Matthew 6:5 - ASII LAKDAP Bible (BSI)

⁵ “Namshiq raq ümtiikiiwa achu jaü tlan akhing na, mongnam nok raq jaü tlaq ikhiika, naq jaü rongkiq! Tsangshiq riika sinagok maq nai lamkii na chap raü raüta, maiq raq michhi laq nguta achu jaü tlo. Namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Hawa Naga Bible 2001

⁵ “Mnoz rueq vjux thoz ruiux yuq kvyonc yuk jix miq ikhoc nauk kvyaungx shaungx kaz! Tsuingshiq kuex miq rueq khiz laz juing ngoz tueq, vjux thoz juing baung htenc nuex nuiyc lvmx heq htenc nuex jvp vtueq vjux thoz kuex raungc raq yaq. Nuimshiq muex ngaz rueq vsuing jungx ix, tsuingshiq rueq yauk mauk vlvp lvy wuez shex.

Muklom

⁵ “Nim aa romtam chu inn jo, takhi eq somtey tang mal nak som inn. Ning aa miq ma takhi rangma, synagogue na etho miq lam kang na lang eq romtam chu aa. Nga nim ma asing batphang, ning aa jaksom thang thaji jin kap sey ta.

Matthew 6:5 Referencias Cruzadas

Tvtsvmc 5:2

Khrum laq nguta hoqsii tiikang ara tailaq, i Shiikeawe kiimaq i hokhamwe lei! O Tatiwe lei, ngi raq ümjaq wa achu jaütiikang;

Tvtsvmc 55:17

Ranap na, ranaiq shethung na, kiimaq rawa na ngi raq shoktiikang kiimaq hannyi tiikang thun ka apaiq phana ra na wawantlo, krai mren apaiq raq ibom ka mitai.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

TAKSU LAK 16:5

Tatiwe raq, kumrong kumraq maiqse ka, pinthum tsaihaitlo. Apaiq raq tsangshiq ka weshi min, tiichamchaohü maq tiihang mak miraq.

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

JEREMIA 29:12

Kiitiikaq namshiq raq ngi mihea han. Namshiq ka iphana wa lanta, Ngi jaqwa achu mijaü han. Kiimaq Ngi raq namshiq achu jaü ka mitreha.

DANIEL 6:10

Riita, Daniel raq kra aming ka khatto she nguta tho lapto. Apaiq ka ajam na wawanto. Raüta apaiq jam rathong khok na kitanpu thun kilü tlinshat asi riito. Kra kitanpu thun ka Jerusalem chela nü na tiinyi raqraq riito. Kitanpu thun tlin shat kiijaq walili raüta, rahinjaq ratili na jamkho achu jaütlaq kiikha, ranaiqshi na jangtsamtsam kaütsrong na nga raüta Shiikeawe jaq wa achu jaüto.

Matthew 21:22

Namshiq raq Shiikeawe ma riikhaqli maq kam lanta achu jaü han jiila, jamlai phan miitu wa achu jaü tlan, kriika namshiq ma miklo kuq.”

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Matthew 23:5

Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

Matthew 23:6

Tsangshiq raq poi awii ranaiq akhing na welare ngachang thun kra lamlam rit raüta ngatlo. Kiimaq sinagok thun na Shiikeawe shomnoq akhing na shiilangbi ngachang pong na atiitsang athü kriijaq ngawa kli lungwii tlo.

Matthew 6:1

“Namshiq raq nokwe ma tiichhi ma nguta, ‘mitting jaq sham’ ka naqsham rongkiq. Namshiq raq akha nokwe makki na tiichan ne lanta sham han jiila, ramungtan na siti nam We jaq wa poksi lap chang ka ahü she miraq”

Matthew 6:16

“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.

