Mikha 1:2 - Hawa Naga Bible 2001

² Miq phvnx lotlaz lex, vruex tay shuinz; ghaq htauk nuex httaz jix lotlaz lex, vruex tay tvtsuingc shuinz! Johvlc Yehowa rueq nuimshiq vbac lvmz kuex hakhix tvkhic shuex. Tay tvtsuingc shuinz! Vpiq rueq raungmungx shomc yuimx maq kvjaz jungx yaq.

ASII LAKDAP Bible (BSI)

² Ara tairong laq, namshiq mangjong maiqphan wiita raq; Mangjonghiq na siti phiija wa lei, Ajong Thaq Na Ajong Tatiwe raq namshiq mitiishut wan she. Taironglaq, Tatiwe apaiq sichang, asii ramungtan noqkujam maq chongtlo.

Mikha 1:2 Referencias Cruzadas

1 HOKHVMX 22:28

Mikaia rueq, “Mnoz kuex vhvlx maq yek waung lvp tuiux ngoz ruiux yuq, Yehowa kuex ngaz maq raz tueq kvjak tuex rvmuq!” ngoz tueq ramc tueq. Piq rueq, “Miq ruip rawx lex, ngaz muex jungx yaq kvjaz kuex tay wuez shuinz!” ngoz tueq jungx yek tueq.

2 KAÜWA WERAÜ 18:27

Mikaia rueq, “Mnoz vhvlx maq yek waung tuiux ngoz ruiux yuq, Yehowa kuex ngaz maq raz tueq kvjaz jungx tueq rvmuq!” ngoz tueq ramc tueq. Piq rueq, “Miq ruip rawx lex ngaz rueq jungx vshaungx kuex tay wuez shuinz!” ngoz tueq ramc tueq.

Tvtsvmc 11:4

Yehowa kuex vpiq vsawc shomc yuimx nuex httax yaq; Raungmungx nuex vpiq hoc daungraungc httax yaq. Baung ruip saz nuex httax yaq miqsaz htenc kuex vpiq rueq lawc vtueq tsuingshiq rueq shuimx kaz yaq htenc kuex tuiuz yaq.

Tvtsvmc 24:1

Mungkawx nuiyc kvyuq httax yaq phvnx lotlaz kuex Yehowa laung rvtueq; ghaq nuiyc kvruex htauk nuex httax yaq lotlaz muinz vpiq laung rvtueq.

Tvtsvmc 28:2

Mnoz vsawc Shomc Yuimx kox nuex yauk tenz vtueq, romc kuy tvkoc thoz ruiux yuq ngaz rueq thoz phaungx kuex tay kuq koq.

Tvtsvmc 50:1

Tvphaungc Tvsuip Yehowa Tishox rueq jungx tueq; shaldungc maq shalx nyuip nuex httuiuc laz wawc mungkawx lotlaz kuex vpiq rueq gvl tueq.

Tvtsvmc 50:12

“Ngaz rvmc sac ruiux yuq phuiuz vsvy tvkoc ngaz rueq mnoz kox wawc thoz phaungx rvmuq, yvmx khoc lac ngoz ruiux lec mungkawx nuiyc kvyuq httax yaq phvnx ruip saz kuex ngvy laung rvtueq.

Tvtsvmc 50:7

“Ngvy miqsaz htenc lex tay shuinz, ngaz rueq kvjaz jungx vshaungx; Israel lex, ngaz rueq mnoz muex mvrax tvkhic hakhix tvkhic phaungx. Ngaz kuex Tishox, m-Tishox rvtauk.

TAKSU LAK 8:4

“Miq htenc lex, ngaz rueq nuim-shiq muex kvpiq nvyx jungx vphaungx; ghaq htauk nuex httax yaq miq tek vtueq ngaz rueq gvl vshaungx.

ISAIA 1:2

Yehowa rueq, “Ghaq nuiyc raungx lex, ngaz rueq yvmx lac jungx vshaungx kuex tay shuinz! Ngaz rueq vtvpez luz nosaz rulx rueq ngaz kuex khawx lvlx wuez yaq.

ISAIA 18:3

Ghaq htauk nuex httax yaq miq ruip rawx lex, tay wuez shuinz! Kankhux poz nuex tsomz shuex nganc dvmx kuex lawc wuez shuinz! Bolic thuic kuex tay tvtsuingc wuez shuinz!

