Mikha 1:1 - Hawa Naga Bible 2001

¹ Vruex kuex Yuda hokhvmx bix rvtueq Jotham, Ahaza nuiyc Hezekia hez guimz tueq tanc jauz, Yehowa rueq Moreshet ghaq jix Mika muex vkhoc bomjungc kuex kuq tueq. Yehowa rueq Samaria nuiyc Yerusalem nuex seng vtueq vruex khuec vlvmz htenc Mika muex tvkhic shec tueq.

ASII LAKDAP Bible (BSI)

¹ Hokhamwetiim Jotham, Ahaj, kiimaq Hejekia raq Juda mung na hokham jawan tlaq pat na, Tatiwe raq Moresheth chelati shammiwe Mika lümaq Samaria chela nai Jerusalem chela ka re raq mishthen baiq wan nguta riisham bom maq tiithaito.

Mikha 1:1 Referencias Cruzadas

2 HOKHVMX 15:32

Israel hokhvmx Remalia saz Peka rueq guimz lawc tueq wawc nueyc vngoz nuex, Uzia saz Jotham kuex Yuda hokhvmx muex yaungx tueq,

2 HOKHVMX 15:5

Yehowa rueq Uzia muex vshungx vshoyx thuiuz sac tvkop vtueq, piq vthueyc nuex httuiuc laz piq nuex kop tueq. Piq kuex yuimx vshiz nuex piq dvyx httax vtueq yauk shuimc kuex yvmx muinz gurx pix muq, vsaz Jotham rueq dvyx mungx kuex shuimx tueq.

2 HOKHVMX 16:1

Israel hokhvmx Remalia saz Peka rueq guimz lawc tueq wawc 17 nuex, Jotham saz Ahaza muinz Yuda hokhvmx yaungx tueq,

2 HOKHVMX 18:1

Israel hokhvmx El saz Hoshea rueq guimz lawc tueq wawc thuimx vngoz nuex, Ahaza saz Hezekia kuex Yuda hokhvmx yaungx tueq,

2 KAÜWA WERAÜ 28:1

Ahaza kuex piq rullungx wawc 20 nuex hokhvmx yaungx vtueq, Yerusalem nuex wawc 16 guimz lawc tueq. Piq kuex vjix vwaz Hokhvmx Dawid vhvlx lvmx layx kuex phvnx muq; kvkhoc phvnc tvraung, Yehowa rueq roc muq phvnx yauk shuimc kuex shuimx lvmz vtueq

2 KAÜWA WERAÜ 29:1

Hezekia kuex piq rullungx wawc 25 nuex Yuda hokhvmx yaungx tueq, Yerusalem nuex wawc 29 guimz lawc tueq. Vnyuiuz kuex Zecharia saz Abija rvtueq.

ISAIA 1:1

Vruex luik dvp nuex Yuda hokhvmx bix rvtueq Uzia, Jotham, Ahaza nuiyc Hezekia pat nuex Yuda mungx Yerusalem nuex seng vtueq Amoza saz Esaia kox nuex httuiuc kaz tueq Tishox bomjungc rvtueq.

ISAIA 1:2

Yehowa rueq, “Ghaq nuiyc raungx lex, ngaz rueq yvmx lac jungx vshaungx kuex tay shuinz! Ngaz rueq vtvpez luz nosaz rulx rueq ngaz kuex khawx lvlx wuez yaq.

ISAIA 7:1

Uzia suiuz, Jotham saz Hokhvmx Ahaza rueq Yuda mungx guimz lawc tueq nuex ralx rulc rvlungc tueq. Siria hokhvmx Rezin nuiyc Remalia saz Israel hokhvmx Peka rueq Yerusalem kuex khvt kaz tueq, yuq muinz khvt taungx muq.

ISAIA 7:9

Israel kuex Samaria mungx nuiyc kvruex ghaqyungx htauk nuex jvnc vtueq hungc vguez, Samaria mungx kuex hokhvmx Peka tanc khvnc hungc vguez. “Mkhoc shoc maq mnoz kvmluimx thuinz phaungx muq ngoz ruiux kuex, mnoz ngaungx lot tuiux rvmuq.”

