Revelation 3:10 - Hawa Naga Bible 2001

¹⁰ Yvmx khoc lac ngoz ruiux lec mnoz kuex ngaz rueq nvr phaungx rulc rv-ngvlc thuinz tvluz vtueq nanx wvnc lvmz bomjungc mnoz rueq phvnx vshuiux ningkhvnc nuex, ghaq htauk nuex httax yaq miqsaz lotlaz kuex taruiyx lawc tvkoc mungkawx nuex nyvmc laz kuilc daz jamjaux httuiuc wvnc tuex vkhing nuex ngaz rueq mnoz kuex tvkhup wungx kuq phaungx.

ASII LAKDAP Bible (BSI)

¹⁰ Riita, namshiq raq chamchao ranaiq min, ngi raq achongkuq wan aming ka nungpaq man maq lang wan lan, krai mren, ngi riimin namshiq ka, ara mangjong maiqse ma maitai chamchao jonghea saüho tlaq kiiwa, khup wong kuqshat maq mirüm ha.

Muklom

¹⁰ Nang aa tinthaman rangma i raaqkhat kot tu sha nim aa shing tin eshirangma mingkang na tongtey tang rangma bari tari sha thupha na eshiwang nga nang sha thalun phanáng.

Revelation 3:10 Referencias Cruzadas

ISAIA 24:17

Miq pumz tek vtueq, ngvy kvjaz tay shuinz! Vkawc yawc juing htenc, ghaqkhurx htenc nuiyc phex vbix htenc rueq mnoz kuex bvmc yaq.

DANIEL 12:10

Miq paunghvlc kvsawc nawc wvnc tuex. Layx bac jix hez rueq tuiuz tay wvnc shuex rvmuq, tvhttoarc vtueq layx bac wvnc ruq dvyx rvtuex; taksux jix bix rueq dvyx tuiuz tay wvnc shuex.

JEKERIA 13:9

Ngaz rueq tvraungx kvjungx yaq mvnshiz kuex wvr maq tvsawc shix kuimphox ikhoc tsuingshiq kuex tvsawc vtueq talx lawc shaungx. Ngaz rueq kuimshawx talx lawc shix ikhoc tsuingshiq kuex talx lawc shaungx. Kvkaq tsuingshiq rueq ngvy kox wawc thoz ruiux yuq ngaz rueq tsuingshiq muex tvralc shaungx. Tsuingshiq kuex ngvy miqsaz rvtueq lvmz ngaz rueq tsuingshiq muex jungx shaungx, ngaz kuex tsuingshiq Tishox rvtauk lvmz tsuingshiq kvjungc wuez tuex,” ngoz tueq jungx tueq.

Matthew 24:14

Mungtan nuex seng vtueq Thuix Thaungx Vhvlx lvmx kuex mungkawx lotlaz nuex httaz jix miqphvnx ruip rawx muex hakhix m-yaungx kueq, mungkawx lotlaz nuex jungphvnx kuq lvp shuex, kvruex yimaq kuex vtvsuip shex httuiuc wvnc tuex.

Matthew 26:41

Mvyx tvy yaq kvyuq httuiuc kaz muit tvkoc honc lvmz hvt maq vjux thoz wuez shuinz, siyac kuex hungc vlaungc httax yaq, yuq muinz gvnngvmx hungc vlaungc nulx kaz,” ngoz tueq.

Matthew 6:13

Vlauc vlawc rvyaq kvyuq nuiyshiq kuex nauk tvkaz vkueq, Honc bac waz kox wawc palc wvnc koq.’

Mark 14:9

Ngaz rueq nuimshiq muex vsuing jungx kuq ix, mungkawx lotlaz nuex shuenruenc bomjungc jungphvnx shuinx nuex, piq kuex rvwvlc tvkoc majuiuc piq rueq shuimx wvnc tueq kuex jungphvnx kuq shuex,” ngoz tueq jungx tueq.

Luke 2:1

Kvruex baunglaung Roma wvmungx tuimx nuex httax yaq miq muingc wvlc tsenc tvkoc honoc Agustu rueq nvr tueq.

John 17:6

“Mungkawx vwawc thvl wvnc vtueq ngaz muex lekuq phux miqsaz htenc muex ngaz rueq tvtuiuz kuq wvnc tauk shex. Mnoz rueq tsuingshiq kuex guimz wvnc toq ningkhvnc nuex tsuingshiq kuex ngaz muex lekuq phux, tsuingshiq rueq muinz mbomjungc kuex phvnx tvhungx wuez yaq.

