Revelation 3:9 - Hawa Naga Bible 2001

⁹ Tay shuinz! Miqmac kuex Yuda miqsaz rvtiq ngoz ruiux muinz Yuda rvmuq jix, Satan phungc nuex lomx yaq vrot vkaq jix htenc kuex m-yaz phaungx nuex tsuingshiq muex ngaz rueq tvnawk kaz phaungx. Ngaz rueq mnoz lungwawx vphaungx kuex tsuingshiq lotlaz rueq tuiuz wvnc shuex.

ASII LAKDAP Bible (BSI)

⁹ Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.

Muklom

⁹ Chamtey miqtang aa Jehudi ta bat aa etharin ning Jehudi ang moq, irimal alik battey tang aa Thangwa synagogue wang, irimal miqtang raa thu eq ba jaakhung o bon na etho nga nang ma tinmat ang phang ta usam eq na.

Revelation 3:9 Referencias Cruzadas

ESTHAR 8:17

Hokhvmx waz bomc tvdvy phvlc luik wvlc tvtay kuq tueq mungx ruip rawx nuiyc ghaqyungx ruip rawx nuex vbvmc raungnuiyq phuiuz svy moalx tvhungx ruiux kokez raungc raq wuez tueq. Vganc miqsaz htenc paunghvlc kuex tsuingshiq muex hiyaz ningkhvnc nuex Yuda miqsaz muex yaungx wvnc wuez tueq.

DUNGWVNC 11:8

Moshe rueq bomc tvsuip jungx tueq kuex, “Mmiq vyungx vlaungx bix lotlaz ngaz kox nuex kaz vtueq, ngvy max nuex bumx vtueq nawk ruiux, ngvy miq htenc kuex shvlx laq vtueq kaz wvnc kuinz ngoz tueq tsuinghez rueq kvmenc jenc thoz kv-phuinx. Kvruex yimaq jix ngaz kaz wvnc taungx,” ngoz tueq jungx tueq. Kvkaq Moshe kuex hokhvmx waz kox maq thuinz tvkhaq vtueq dung kaz tueq.

ISAIA 43:4

Mnoz kuex ngvy tvkoc pinhtumc vhtawz tsanc hvlc rvtoq, ngaz rueq mnoz kuex lungwawx vtueq mnoz kuex tvtsanc nganc ningkhvnc nuex mrullungx palc wvnc tvkoc miqphvnx htenc kuex ngaz rueq lekuq phaungx.

ISAIA 45:14

Yehowa rueq Israel muex jungx tueq kuex, “Ejip nuiyc Ethiopi wawc tsak vnyvmx kuex mnoz rueq lvp wvnc shuiux, wvyungc wvloayc Seba miqsaz htenc kuex mdax muex yaungx tuex; tsuingshiq kuex yanx ruiuz maq buinc vtueq m-yix nuex phvnx shuex. Tsuingshiq kuex mmax nuex bumx vtueq mvrax kvjungc ruiux ‘Tishox kuex nuimshiq rulc vdvmz, vpiq vshiz dvyx Tishox rvtueq.

ISAIA 49:23

Hokhvmx bix kuex mnoz tvkoc vwaz tamx muex yaungx tuex; hokhvmx nyuiuz rulx kuex vnyuiuz tamx muex yaungx tuex. Tsuingshiq kuex mkhaungkac nuex bumx vtueq mnoz muex tvtsanc nganc shuex; tsuingshiq gvnz tvyomx vtueq mnoz muex tvtsanc nganc shuex. Kvkaq tsuingshiq rueq ngaz Yehowa rvtauk kuex tuiuz wuez shuex; ngaz rueq romc kuy tvkoc bvmc jix kuex washiz muinz thuinbac tuex rvmuq,” ngoz tueq.

ISAIA 60:14

Mnoz guirguenz wvnc tueq jix hez suiuz vsaz htenc kuex mnoz kox nuex kaz vtueq, Tsuingshiq rueq tvtsanc nganc yaq kuex tvkhic tvkoc bumx nawk wuez shuex. Kungkhux nuex mnoz muex wvlc guez ruez kv-phux hez rueq m-yaz phaungx nuex nawk palx wuez shuex. Tsuingshiq rueq mnoz ngoc, ‘Yehowa Ghaqyungx,’ ngoz tueq muinz, ‘Israel Vsawc Tishox Ghaqyungx, Zion’ ngoz tueq ngoz shuex.

John 17:23

Mnoz rueq ngaz tvkaz vtueq, mnoz rueq ngaz lungwawx phux ikhoc, tsuingshiq kvmuinz lungwawx vshuiux lvmz mungkawx miqsaz htenc rueq tuiuz laz juing, ngaz kuex tsuingshiq rulc httax ruiux, mnoz muinz ngaz rulc httax vtueq tsuingshiq kuex vshiz dvyx m-yaungx wvnc kueq.

Revelation 2:9

Mnoz rvhumc toq kuilc daz nuiyc htemc vrvmc ngaz rueq tuiuz yaq; yuq muinz vsuing mnoz rungwanx vtuiux! Yuda miqsaz rvtauk ngoz tueq kv-ngoc ruiux, Yuda miqsaz rvmuq jix miqsaz htenc rueq mnoz yomnamc yaq honc vbac shummarc bomc jungphvnx yaq kuex ngaz rueq tuiuz yaq; vsuing ngoz ruiux tsuingshiq kuex Satan phungc wawc miqsaz htenc rvtueq!

1 SAMUEL 2:36

Tvraungx httax yaq msuiuz msaz hez ukhaq muinz kvruex shomc waz kox kvyuq kaz vtueq, kuimphox sawx nox nuiyc phuiuz vsvy kuex kvmenc jenc thoz shuex, phvnx shishiz lvp phauk saq laz juing shomc waz bix muex romc kuy yauk shuimc kuex thoz wuez shuex.”