JEREMIA 26:18

“Yuda hokhvmx Hezekia hokhvmx yaungx tueq nuex, Moreshet ghaq jix shvmmax Mika rueq miq lotlaz muex Tvphaungc Tvsuip Yehowa rueq jungx tueq, ‘Zion kuex nax htuz gay shix ikhoc htuz gay shuex; Yerusalem kuex lung phungc yaungx wvnc tuex, Shomc Yuimx ghaq luimx kuex luingx vlak muex yaungx wvnc tuex,’ ngoz tueq jungx tueq.

Hosea 1:1

Vruex kuex Yuda hokhvmx htenc rvtueq Uzia, Jotham, Ahaza nuiyc Hezekia hez rueq guimz tueq baunglaung Jehoash saz Jeroboam kuex Israel hokhvmx yaungx tueq nuex Beri saz Hosea muex kuq tueq Yehowa bomjungc rvtueq.

Hosea 4:15

“Nuimshiq Israel miqsaz kuex ngaz nuex tvmtuing httax muit yuq muinz, Yuda mungx jix rueq kvkhoc phvnx mvrax kuex shuimx muq mruez shueq. Gilgal ghaqyungx, rvmuq ngoz ruiux Bethawen ghaqyungx nuex nauk nawk palx kaz, vtvraungx httax yaq Yehowa muingc maq bomkhvmc nauk taq kaz.

Hosea 8:14

“Israel miqsaz rueq hoc htenc guirx tueq, yuq muinz tsuingshiq hoc Guirc kuy jix Waz kuex vlauk rvgay tueq. Yuda miqsaz rueq ghaqyungx palx ruk kuex ruk wuez tueq. Yuq muinz ngaz rueq wvr tvkaz vtueq tsuingshiq hoc htenc nuiyc ghaqyungx htenc kuex tvkhamc gay shaungx.”

AMO LUIK DVP (AMOS) 1:1

Vruex kuex Tekoa ghaq wawc khelbuenx remc jix waz Amo rueq vjungx kvjaz rvtueq, Uzia kuex Yuda hokhvmx yaungx ruiux Jehoash saz Jeroboam kuex Israel hokhvmx yaungx tueq pat, gaqyung mux jauz wawcnueyc max kox nuex Tishox rueq Amo muex romzyac tvkhic htenc maq Israel nuex seng yaq vruex bomc htenc kuex kuq tueq.

AMO LUIK DVP (AMOS) 6:1

Nuimshiq tvkoc Zion nuex vkhoc vpiauc vliauc httaz lvp jix bix, Samaria mungx nuex kvwungx httaz jix bix, mungx miqsaz htenc rueq kvmenc jenc yaq jix bix, miqphvnx wawc vyungx vluz rvtuit Israel miqsaz lex nuimshiq nuex kvhiz juing yaungx wvnc tuex!

Mikha 1:5

Israel yaq tueq mvrax nuiyc Tishox muex khawc lvlc ningkhvnc nuex vruex lotlaz yaungx wvnc tuex. Israel rueq khawx lvlx tueq laung nuex ukhaq muex mvrax tvgurc juing lac? Samaria Ghaqnyuiuz jungx rvtueq rvmuq haz! Yuda mungx nuex yac yuimx nawk tueq layx wawc mvrax lvp jix waz kuex ukhaq lac? Yerusalem ghaqnyuiuz jungx rvtueq rvmuq haz!

Mikha 3:9

Tvrac vlvmz kuex shuiuc pac vtueq vlvmz wawc vyaq nuex kvroz wvnc jix Israel nuimshiq guimz lawc bix lex, ngvy kvjaz kuex tay shuinz.

HABAKUK 1:1

Vruex bomjungc kuex Yehowa rueq shvmmax Habakuk muex vtvkhic kuq lvmz htenc rvtueq.

2 Peter 1:21

Yvmx khoc lac ngoz ruiux lec mruex jix shvmmax rueq vjungx wvnc ngoz ruiux muinz, miqsaz thuinroc maq yaungx dung wvnc tueq rvmuq, Vsawc Siyac rueq honc tvsvmc kuy rvhumc jix rueq dvyx Tishox kox wawc vkaz bomjungc kuex jungphvnx kuq yaq.