Matthew 6:5 - Hawa Naga Bible 2001

⁵ “Mnoz rueq vjux thoz ruiux yuq kvyonc yuk jix miq ikhoc nauk kvyaungx shaungx kaz! Tsuingshiq kuex miq rueq khiz laz juing ngoz tueq, vjux thoz juing baung htenc nuex nuiyc lvmx heq htenc nuex jvp vtueq vjux thoz kuex raungc raq yaq. Nuimshiq muex ngaz rueq vsuing jungx ix, tsuingshiq rueq yauk mauk vlvp lvy wuez shex.

ASII LAKDAP Bible (BSI)

⁵ “Namshiq raq ümtiikiiwa achu jaü tlan akhing na, mongnam nok raq jaü tlaq ikhiika, naq jaü rongkiq! Tsangshiq riika sinagok maq nai lamkii na chap raü raüta, maiq raq michhi laq nguta achu jaü tlo. Namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Muklom

⁵ “Nim aa romtam chu inn jo, takhi eq somtey tang mal nak som inn. Ning aa miq ma takhi rangma, synagogue na etho miq lam kang na lang eq romtam chu aa. Nga nim ma asing batphang, ning aa jaksom thang thaji jin kap sey ta.

Matthew 6:5 Referencias Cruzadas

Tvtsvmc 5:2

Ngvy Tishox nuiyc hokhvmx waz lex! Romc kuy tvkoc ngvy guyc sez tvruingc kuex tay shuiuz, O Yehowa lex, ngaz rueq mnoz kox wawc vjux thoz vphaungx;

Tvtsvmc 55:17

Raungnvp, raungnuiyq shalhtungx nuiyc raungyac htenc nuex ngaz rueq jungc tvtay nuiyc kvbot nyvnx kuex vpiq kox nuex httuiuc waung vtueq vpiq rueq ngvy thuic kuex tay lvp shuex.

TAKSU LAK 15:8

Yehowa rueq miq hvlx jix htenc vjux thoz yaq bomc kuex raungc raq yaq, yuq muinz layx bac jix htenc rueq vlvmz laq shomc nawk kuy juing htenc kuex vpiq rueq shuiuc yaq.

TAKSU LAK 16:5

Tuluimc thuinz httax yaq miq ruip rawx kuex Yehowa rueq shuiuc yaq; tsuingshiq muex murx tvgurc yaq kvwawc mkaq muinz vpiq rueq tvdung wvnc shuex rvmuq.

ISAIA 1:15

“Nuimshiq rueq yauk phac tv-phop vtueq vjux thoz shuinx nuex, ngaz rueq nuimshiq kuex lawc phaungx rvmuq. Nuimshiq rueq mtanc dvyx thoz ruiux muinz, ngaz rueq tay kuq phaungx rvmuq, yvmx khoc lac ngoz ruiux lec nuimshiq yauk htenc nuex tvguiy kawp yaq.

JEREMIA 29:12

Kvruex yimaq nuimshiq rueq ngaz gvl phuinx. Nuimshiq kuex ngaz kox nuex kaz vtueq vjux thoz shuinz, ngaz rueq nuimshiq muex tvralc phaungx.

DANIEL 6:10

Kvkhoc tvdvy tueq bomc kvyuq sohic htuing tueq kuex Daniel rueq tuiuz vtueq, yuimx nuex waung wvnc tueq. Piq yuimx raunghtauk khok Yerusalem kox nuex vtvmuiz katvnc puc htenc httax yaq. Kvruex yuq piq rueq mkaq muinz shuimx ruiux yaq rulc rv-ngvlc, katvnc puc htenc daz shec tueq kvyuq nuiyq shiz nuex lauk thuimx kuix tsvrung nuex bumx vtueq Tishox kox wawc vjux thoz tueq.

Matthew 21:22

Nuimshiq rueq kvmluimx thuinz maq vjux thoz ruiux yuq thoz shuinx lotlaz kuex lvp wvnc shuinx,” ngoz tueq tsuinghez muex jungx tueq.

Matthew 23:13

“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.

Matthew 23:5

Tsuingshiq rueq shuimx yaq yauk shuimc phvnx ruip saz kuex miq rueq khiz laz juing ngoz tueq shuimx yaq. Tsuingshiq khaungx nuex nuiyc yauk phumz nuex rumvrc bomc poz vwuiyq tvkop taq hanphax phux yunghvlc hvlc tvhungx guirx vtueq paungc yaq kuex lawc shuinz! Tsuingshiq svmhung hungyungx htenc nuex vnac wuinx kuex loayc hvlc hvlc raz tueq tvwuirx wawz kuk svmx yaq.

Matthew 23:6

Moalx wawc vhvlx pinhtumc ngaungc chuing baung nuex nuiyc vjux thoz juing baung htenc wawc vhtak vruez ngaungc chuing htenc kuex raungc raq wuez yaq;

Matthew 6:1

“Nuimshiq rueq yvmx lac shuimx shuinx kuex miq htenc rueq mkhiz shueq ngoz tueq mungx miqsaz htumc nuex yauk noalc kuq muit tvkoc honc lvmz wuez shuinz. Kvkhoc rvmuit ngoz ruiux kuex raungmungx nuex httax yaq nuimshiq Waz kox wawc yvmx yauk mauk muinz lvp muit rvshuinx.

