Matthew 6:6 - Hawa Naga Bible 2001

⁶ Yuq muinz mnoz rueq vjux thoz ruiux yuq yuimx mungx khok nuex woz vtueq kaluix kuex shauk gay ruiux raz tueq, muik maq kvkhic muq waz m-Waz yauk wawc thoz shuiuz. Vyumx samaq shuimx yaq kuex khic lvp jix waz m-Waz rueq mnoz muex yauk mauk kuex kuq kv-phux.

ASII LAKDAP Bible (BSI)

⁶ Shatmaq ümtiikiiwa ümniiraq achu jaü tlaü, kra akhing na, ümniika ümtap mong na walaq, laüta kilü maq tiishaq laq. Laüta üm We maiqse raq makhia maq chhilot mak we jaq wa achu ka jaü laq. Raüla pumsii jaqsham chhiti üm We raq ümniima poksi ka mikuq.”

Muklom

⁶ Etha o tho, nim aa romtam chu inn jo, him mong khok náng wang eq, kalung sak eq, takhi moq tey nim Wa ching wang romtam chu inn. Etho phanrip siintey nim Wa eq nim ma jaksom thang kho phanin.”

Matthew 6:6 Referencias Cruzadas

2 HOKHVMX 4:33

Piq rueq kaluix kuex shauk vtueq Yehowa kox wawc vjux thoz tueq.

Tvtsvmc 34:15

Yehowa rueq tsuingrux jix htenc kuex lawc vtueq tsuingshiq guyc sez thoz yaq thuic bomc kuex tay kuq yaq;

TAKSU LAK 25:22

Mnoz rueq piq kuex yvlc svy nuiyc htvlx shawc tvrvhumc shuiux nuiyc Yehowa rueq mnoz muex yauk mauk kuq kv-phux.

ISAIA 26:20

Ngvy miqsaz htenc lex, nuimshiq yuimx mungx kvyuq nyuip wuez vtueq, kaluix kuex shauk wuez shuinz. Tishox thuinkhvy shiz nuex httuiuc laz miq pumz kuex yauk lox kvhttuiyq httax wuez kuinz.

ISAIA 65:24

Tsuingshiq rueq ngaz kox wawc vjux thoz yaq max htumx nuex dvyx tsuingshiq rueq thoz yaq kuex ngaz rueq tvralc shaungx.

Matthew 14:23

Nuk miqsaz htenc tvwaungc wvnc yix Yesu kuex vjux thoz kay tvkoc kanx nuex duiz wvnc tueq. Kvkaq raungyac wvnc tueq nuex Yesu kuex kvruex yuq vpiq lauklauk dvyx rvtueq.

Matthew 6:18

Kvkhoc rvtueq mnoz rueq phuiuz svy mamc shuiux kuex vganc miq rueq tuiuz muq maq, kvkhic muq baung nuex httax yaq m-Waz rueq dvyx tuiuz shuex rvtueq, kvkhic haungc muq baung nuex httax vtueq mnoz rueq shuimx shuiux kuex khic jix m-Waz rueq mnoz muex yauk mauk kuq kv-phux.

Matthew 6:4

Kvkhoc ngoz ruiux jix mnoz rueq kuq shuiux yauk shuimc kuex vyumx yauk shuimc yaungx vtueq, vyumx yauk shuimc khic lot jix m-Waz rueq mnoz muex tvyez kuq yek kv-phux rvtueq.

John 1:48

Nathanael rueq, “Mnoz rueq ngaz kuex yvmx khoc maq lac tuiuz vphux?” ngoz tueq wiz tueq. Yesu rueq, “Mnoz kuex Philip rueq max gvl shauk nuex phuiuq muiuq jungx yaz nuex httax toq ikaq phuex mnoz kuex ngaz rueq khiz phaungx,” ngoz tueq.

John 20:17

Yesu rueq, “Ngvy gvnz nuex nauk kvtungc kaz, ngaz kuex Iwaz kox nuex max waung dvyx doc. Yuq muinz iphuz inox hez kox nuex waung vtueq, ngaz kuex Iwaz nuiyc nuimshiq Waz, ngvy Tishox nuiyc nuimshiq Tishox kox nuex waung wvnc taungx lvmz kuex jungx tvtay kaz kuiuz,” ngoz tueq piq muex jungx tueq.

Acts 10:30

Kvkaq Korneliu rueq, “Raungnuiyq thuimx tanc shex rvtueq raungnuiyq shalhtaz thuimx nuex ngvy yuimx maq vjux thoz tauk, kvkaq luiz hvlc svmhung svmc jix waz kuex ngvy khaungkac nuex dung phok jvp kaq vtueq,

Acts 10:9

Raungnvp kvyix tsuinghez kaz wvnc vtueq Joppa ghaq nuex httuiuc wvnc nanac nuex, Peter kuex raungnuiyq shalhtungx tanc khvnc nuex vjux thoz waungc yuimx khux htauk nuex duiz woz tueq.

Acts 9:40

Peter rueq tsuinghez lotlaz kuex yuz phic nuex tvkaz gay ruiux, kuix tsvrung maq ngaungc vtueq vjux thoz tueq, kvruex yimaq vmaungx kox kvyuq nyez vtueq, “Tabitha lex, kvtenc kuiuz!” ngoz tueq, Dorka rueq vmuik tvkalc lawc koq tueq Peter khiz vtueq kvtenc ngaungc tueq.

Romans 8:5

Miqsaz gvnngvmx thuinz maq nvr yaq ikhoc thuiuzthuic tvraungx jix htenc kuex miqsaz gvnngvmx rueq roc yaq lvmx nuex tsuingshiq thuinz htenc kuex tvguimz gay tueq. Siyac rueq nvr yaq lvmx nuex rullungx tvraungx jix kuex Siyac rueq vroc tsuingshiq thuinz htenc kuex guimz yaq.

Ephesians 3:14

Vruez lvmz ningkhvnc nuex raungmungx nuex nuiyc ghaq htauk nuex httax yaq yuimx taungx tek muex tsuingrux vjungx rvtueq