuimx nuex vpiq muingc kuex tvkop wuiyq taq shuex.

Revelation 3:5

Taungx wvnc jix waz rueq hungluiz khvy svmx lvp shuex, ngaz rueq piq muingc kuex rullungx luik dvp wawc tvmauk gay shaungx rvmuq. Piq kuex ngvy kungjix rvtueq lvmz ngvy Tishox waz nuiyc vpiq raungkamx bix htumc nuex jalc jungx kuq wvnc shaungx.