Mikha 1:4 - Hawa Naga Bible 2001

⁴ Kvruex yimaq kanx htenc kuex vpiq khung kvyuq wvr wawc rvpshuirx ikhoc yuimx wvnc tuex; ghaqluimx wawc kaz yaq yuix khvmx phuk ikhoc tsuingshiq kuex warc tvnx nuex kvruiuc dvy wvnc tuex.

ASII LAKDAP Bible (BSI)

⁴ Raüla pum thun kra, simi wakii thun, wa raq jowan tlaq ikha wiita mijam wan, raüta pum heawea jüwii thun ka jüchhang watlaq ikha milüm wan.

Mikha 1:4 Referencias Cruzadas

Tvtsvmc 46:6

Miq phvnx htenc kuex hiyaz kvkhuirc wuez yaq; Tishox rueq raungx tvmuk koq tueq ghaq kuex vyuimx rvwvnc tueq.

Tvtsvmc 68:2

Vpiq rueq tsuingshiq kuex wvr khuiuq pvnx wvnc yaq ikhoc yurc gay tueq; nyaq rvp kuex wvr khaungkac nuex yuimx wvnc yaq ikhoc layx bac jix htenc kuex Tishox khaungkac nuex thueyc mvy wvnc tueq.

Tvtsvmc 97:5

Ghaq lotlaz muex Taungjix waz ngoz yaq Yehowa khaungkac nuex kuz vkanx htenc kuex rvp ikhoc yuimx wvnc tueq.

AMO LUIK DVP (AMOS) 9:5

Tvphaungc Tvsuip Johvlc Yehowa rueq ghaq kuex htuinc heq koq tueq, kvruex kvkhuirc rvtueq; kvyuq httaz jix lotlaz khoarsez wuez yaq. Mungkawx lotlaz nuex Nile Ruilx ikhoc puingx wvnc vtueq ruic wvnc tueq.

NAHUM 1:5

Yehowa khaungkac nuex kanx htenc kuex kvbuilc wuez tueq; ghaq luimx htenc muinz vyuimx rvwvnc tueq. Yehowa svt kaz ruiux yuq gaqyung mux vtueq; mungkawx nuiyc miqsaz lotlaz kuex hiyaz kvkhuirc wuez yaq.

HABAKUK 3:10

Mnoz kuex khiz vtueq kuz vkanx htenc kuex kvkhuirc tueq; raungwawc yuix htenc kuex kvruiuc dvy wvnc tueq. Ghaq khung wawc yuix htenc kuex thuirx tvruingx vtueq, kvruex yuix daungx htenc kvtenc duiz wvnc tueq.

HABAKUK 3:6

Vpiq jvp ruiux yuq, ghaq kvbex yaq; rvmak laz lawc koq tueq miqphvnx htenc hiyaz kvkhuirc wuez tueq, pattup pat-sac kuz vkanx htenc kuex bunx wvnc vtueq; mkaq muinz httax yaq ghaqluimx htenc, mvnnuex maq phuex vpiq khuemx juing ghaqluimx htenc htuip wvnc tueq.

JEKERIA 14:4

Kvkaq vpiq kuex Yerusalem maq shaldungc kox Olip Kanx nuex jvp tuex. Kvkaq Olip Kanx kuex shaldungc kox maq shalx nyuip kox nuex httuiuc laz vnueyc muex khoz wvnc vtueq yunghvlc warc tvnx vshiz muex yaungx wvnc tuex. Kanx kholak kuex ghaqkhux kox nuex, kholak kuex ghaqyaz kox nuex kvhttot wvnc tuex.

Revelation 20:11

Kvruex yimaq vluiz hoc daungraungc vyungx vshiz muinz, kvruex yuq ngaungc yaq waz kvmuinz ngaz rueq khiz tauk. Vpiq khaungkac nuex ghaq nuiyc raungmungx kuex moz wvnc vtueq kvruex nueyc kuex khiz mauk shex.

PHOWEBI 5:4

Yehowa lex, Seira kanx laungx htauk maq mnoz dung kaz vtueq, Edom hong maq kaz wvnc toq nuex ghaq kvbuilc vtueq raungx maq raungyunx tueq. Rvtueq, phuemx daungx htenc maq yuix svrc kaz tueq.