Revelation 3:11 - ASII LAKDAP Bible (BSI)

¹¹ Ngi ka jaqloli misaüho kang. Namshiq wenyi rilung ka awongsii thü rong laq. Kiikha sihan jiitiq, namshiq srea poksi ka jurmin nyeaho lot mak miraq.

Hawa Naga Bible 2001

¹¹ Ngaz kuex yauk lox dvyx httuiuc kaz raungx. Mkhushec kuex uraq muinz nyvlc wvnc muq mruez shueq, mnoz rueq lvp taq toq phvnx kuex vhvlx waq httuiyq httvmx taq shuiuz.

Muklom

¹¹ Nga kalo thupha náng; utang eq tho ba khopok sha nal moq ang rangma, bara ba relna eshi jaqhal eq shing u.

Revelation 3:11 Referencias Cruzadas

JEPHANIA 1:14

Tatiwe ranaiq jonghea ka ajeli she, napto she, aje niishe jaqlolo she saü wantlo! Kra ranaiq ka khaphea ranaiq miraq, srea nolajongbi kiimin, aho anyi riichanchan jamkha ijasiq miraq!

1 Corinthians 9:25

Phanrap atochang phan na maiq arlong laa wanti sitlaq kriika tsangshiq ma shrinke liipan bala, pinthum thungtri atsin maq shrin kuq tlo. Arka athen kai chang poksi khushü dong chang khuphok lap wan kra miitu riilong tlo. Shatmaq nashiq riika, pattup thenki mak phan poksi lap miitu sham tiikai.

Philippians 4:5

Nanok wiitarü rai, sobsob bombom maq sironglaq. Tatiwe ka saüho tlo she.

2 Timothy 2:5

Kiimahali, aju ajap riilongpai na jurwa lomdam tlaq, kriiti riika riikhaqli aju riilong thungtri maq jumak raüla, apaiq raq poksi ka lap mak miraq.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.

Revelation 1:3

Kechu jonghea, jurwa ara lakdap ara phat tlaq. Kiimaq kechu jonghea, jurwa ara shammi bom chong, ara lakdap na ara tai tlaq. Raüta ara lakdap na waiqtaq bomtsi kra lang tlaq! Jamkhano ngukla arthun mra ara pin wan ma akhing ka ajeli she.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 2:25

Shatmaq, ngi misaüho shaq wiiwii, ümchaü jamlai mo kam tlan, kra jaqkhon pharang rang maq riiwiiq lanta sironglaq.

Revelation 22:12

“Tairong laq!” nguta Jesuq raq ngutlo. “Ngi ka jaqloli misaüho ha! Ngi ka poksi holata kitiikang, maiq loweatek raq tsangshiq jaq sham wantaq kra phanphan poksi kekai.

Revelation 22:20

Jurwa arthun bomtsi thaq na, hakhi kuq tlaq, kriiwe raq ngutlo, “Tengto! Ngi ka jaqloli misaüho ha!” Amen. Kira, Tati Jesuq lei!

Revelation 22:7

“Tairong laq!” nguta Jesuq raq chongto. “Ngi ka jaqloli she misaüho ha! Kechu jonghea, jurwa ara lakdap wa shammi bomchong ara lang tlaq!”

Revelation 3:3

Arningkhan, man na namshiq Phung na shang wan pha ji na achongkuq, tengteng bomtsi raü kra, tsan na samhea tiitsang shat thü rong laq. Lanta, lang wan ruq maq sirong laq. Lang tlan krai mren, ngarai ka baiq rong liishe. Namshiq ka akon wa sam wan man li sihan jiila, ngi ka ahuk saüki tlaq ikha, namshiq phana tiihanghiiq miili misaükiha. Namshiq riika ngi saükai akhing min sap man mirhan.

Revelation 4:10

kiijaq nga tlaq shiilangbi weroqnai ri weblai kra riimin, hokham ngacho na ngati we khaki na, hiq na bumrang rang raüta, pattup pat-sa atra sitiwe kra shomnoq tlo. Tsangshiq raq tsangshiq khuphok ka, hokham ngacho na ngatlaq we khaki na tiiwe rangrang raüta, akha shomnoq tlo:

Revelation 4:4

Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.