Mikha 1:2 - ASII LAKDAP Bible (BSI)

² Ara tairong laq, namshiq mangjong maiqphan wiita raq; Mangjonghiq na siti phiija wa lei, Ajong Thaq Na Ajong Tatiwe raq namshiq mitiishut wan she. Taironglaq, Tatiwe apaiq sichang, asii ramungtan noqkujam maq chongtlo.

Hawa Naga Bible 2001

² Miq phvnx lotlaz lex, vruex tay shuinz; ghaq htauk nuex httaz jix lotlaz lex, vruex tay tvtsuingc shuinz! Johvlc Yehowa rueq nuimshiq vbac lvmz kuex hakhix tvkhic shuex. Tay tvtsuingc shuinz! Vpiq rueq raungmungx shomc yuimx maq kvjaz jungx yaq.

Mikha 1:2 Referencias Cruzadas

1 HOKHVMX 22:28

Kiijiishe, “Ümniika hansang maq jang wan haü jiila, Tatiwe raq ngi lümaq chongmak dea ngushat miraq!” nguta Mika raq tiiphok tra chongto. Kiimaq apaiq raq akhiiri nguto, “Namshiq wiitarü raq tiitsang tai ronglaq, ngi raq jamlai wa chongkang kra!”

2 KAÜWA WERAÜ 18:27

Kiijiishe, “Ümniika hansang maq jang wan haü jiika, Tatiwe raq ngi lümaq chongmak ngushat,” nguta Mikaia raq agilülü maq chongto. Kiimaq apaiq raq bom ka akhü tiitsuqsaq nguto, “Ngi raq jamlai wa chongkang kra namshiq wiitarü raq tiitsang tai ronglaq!”

Tvtsvmc 11:4

Tatiwe ka apaiq asii shomjam na; apaiq hokham ngacho ka ramungtan na. Apaiq raq maiqse ka barap binrii wa liitlo kiimaq tsangshiq raq jamlai wa klotlaq kra wiita asap.

Tvtsvmc 24:1

Mangjonghiq nai kiijaq ümchuwa sitlaq kriika Tatiwe rii; hiqraikhü kiimaq kriithaq na jamlai wa sitlaq kriika apaiq rii.

Tvtsvmc 28:2

Ngi raq ümjaq wa khrum jaü hoqsiitiikang ara tailaq, ngi raq ümnaq asii Shomjam nü na ijaq dolata achu jaütiikang.

Tvtsvmc 50:1

Ningkun Ajong Shiikeawe, Tatiwe raq chongtlo; Apaiq raq mangjong tlotli shedong mung maq riita shenyap mung na saüli triitam heatlo.

Tvtsvmc 50:12

“Ngi ramtsi nguraü ka namshiq jaq wa dung jaüsea ngomin rarai mak, jamto ngukla mangjonghiq nai kiijaq sitlaq phanrap ka ngi rii.

Tvtsvmc 50:7

“Tairong laq, i senginok lei, ngi chongpha; ngi raq namshiq ma kha nyan tiikang, Israilnok lei. Ngi ka Shiikeawe, namshiq Shiikeawe.

TAKSU LAK 8:4

“Maiqse angu lei, ngi tiipaiqnea taironglaq; mangjong maiqse kunli ma chongtiikang.

ISAIA 1:2

Tati raq nguto, “Ra nai hiq lei, Ngi raq jam lai wa chongtiikang kra taironglaq! Nosere Ngi raq atiijonglu wanha thun raq ikiq khiitlo. Raüta iwokhong wa donghotlo.

ISAIA 18:3

Taironglaq, mangjong hiq na siti maiqse angu wiita raq! Pumkaütiim thaq na miithii tanglap ashi she mishong wan! Tiitsang taishat maq rekhat ho ma aranphan paison lerong tsütlo she!

