Matthew 6:5 - Muklom

⁵ “Nim aa romtam chu inn jo, takhi eq somtey tang mal nak som inn. Ning aa miq ma takhi rangma, synagogue na etho miq lam kang na lang eq romtam chu aa. Nga nim ma asing batphang, ning aa jaksom thang thaji jin kap sey ta.

ASII LAKDAP Bible (BSI)

⁵ “Namshiq raq ümtiikiiwa achu jaü tlan akhing na, mongnam nok raq jaü tlaq ikhiika, naq jaü rongkiq! Tsangshiq riika sinagok maq nai lamkii na chap raü raüta, maiq raq michhi laq nguta achu jaü tlo. Namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Hawa Naga Bible 2001

⁵ “Mnoz rueq vjux thoz ruiux yuq kvyonc yuk jix miq ikhoc nauk kvyaungx shaungx kaz! Tsuingshiq kuex miq rueq khiz laz juing ngoz tueq, vjux thoz juing baung htenc nuex nuiyc lvmx heq htenc nuex jvp vtueq vjux thoz kuex raungc raq yaq. Nuimshiq muex ngaz rueq vsuing jungx ix, tsuingshiq rueq yauk mauk vlvp lvy wuez shex.

Matthew 6:5 Referencias Cruzadas

Matthew 21:22

Nim aa kam eq chamlang chu nin, eshi tang thaji sha ukap eq nin.”

Matthew 23:13

“Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa miqtang ma rangmungtan náng wáng lam sha sakchak inn. Nim tho rangmungtan náng nop min, etho uwangtey sha tho thanop min.

Matthew 23:5

Ning aa chamtan jaksom sha miq dak ma takhi rangma som aa, ning aa Asang likwit lik ka khatlo jakna etho khang na ajong eq khak aa etho ning aa khat bal tha thalo aa.

Matthew 23:6

Ning aa phaksat ma jaqhal haq, etho synagogue tang o jaqhal tong ching sha bi aa.

Matthew 6:1

“Miqtang ma takhi ma jaqhal jak somlot nak som inn. Eshimal som inn jo miq eq nim ma jaqhal ta raaq phanin, etharin mungtan na tongtey nim Wa ching wang chamtho jaksom thang kap min angnin.”

Matthew 6:16

“Nim wokcham tong inn jo, takhi eq somtey mal nak tong inn. Ning aa miq ma takhi rangma, thalkho tasang hung aa tong aa. Nga nim ma asing batphang, ning aa jaksom thang thaji jin kap sey ta.

Matthew 6:2

“Nim aa miq ma chamli lang ko inn jo, takhi eq somtey tang mal synagogue nia miq lam o takhi eq nak som inn. Ning aa miqtang jakho o rapney aqhal miq ta takhi ma irimal somlo aa. Nga nim ma batphang, ning aa jaksom thang thaji sha kap sey ta.

Matthew 9:38

Ahan jaksomlot tey miqtang thok rangma cham taqhantey tangteywa ching wang chu inn.”

Mark 11:25

Etho nim romtom chu rangma tong inn jo, chamtey tey nim ma jashit kap ajo tho, piq shi tol eq chak inn, eshimal ang ajo mungtan na tongtey nim Wa atho, nim ngarey sha tolchak eq phanin.

Mark 12:38

Jesu aa ning ma tatal kot kam tho, ira tho ubat eq ta, “Thong tataltey wa tang wang rangtun eq tong inn. Ning rapney jaqhal alo khat sam eq tangwang sangching na, thaji miqtang aa cham rangka phita lingqhing aa.

Luke 11:43

“Phorisi tang, nim rangma chamtan tsamnang aa! Nim aa Synagogue na jaqhal tongching kap ma etho tangwang sangching tang na rangka phi ta tathin inn.

Luke 18:1

Jesu aa ujiphantey tang thima salwet romtam chuk ching etho baluk o tho tinjung náng moq angma tatal ma ashey raaqshiton bat kota.

Luke 18:13

Etharin, eshi phunta qhekteywa tha alo na lang eq, mungtan chingko náng tun siin hung aa, utik tho tiip eq batta, ‘Shkewa, nga ngarey miq, nga ma tinshit phu!’”

Luke 20:47

Ning aa notinu tang lik aa ngin sha junnam eq dipkup aa, etho takhi ma rapney alo lo hal romtam chu kot aa. Ning sha thaji pheywang eq jashit tsamnang na!”

Luke 6:24

Etharin thanga bara tanglom tang rong ang aa ning shima ahal sey angna, chammatakoi ning chamtan jaqhal tongching tha jin tong sey angta.

John 16:24

Thanga náng thula nim aa imiing o chamtho chu min. Nim sungrang tahom ma chu inn etho nim aa ukap eq nin.”

Ephesians 6:18

Thaji rangham na Tsija o thaji raaq ma romtam chu inn. Ethirangma rangtun eq tong inn etho baluk o tho kam shi nak shing chak inn; Shkewa miqtang rangma salwet romtam chu inn.

1 Thessalonians 5:17

Salwet romtam chu ro eq inn.

James 4:6

Etharin Shkewa ahan ráng manchan ko aa; eshi tungkang o ira thawit aa, “Shkewa tharangkatey sha miiksuk aa, etharin tinintey ma ráng manchan ko aa.”