Romans 1:8

Vphaungc nuimshiq kvmluimx lvmx kuex mungkawx nyvmc laz httax wvnc vtuex ningkhvnc nuex, ngaz rueq nuimshiq lotlaz tvkoc Yesu Christu muingc maq Tishox kejux kuex tvtsvmc vshaungx.

1 Corinthians 10:13

Nuimshiq rvhumc vtuinx tvshonx bawx taruiyx yaq htenc kuex miq ruip rawx rvhumc yaq phvnx dvyx rvtueq. Yuq muinz Tishox kuex bomkhvmc tvy jix Taungjix ningkhvnc nuex, nuimshiq miqmac rueq nanx lot shuinx htauk kvyuq lvy vtueq tvshonx bawx taruiyx yaq kuex tvrvhumc kv-phuinx rvmuq. Tvshonx bawx taruiyx rvhumc vtuinx baunglaung nanx lot juing hungc vlaungc kuq vtueq, kvruex tvshonx bawx yaq kvwawc dungc wvnc tvkoc lvmx daz kuq kv-phuinx.

Ephesians 6:13

Kvkhoc rvtueq Tishox nolaungx marc kuex svmx wuez shuinz. Kvkhoc ngoz ruiux jix honc vbac raungnuiyq httuiuc wvnc tuex nuex, nuimshiq rueq ralx kuex khvt taungx gay lot shuinx; vtvsuip nuex httuiuc laz khvt lot yix maq jix nuimshiq jvp juing nuex phaungx duingx maq jvp lot tuinx.

2 Timothy 2:12

Naungshiq rueq tvhttoarc vtueq nanx ruiux yuq naungshiq vpiq rulc vdvmz nuex guimz wvnc lvp shix. Naungshiq rueq vpiq kuex tvdux gay ruiux yuq vpiq rueq muinz naungshiq kuex tvdux gay phuex.

James 3:12

Iphuz inox bix lex, phuiuq muiuq jungx wawc olip thuey, svpiq ruiuz wawc phuiuq muiuq thuey thuey muq; kvrulc rv-ngvlc shumtix dung yaq yuix ruilx wawc vruimx yuix kuex dung muq.

1 Peter 4:12

Lungwawc phunox bix lex, nuimshiq nuex mkaq muinz yaungx muq shauk phvnx yaungx yaq nuimshiq rvhumc vtuinx thuiuz hvlc taruiyx yaq kvmac nauk wangc kaz.

2 Peter 2:9

Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.

Revelation 1:9

Ngaz kuex nuimshiq phunox waz Yohan rvtauk. Yesu yix phvnc jix waz vshiz ikhoc maq vpiq Mungtan nuex seng yaq miqsaz htenc rvhumc yaq kuilc daz kuex thuinz vluz maq nuimshiq rulc roc nuex nanx jix waz rvtauk. Ngaz kuex Tishox bomjungc nuiyc Yesu rueq hakhix tvkhic wvnc tueq tsuingrux lvmx jungphvnc tvtay kuy ningkhvnc nuex, Patmo julc lomz nuex tvkay gay rvhumc tauk.

Revelation 11:10

Ghaq htauk wawc miq htenc kuex shvmmax wanueyc thueyc ningkhvnc nuex pinhtumc kokez vtueq vdvmz dvmz yauk noalc rvkuy wuez ruiux, moalx tvhungx wuez shuex, yvmx khoc lac ngoz ruiux lec shvmmax wanueyc rueq ghaq htauk nuex httax yaq miqsaz htenc muex kuilc daz tvrvhumc yaq rvtueq.

Revelation 13:10

Vlvp rvhumc jix waz kuex vsuing vlvp rvhumc tuex; yaung maq thvy jix waz kuex vsuing yaung nuex thueyc tuex. Vkhoc ningkhvnc nuex Tishox miqsaz hez kuex nanx vtueq kvmluimx thuinz httaz rax yaq.

Revelation 13:14

Vphaungc wawc svl vwvl kuiux khaungkac nuex tvkhic kuy vkhangx lvp yaq romzyac htenc kuex tvkhic vtueq, ghaq htauk nuex httax yaq miqsaz lotlaz kuex laulawc gay tueq. Yaung mac rvhumc ruiux muinz thueyc muq tvraungx shauk doc svl vwvl kuiux muex tvtsanc nganc kuy ikhoc maq piq yac yuimx kuex guirc tvhungx tvkoc mungkawx miqsaz muex nvr tueq.