ISAIA 50:7

Shatmaq tsangshiq raq ngi shummiitaq kra riika idü na tsimak; jamkhano ngukla Ajong Thaq Na Ajong Pinthum Tatiwe raq ngi khrumtlo. Ngi raq itsan tiithea lata nintiikang, Ngi raq asapha ngi ma jea ka tiingaü mak miraq.

JEREMIA 22:29

O ihiq khu lei, i ra khu lei, ihiq khu lei! Tai liilii, Tatiwe raq chongtlaq kra:

JEREMIA 29:23

Arka tsangnai kharii she. Jamkhano ngukla tsangnai raq ajiq pinthum ngarai tang wanto. Tsangnai ka maiqchak rai sra wanto. Kiimaq Tatiwe mang shaphaq raüta, arot bom chongto. Arka Tatiwe raq romak bom chongto. Tsangnai raq jamlai wa klotaq kriika apaiq raq asap. Apaiq ka tsangnai raq ashut klo wantaq kra chhiti kiimwe. Arka Tatiwe raq ngutlo.”

JEREMIA 42:5

Kiijiishe tsangshiq raq ngi ma nguto, “Riita naishiq raq ümnaq lümaq, naishiq ma jamlai phan aming wa kuqtlaq, kra langmai tlea hai jiila, Tatiwe apaiq riili she dea riikhaqli maq tsapkapkap raüta naishiq tiishut saqse mikuqlaq.

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

Jona 2:7

Ngi raq i tsitsü thum wan tlo nguta, sap wan kang. Kriikha maq ümjaq wa achu jaü kang. O Tatiwe lei, ümnaq asi Shomjam mong maq, ngi achu jaü tre kuq laü.

Jona 2:8

Khanhü phra sumla shomnoq wantibi ka, ümwokhong wa donghoto she.

HABAKUK 2:20

Shatmaq Tatiwe ka, asii shomjam na sitlo. Mangjong maiqse tlotli, apaiq man na sanglili sirong laq.

MALAKI 2:14

Apaiq raq ümnaq honglu ka jam nguto tao wan mak she nguta waitlaü. Jamkhano ngukla apaiq raq asap, ümniiraq ümchak, man na jero ji na alam haü kiima ümkiqkham akhakuq haü kra apan she riibaiq laü. Apaiq ka ümjamti-nyung shatmaq, ümniiraq apaiq ma, ümkiqkham jaqkhaq raü atiipa kuq haü ka apan she riibaiq laü. Ümniiraq Shiikeawe man na apaiq rai pumshi hanshi she mishong wan ha nguta kiq akham haü kra jin wan laü.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

TRI CHONGKE 32:1

“Hiq nai ra lei, ibomtsi ara tai ronglaq, ni tiitsii lanta ibom chong ara tai ronglaq.

Revelation 2:11

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tai rong laq! “Jurwa rekhat tang tlaq, kriiti ka thongnai tsai raq tiichamchao mak she miraq.

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.

Revelation 2:29

“Juwa ni asi, Asii Wenyi raq phungtuti ma tsii chongkuq tlaq ara tiitsang tai ronglaq!

Revelation 2:7

“Arkha maq chong tiikang, nam ni asi jiila, Asii Wenyi raq phungtuti ma tsii chongkuq tlaq ara, tiitsang tai rong laq! “Jurwa ara rekhat ara tang wan tlaq, kriiti sreabi ma, ngi raq Shiikeawe sonruk mong na rilung petsi chong sitlaq kiiwa atsi pansea miitu arang mikuq ha.

Revelation 3:13

“Arkha maq chongtiikang, nam ni asi jiila, Asii wenyi raq phungtuti ma tsii chongkuq tlaq ara tiitsang tairong laq!

Revelation 3:22

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq!”

Revelation 3:6

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tai rong laq!

PHOWEBI 11:10

Kiijiishe tsangshiq raq treto, “Tengto. Naishiq riimin kriidea ngutiikai. Tatiwe ka naishiq saqse.”