Matthew 6:4 - Hawa Naga Bible 2001

⁴ Kvkhoc ngoz ruiux jix mnoz rueq kuq shuiux yauk shuimc kuex vyumx yauk shuimc yaungx vtueq, vyumx yauk shuimc khic lot jix m-Waz rueq mnoz muex tvyez kuq yek kv-phux rvtueq.

ASII LAKDAP Bible (BSI)

⁴ Akha klo haütiq kra jaqmiiq kene ka pumsii jaqmiiq ma mija. Kiimaq pumsii jaqsham chhiti üm We riishetiq ümniima poksi mikuq.”

Muklom

⁴ Eshimal ang ajo jaknol sha tapu eq angna. Etho phanrip siintey nim Wa eq nim ma jaksom thang ko phanin.”

Matthew 6:4 Referencias Cruzadas

Tvtsvmc 139:12

raungnyauk kuex mhtumc nuex raungnyauk ikhoc rvmuq maq raungwvrx kuex raungnuiyq ikhoc yaungx wvnc tueq. Raungnyauk nuiyc raungwuic kuex mnoz htumc nuex rv-ngvlc dvyx rvtueq.

Tvtsvmc 17:3

Mnoz rueq ngvy thuinz vmungx kuex tuiuz vshuiux. Raungwvrx nuex mnoz kuex ngvy kox nuex kaz vtueq; ngaz kuex httuiyc ruiyc wisoz phux, ngaz nuex layx bac thuinz yvmx muinz vguez kuex mnoz rueq khiz toq.

Tvtsvmc 44:21

nuiyshiq mungx nuex httuiyq vshix kvmungx lvmx htenc kuex tuiuz vshuiux ningkhvnc nuex, mnoz rueq kvruex lvmx kuex vsuing khiz tuiuz vshuiux rvtueq.

TAKSU LAK 25:22

Mnoz rueq piq kuex yvlc svy nuiyc htvlx shawc tvrvhumc shuiux nuiyc Yehowa rueq mnoz muex yauk mauk kuq kv-phux.

JEREMIA 17:10

Ngaz Yehowa rueq miq thuinz nuex kvmungx yaq kuex thuiyx konx vtueq miqsaz thuinz vmungx htenc kuex taruiyx lawc vshaungx. Ngaz rueq miq tek vtueq tsuingshiq honc vyaungc nuiyc tsuingshiq rueq shuimx lvmz yaq kuex tv-phvnc vmauk kuq shaungx,” ngoz tueq jungx tueq.

JEREMIA 23:24

Ukhaq muinz ngaz rueq khiz mauk baung nuex kvhttuiyq lot muq. Ngaz kuex raungx nuiyc ghaq htauk baung ruip saz nuex httax vtaungx kuex mnoz rueq tuiuz muq haz?

Matthew 10:42

Ngaz rueq nuimshiq muex vsuing jungx kuq ix, ngvy kungjix vwawc vruinx pinhtumc waz muex ngvy htvlx phawc lawc vtueq, yuix kuiyq kokshiz kuy nuingc jix waz rueq yauk mauk vsuingc suing lvp wvnc shuex,” ngoz tueq jungx tueq.

Matthew 6:18

Kvkhoc rvtueq mnoz rueq phuiuz svy mamc shuiux kuex vganc miq rueq tuiuz muq maq, kvkhic muq baung nuex httax yaq m-Waz rueq dvyx tuiuz shuex rvtueq, kvkhic haungc muq baung nuex httax vtueq mnoz rueq shuimx shuiux kuex khic jix m-Waz rueq mnoz muex yauk mauk kuq kv-phux.

Matthew 6:3

Yuq muinz nuimshiq rueq yauk noalc kuq ruiux yuq, yaukkeq maq kuq shuiux kuex yauk phvrx kox rueq tuiuz muq mruez shueq.

Matthew 6:6

Yuq muinz mnoz rueq vjux thoz ruiux yuq yuimx mungx khok nuex woz vtueq kaluix kuex shauk gay ruiux raz tueq, muik maq kvkhic muq waz m-Waz yauk wawc thoz shuiuz. Vyumx samaq shuimx yaq kuex khic lvp jix waz m-Waz rueq mnoz muex yauk mauk kuex kuq kv-phux.

Luke 14:14

Kvkhoc ruez ruiux mnoz rueq ruimrix lvp shuiux, yvmx khoc lac ngoz ruiux lec tsuingshiq rueq mnoz muex kejux tvyez kuy juing vguez ningkhvnc nuex rvtueq, miq hvlx htenc thueyc vtueq yuing kvtenc wvnc tuex raungnuiyq Tishox rueq mnoz muex kejux tvyez kuy rvhumc tuiux,” ngoz tueq jungx tueq.

Luke 8:17

“Yvmx khoc lac ngoz ruiux lec vhttuiyq vruez htenc muinz dung wvnc tuex, vpuingc vpvy vruez htenc muinz kvkhic yaq vwuic nuex tvdung wvnc shuex.

1 Corinthians 4:5

Kvkhoc rvtueq vkhing rvkhauk max httuiuc nuex ukhaq muex muinz nauk phox kuq kaz. Vtvsuip phoc kuy lvmx kuex Taungjix httuiuc kaz tuex nuex httuiuc laz bvmc juing rvtueq; vpiq rueq raungnyauk mungx nuex vhttuiyq taq lotlaz kuex kvmuinz, miqsaz thuinz vmungx nuex vhttuiyq taq kvmungx lvmx htenc muinz tvdung tvkhic shuex rvtueq. Kvkaq vshiz maq vshiz kuex miqmac aungx yaq rulc rv-ngvlc Tishox kox wawc tvtsvmc kvmc lvp wvnc wuez shuex.

Hebrews 4:13

Tishox rueq khiz tuiuz muq laz juing httuiyq puic lot yaq phvnx yvmx muinz vguez, lotlaz kuex vpiq khaungkac nuex kvkhic yaq jvnc khuec nuex naungshiq rueq shuimx wvnc tiq htenc kuex vpiq rueq wisoz rvhumc wuez tix.

Jude 1:24

Nuimshiq kuex kvrunx kvhttak wvnc muit laz juing tvkhup wungx kuq ruiux, vpiq ngauz vngax khaungkac nuex vyaq mvrax kop muq maq kokez juing kuq lot yaq,

Revelation 2:23

Piq yix phvnx jix htenc kuex ngaz rueq thvt gay shaungx, kvkaq jix ngaz kuex miqsaz thuinz vmungx nuex tvmaung yaq lvmx tuiuz jix waz rvtauk kuex phungc htenc rueq tuiuz wvnc wuez shuex. Nuimshiq wawc vshiz maq vshiz muex miqmac rueq shuimx wvnc tuit rulc rv-ngvlc tvyez kuq phaungx.

1 SAMUEL 2:30

M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.