Revelation 13:8

Vthvy gay rvhumc tueq Khelbuenx Saz rullungx luik dvp nuex, mungkawx max tvdung sung maq raz tueq muingc wuiyq lomx yoalx ghaq htauk wawc miqsaz lotlaz rueq svl vwvl kuex nawk palx wuez shuex.

Revelation 14:12

Tishox rueq nvrc bomc phvnx vtueq Christu muex tvmtuing httaz jix Tishox miqsaz htenc kuex vkhoc phvnx vyuq nanx thuinz httaz rax tuex.

Revelation 14:6

Kvruex yimaq raungmungx ngvlc rv-ngvlc nuex raungkamx washiz baz yaq kuex ngaz rueq khiz tauk. Piq rueq miqphvnx ruip rawx, waruiuz ruip rawx, kvjaz phvnx ruip saz nuiyc mungtan ruip rawx muex tvtay jungc kuy tvkoc pattup Thuix Thaungx Vhvlx kuex lvmz laq tueq.

Revelation 16:14

Tsuingshiq kuex romzyac htenc tvkhic lot htaungc htenc maungyac rvtueq. Kvruex htaungc vthuimx kuex Tvphaungc Tvsuip Tishox Raungnuiyq vyungx ngoz yaq ralx rvlungc tvkoc mungkawx lotlaz wawc hokhvmx bix kuex tvtuimx muex dung kaz wuez tueq.

Revelation 17:2

Ghaq htauk wawc hokhvmx bix kuex kvruex yalxjuik nyuiuz kvrulc htokpawx naungx yaq, mungkawx miqsaz htenc kuex piq rulc htokpawx lvmx ngoz yaq svpiq tix muex jukpawx wuez vtuex,” ngoz tueq ngaz muex jungx phuex.

Revelation 17:8

Mnoz rueq khiz vshuiux svl vwvl kuiux kuex mvnnuex vtvraungx rvtueq, yuq muinz majuiuc kuex vmaungx shex; piq kuex thuiuz hvlc ghaqkhurx mungx wawc dung wvnc ruiux yuq tvbac gay rvhumc tuex. Mungkawx tvdung sung wvnc tueq maq raz tueq miqmac muingc htenc kuex rullungx luik dvp nuex lomx muq ghaq htauk nuex httax yaq miqsaz htenc kuex svl vwvl kuiux kuex khiz vtueq lotlaz vkawc yawc rvwuez tuex. Piq kuex mvnnuex vtvraungx rvtueq, majuiuc kuex vthuiuz thuic tvraungx muq, yuq muinz yix maq laukshiz tvraungx wvnc yek tuex.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.

Revelation 3:8

Mnoz rueq shuimx vshuiux yauk shuimc kuex ngaz rueq tuiuz yaq; mnoz nuex luimc vkawc raungluingx saz dvyx httax yaq, yuq muinz ngvy rueq tvluing kuq phaungx kuex phvnx vtueq ngvy htauk nuex tvmtuing httax vtuiux kuex ngaz rueq tuiuz yaq. Mkhaungkac nuex uraq muinz shauk lot muq kaluix vshiz ngaz rueq daz shec tauk.

Revelation 6:10

Siyac htenc kvraq, “Tvphaungc Tvsuip Taungjix, vsawc nuiyc tsuingrux waz lex! Nuiyshiq thvt gay phuex mvrax rawc nuex ghaq htauk wawc miqsaz htenc kuex mtanc nuex httuiuc laz lac mnoz rueq phox kuq muq, murx tvgurc muq maq dvyx httax tuiux nguinx?” ngoz tueq yunghvlc maq ramc tueq.

Revelation 8:13

Kvruex yimaq ngaz rueq lawc koq tueq, raungwuilx wanc nuex lawx vshiz baz yaq kuex khiz tauk, kvruex lawx rueq, “O kawc yawc kvkhuirc juing! Kawc yawc kvkhuirc juing! Vganc raungkamx waz thuimx rueq tuimz shuex bolic thuic thuiz ruiux yuq ghaq htauk nuex httax yaq lotlaz tvkoc kawc yawc kvkhuirc juing!” ngoz tueq yunghvlc maq ramc yaq kuex ngaz rueq tay tauk.