Matthew 6:2

“Arkha maq ümtiikiiwa ümnii- raq chamchao maiqse ma khrum jaqmiiq kuq tlaü akhing na mongnam nok raq chiiriim raüta sinagok maq nai chiiheawea maq nokwe raq michhi laq nguta kuqtlaq ikha naq kuqkiq. Tsangshiq raq akha klotlaq arka maiq raq tsangshiq ka mishom ra laq nguta klotlo. Ngi raq namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Matthew 9:38

Wakchongti we jaq wa achu li jaü wan lili rong laq, apaiq raq tsamjutti maiq ka apapa she tiq mitiiki laq,” nguta ajaqshisetiim ma chongkuqto.

Mark 11:25

Kiimaq ümtiikiiwa, namshiq raq achu jaütlan na, tsan na kongti weshi ra rai tsan riibi asi nguta tiido kiiphan la, kra mra ka adü riibaiq ronglaq. Kra riihan jiitiq, üm We Shiikeawe, ramungtan na siti riimin ümngarai thun ka midii kuq.

Mark 12:38

Apaiq raq tsangshiq ma trahoke lam maq akha tsii chongkuqto, “Thungtri shrinketibi hon aja abi rüm tlaq kriima namshiq ka honkamshat maq sirong laq. Tsangshiq ka shiilang miirii maq tiimiikhiiq raüta, wiitarü raq tsangshiq kiidea mishreng laq nguta, kejat thung na tiichan miine khumsiqtlo.

Luke 11:43

“Namshiq Phorisinok ma pinthum phiiptsi chang asi! Namshiq riika, sinagok thun na nyungwere ngachang pong na arai thü kiijaq ngawa kli riichhin tlan. Kiimaq chiiheawea wea maq, maiq raq somra wan tlaq kli rit tlan.

Luke 18:1

Kiijiishe, Jesuq raq ajaqshisetiim ma tsangshiq ka wranaiqshe achu jaü ruq sichang kiimaq ümtiikaq ranaiq jiimin tsaiji tran ra mak nguta tsii chongkuqto. Apaiq raq kra tsii chongke bomtsi ka ara shiiton manphan armaq chong kuqto. Manphan ka ara.

Luke 18:13

“Shatmaq, phunta hitiwe ka alu niili chap raüta, ra nü niimin liimak maq, akhuk na ajaq maq tiitap raüta, ‘Shiikeawe le, ngi ara ngarai maiqse. Ngi ara mangchan kuq liidea!’ nguta achu jaüto.”

Luke 20:47

Tsangshiq riika, manti liihi nyungre ka süpsi wantlo. Kiimaq achu jaü ka, shetangtang tiichhi ha jaü raüta, tsangshiq jamkun ka wiita laolii phaqsiq wan tlo! Tsangshiq khuthaq na Shiikeawe raq kha ka jonghea mikuq. Kiimaq tsangshiq miika pinthum achonglot mai chamchao jonghea mikuq wan!”

Luke 6:24

“Shatmaq, ümchaü juwa chiithe lüwa nguta sitlanti ma, phiiptsi chang jonghea asi. Namshiq ka ümchaü chamtraq peo lanta sitlan!”

John 16:24

Ümchaü niitaq, namshiq raq i mang na jamlai phan min jaü man shaqli. Jaürong laq, namshiq raq milap han. Krai mren, namshiq chochi kiimin, alüm alei she mima wan.

Ephesians 6:18

Riita ara chongtiikai thun arka, achu jaü lantli sham ronglaq. Shiikeawe raq mikhrum kuq. Asii Wenyi raq shunshea tlaq kra phanphan, jaqsham aweatek na, achu jaü lanta sham ronglaq. Arningkhan, honkam shat maq sirong laq. Ümtiikiimin naq thaq rongkiq. Wranaiqshe Shiikeawe sengi miitu achu jaüshat maq sirong laq.

1 Thessalonians 5:17

Wranaiqshe achu jaüshat maq si ronglaq.

James 4:6

Maiqse ngarai sükha tsii ka henghea. Li jiimin, Shiikeawe kaphap mangchan tsii riiwe ka wiitarü ngarai ningkun thaq na aheng. Arkha maq tiina, Asii Bomtsi na, “Shiikeawe raq ra weahü maiqse ka romak. Shatmaq sobsob bombom maq siti miika, apaiq kaphap mangchan apa kuq tlo” nguta chong tlo.