Matthew 6:16

“Nuimshiq rueq phuiuz svy mamc ruiux yuq kvyonc yuk jix miq ikhoc htvlx tvyuiuq shvmx nauk tvkhic kaz. Tsuingshiq kuex miqmac rueq phuiuz svy mamc yaq lvmz tvkhic roc vtueq, tsuingshiq htvlx kuex tvyuiuq wuez yaq. Nuimshiq muex vsuing jungx ix, tsuingshiq rueq miqmac yauk mauk kuex vlvp lvy wuez shex rvtueq.

Matthew 6:2

“Kvkhoc rvtueq rax thuiyc yaq miq vshiz muex mnoz rueq phvnx shishiz kuq noalx ruiux kuex naungnuk rueq ikhoc nawk palx yuimx nuiyc lvmx htenc nuex miqmac shauk vgvnz kvkhic laz bolic nauk tuimz kaz. Tsuingshiq kuex miq rueq tvtsanc nganc tvkoc kvkhoc shuimx yaq. Ngaz rueq nuimshiq muex vsuing jungx kuq ix, tsuingshiq rueq yauk mauk vlvp wuez shex.

Matthew 9:38

Kvkhoc rvtueq piq tsvmz ruix nuex yauk shuimc jix miq tvkay kuy tvkoc tsvmz taungjix waz kox wawc vjux thoz wuez shuinz,” ngoz tueq jungx tueq.

Mark 11:25

Nuimshiq jvp vtueq vjux thoz shuinx nuex, miq vshiz shiz rueq nuimshiq muex vyaq kuq mvrax httax ruiux yuq, kvruex dawc kuq shuinz, kvkhoc ngoz ruiux jix raungmungx wawc nuimshiq Waz rueq nuimshiq mvrax kuex dawc kuq kv-phuinx.”

Mark 12:38

Kvkhoc vpiq rueq tsuingshiq muex tvluing kuq yaq lvmx maq, “Tvrac tvluingc waz hez muex honc lvmz hvt rvshuinz, tsuingshiq kuex svmhung hungluz svmx vtueq khuemc shamc roc yaq nuiyc boyat htenc maq tvtsanc nganc kuy lvp roc wuez yaq.

Luke 11:43

“Pharise nuk lex, nuimshiq kuex kvhiz juing lvp tuit! Vjux thoz yuimx htenc wawc raungc hvlc ngaungc chuing nuiyc boyat htenc maq miq rueq tvtsanc nganc kuy kvruex raungc raq vshuinx.

Luke 18:1

Kvruex yimaq Yesu rueq mkaq muinz vjux thoz vtueq thuinbac muq mruez kueq ngoz tueq, sangac bix muex bomc tv-ngvlc vshiz maq tvluing jungx kuq tueq.

Luke 18:13

“Yuq muinz muinghic jix waz kuex vluz maq dvyx jvp vtueq, raungkox nuex muinz lawc khvmc muq maq vkhuiuq nuex kvwungc vtueq, ‘Tishox lex, mvrax vhttax waz ngaz muex menjenc kuq koq!’ ngoz tueq thoz tueq.

Luke 20:47

mvntix nyuiuz tamx yuimx kuex tvrax muq maq nyvlc wvnc vtueq, miq muik lawc nuex vjux loayc hvlc thoz yaq! Tsuingshiq rvhumc juing murx kuex songhvlc rvtueq!” ngoz tueq jungx tueq.

Luke 6:24

“Yuq muinz luiz waungx jix htenc lex nuimshiq kuex kvhiz juing httax yaq; yvmx khoc lac ngoz ruiux lec majuiuc pat nuex nuimshiq kuex piauc hvlc httax vtuinx!

John 16:24

Majuiuc nuex httuiuc laz nuimshiq rueq ngvy muingc maq yvmx muinz thoz muit dvyx doc, nuimshiq kokez juing mvrc laz lvp tvkoc thoz wuez shuinz, nuimshiq rueq thoz shuinx kvkhoc lvp wvnc shuinx.

Ephesians 6:18

Tishox kox wawc romc kuy lvp wvnc shuinz, vjux thoz vtueq vruex lvmz lotlaz kuex shuimx wuez shuinz. Siyac rueq shunshvlx yaq rulc rv-ngvlc mkaq muinz vjux thoz shuinz. Kvkhoc rvtueq honc lvmx hvt httax kuinz, kvmc thuinz httax wuez kuinz, mkaq muinz Tishox miqsaz tvkoc vjux thoz wuez shuinz.

1 Thessalonians 5:17

Thauk muit maq vjux thoz shuinz,

James 4:6

Yuq muinz naungshiq muex Tishox rueq vkuq kejux kuex pinhtumc hungc vlaungc yunghvlc. Rumvrc luik nuex, “Tishox rueq kvsomc parc ngamc ngax jix waz muex tuingshaung kuq gay ruiux, thuinz tv-nyenc jix muex kejux kuq yaq,” ngoz tueq jungx shec tueq.