Mikha 1:3 - Hawa Naga Bible 2001

³ Yehowa kuex vpiq vsawc baung maq kaz vtueq; kankhux htenc htauk nuex khuemx tuex.

ASII LAKDAP Bible (BSI)

³ Tatiwe ka apaiq sichang asii jam maq satho tloshe. Raüta pum khu thun thaq na mikhum.

Mikha 1:3 Referencias Cruzadas

YOBA 40:12

Rvtueq, kvruex hez kuex lawc tvtsuingc vtueq tvyomx shuiuz; layx bac jix hez kuex tsuingshiq jvp yaq kvyuq rop nuiuz gay shuiuz.

Tvtsvmc 115:3

Naungshiq Tishox kuex raungmungx nuex httax yaq; vpiq thuinroc yvmx yuq muinz vpiq rueq shuimx kaz yaq.

ISAIA 25:10

Yehowa rueq Zion Kanx kuex tvwungx shuex, yuq muinz Moba miqsaz htenc kuex, tsvmkuiz kuex ngac diq nuex nyet nuiuz gay yaq ikhoc nuiuz gay rvhumc tuex.

ISAIA 26:21

Yehowa rueq ghaq wawc miqsaz htenc rueq vshuimx mvrax htenc tvkoc nuex murx tvgurc yaq, vpiq kuex raungmungx vhttaz juing baung kvmaq kaz yaq. Ghaq htauk nuex miqsaz thuiuzthuic vyumx maq thvy gay jix htenc kuex kvkhic wvnc tuex, ghaq kuex kvkhoc thvy gay rvhumc jix hez kuex raungluingx saz muinz httuiyq puiuc taq shuex rvmuq.

EJEKIEL 3:12

Kvruex yimaq Tishox siyac rueq ngaz kuex tenz wvnc vtueq, ngvy yix kox nuex, “Raungmungx Yehowa ngauz vngax kuex tvtsvmc shuiuz!” ngoz tueq raungmuk ikhoc yunghvlc tvruingc kuex ngaz rueq tay tauk.

AMO LUIK DVP (AMOS) 4:13

Tishox kuex kanx htenc tvhungx jix waz ningkhvnc nuex raungguil kuex tvdung sung tueq. Vpiq rueq vpiq kvmungx kuex miq htenc muex tvtuiuz yaq; vpiq rueq raungnuiyq kuex raungwvrx nuex layc gay tueq. Vpiq kuex ghaq htauk vjoz nuex khuemx yaq. Vruex kuex vpiq muingc rvtueq: Tvphaungc Tvsuip Yehowa Tishox rvtueq!

AMO LUIK DVP (AMOS) 9:5

Tvphaungc Tvsuip Johvlc Yehowa rueq ghaq kuex htuinc heq koq tueq, kvruex kvkhuirc rvtueq; kvyuq httaz jix lotlaz khoarsez wuez yaq. Mungkawx lotlaz nuex Nile Ruilx ikhoc puingx wvnc vtueq ruic wvnc tueq.

HABAKUK 3:19

Johvlc Yehowa rueq ngaz muex hungc vlaungc kuq phuex. Vpiq rueq ngaz kuex jaw ngic huk ikhoc tv-phaungx kuq vtueq, ngaz kuex kanx htenc htauk nuex tvkhup tvwungx taq phuex.

JEKERIA 14:4

Kvkaq vpiq kuex Yerusalem maq shaldungc kox Olip Kanx nuex jvp tuex. Kvkaq Olip Kanx kuex shaldungc kox maq shalx nyuip kox nuex httuiuc laz vnueyc muex khoz wvnc vtueq yunghvlc warc tvnx vshiz muex yaungx wvnc tuex. Kanx kholak kuex ghaqkhux kox nuex, kholak kuex ghaqyaz kox nuex kvhttot wvnc tuex.

TRI CHONGKE 32:13

“Vpiq rueq tsuingshiq muex kuz vkanx vjoz htenc kuex tvguimz kuq ruiux, nax wawc dung yaq vthuey vngoz kuex tv-phauk saq tueq. Tsuingshiq rueq lung rauk wawc nyaq nguirx kuex humc tueq; lung phawx rawx htenc nuex olip jungx htenc kemz yaq.

TRI CHONGKE 33:29

Israel lex, nuimshiq nuex thuinhvlx yaq! Yehowa rueq nuimshiq kuex palc wvnc ningkhvnc nuex nuimshiq kuex vganc phvnx rulc rv-ngvlc muit. Yehowa vpiq rueq nuimshiq kuex tvkhup wungx vtueq, lot laungc wvnc juing kuq yaq nuimshiq kvwungx juing lak nuiyc yaung rvtueq. Nuimshiq ralx htenc kuex menjenc kuy tvkoc thoz ruiux yuq, kvkaq nuimshiq rueq tsuingshiq kuex tvrul nyet nuiuz gay shuinx.