ISAIA 50:7

Yuq muinz tsuingshiq rueq guirguenz phuex kuex ngaz nuex thuiuz muq, yvmx khoc lac ngoz ruiux lec Johvlc Yehowa rueq ngaz muex romc kuy ningkhvnc nuex rvtueq. Ngaz rueq nanx lot tvkoc tsanz dez maq tvhttax phuex. Ngaz kuex yvlc svy rvhumc taungx rvmuq,

JEREMIA 22:29

O ghaq vraungx lex, ghaq vraungx, ghaq vraungx lex! Yehowa rueq jungx tueq kuex tay shuiuz:

JEREMIA 29:23

Tsuingshiq rueq vhiz juing mvrax htenc rvtueq miqjuik miqsaz muex yaq nuiyc Yehowa muingc ruingc vtueq vrot vkaq kvjaz htenc jungx yaq mvrax htenc ningkhvnc nuex, kvruex kuex tsuingnueyc tvkoc vtvsuip shex yaungx wvnc tuex. Kvruex kuex Yehowa thuinroc lvmx khawc lvlc rvtueq; tsuingnueyc rueq shuimx wvnc tueq kuex vpiq rueq tuiux yaq ningkhvnc nuex vpiq kuex hakhix yaungx yaq. Yehowa rueq jungx tueq,” ngoz tueq jungx tueq.

JEREMIA 42:5

Kvruex yimaq tsuingshiq rueq ngaz muex, “Nuiyshiq tvkoc nuex Yehowa naungshiq Tishox rueq mnoz muex kuq kv-phux nvr kv-phux lotlaz kuex nuiyshiq rueq phvnx miq ngoz ruiux, Yehowa kuex nuiyshiq nuex vlvmx nuiyc tvmtuing hakhix m-yaungx kueq.

JEREMIA 6:19

Ghaq lex, tay shuiuz! Kvruex miq hez kuex ngvy kvjaz phvnx muq, ngaz rueq tvluing kuq koq tsuingshiq rueq tvdux gay tueq, kvkhoc rvtueq ngaz rueq tsuingshiq rvhumc aungx yaq thuimkux kuex tsuingshiq htauk nuex tvhttuiuc shaungx.

Jona 2:7

Ngvy thuiuzthuic pat wvnc vtuex shex ngoc juing nuex, O Yehowa lex, ngaz rueq mnoz kox wawc vjux thoz tauk, mnoz rueq ngvy thuic bomc kuex vsawc Shomc Yuimx maq tay toq.

Jona 2:8

Khuec guez yac yuimx htenc nawk palx jix hez rueq mhtauk nuex tvmtuing httaz lvmz lauk tuip gay wuez tueq.

HABAKUK 2:20

Yehowa kuex vpiq vsawc Shomc Yuimx nuex httax yaq; ghaq htauk wawc miq ruip rawx htenc kuex vpiq khaungkac nuex suinglix lix mhttax wuez kueq.

MALAKI 2:14

Nuimshiq rueq yvmx ngoz tueq lac vruex htenc kuex vpiq rueq lvmz muq shex rvlaq shvnx ngoz tueq wiz vshuinx. Kvruex kuex mnoz yalxrox yac nuex lvmz toq mtaungx nyuiuz muex kuq toq bomkhvmc kuex tvbac gay toq lvmz vpiq rueq tuiuz yaq ningkhvnc nuex rvtueq. Mtaungx nyuiuz kuex mkungjix nyuiuz rvtueq nuiyc piq nuex tvmtuing httax taungx ngoz tueq, Tishox mvnnuex bomkhvmc taq toq kuex mnoz rueq tvbac gay toq.

MALAKI 3:5

Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.

TRI CHONGKE 32:1

Raungx nuiyc ghaq lex, ngvy kvjaz vruex tay wuez shuinz, ngaz rueq yvmx khoc lac jungx vshaungx vnyek maq tay shuinz.

Revelation 2:11

“Siyac rueq phungc htenc nuex yvmx khoc lac jungx wvnc tvnx kuex, nac vhttax waz rueq mtay wvnc shueq! “Vtaungx wvnc jix waz kuex lauknueyc thueyc juing wawc luenx wvnc tuex.

Revelation 2:17

“Siyac rueq phungc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix muex vhttuiyq vruez shec manna wanx wvyvmc kuex ngaz rueq kuq shaungx. Tsuingshiq miq tek vtueq lungluiz kuex ngaz rueq kuq shaungx, kvruex lungpoz nuex wuiyq shec tueq muingc vnyalx kuex lungpoz lvp wvnc jix waz maq lvy vtueq vganc uraq muinz tuiuz muq.

Revelation 2:29

“Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq!

Revelation 2:7

“Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix waz muex Tishox sunc nuex httax yaq rullungx pulx jungx vthuey kuex svy lvp vkhangx ngaz rueq kuq shaungx.

Revelation 3:13

“Siyac rueq phungc htenc nuex yvmx khoc lac jungx yaq nguinx kuex nac vhttax waz rueq mtay wvnc shueq!

Revelation 3:22

“Siyac rueq phungc htenc nuex yvmx khoc lac jungx yaq nguinx kuex nac vhttax waz rueq mtay wvnc shueq!” ngoz tueq.

Revelation 3:6

“Siyac rueq phungc htenc muex yvmx lac jungx wvnc tvnx kuex nac vhttax waz rueq mtay wvnc shueq!

PHOWEBI 11:10

Tsuingshiq rueq muinz, “Nuiyshiq muinz raz naungx vphix. Yehowa kuex naungshiq hakhix yaungx yaq,” ngoz tueq tvralc tueq.