ISAIA 1:18 - Hawa Naga Bible 2001

¹⁸ Yehowa rueq, “Majuiuc, naunghez rvjungc ix. Nuimshiq mvrax kuex tvguiy ikhoc shawx ruiux muinz, tsuik hek ikhoc ngaz rueq tvsawc hoal kuq phaungx. Nuimshiq mvrax kuex shawc hvlc, yuq muinz khelbuenx mul ikhoc luiz wvnc tuinx.

ASII LAKDAP Bible (BSI)

¹⁸ Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 1:18 Referencias Cruzadas

YOBA 9:33

Yuq muinz nvnueyc hvlwvl nuex tvraz tsaz kuy jix vguez, Tishox nuiyc ngaz kuex phoc kuy jix vshiz muinz vguez.

Tvtsvmc 51:7

Ngvy mvrax kuex lvmz gay shuiuz, kvkhoc ngoz ruiux jix ngaz kuex sawc wvnc taungx; ngaz kuex hoal kuq koq, kvkhoc ngoz ruiux jix ngaz kuex tv-nguirx htauk nuex muinz vluiz rvtaungx.

Tvtsvmc 51:9

Ngvy mvrax htenc kuex khiz muq laz juing mmuik htenc kuex tvjuk taq shuiuz, ngvy honc vbac htenc kuex hut kuq gay koq.

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

ISAIA 3:13

Yehowa kuex vpiq yauk shuimc tvkhic tvkoc tvyoalc hvt httax yaq; vpiq miqsaz muex phoc kuy tvkoc tvyoalc yoalx rvtueq.

ISAIA 41:1

Tishox rueq, “Nuimshiq lvmx luz mungx jix lex, suinglix maq httax vtueq ngvy kvjaz kuex tay shuinz! Mkhac kuex tvrac rungx nuex tvtay tvkoc tvyoalc shuiuz; mnoz rueq jungphvnc lvp tvkoc vkhangx lvp shuinx. Ukhaq lac vlvmx htvp htaz kuy tvkoc vdvmz nuex kaz wuez ix.

ISAIA 41:21

Yehowa Israel hokhvmx rueq vkhoc jungx tueq: “Miq phvnx ruip rawx tishox htenc lex, nuimshiq khac kuex jungx shuinz. Nuimshiq rueq lvp taq tuit vhvlx pinhtumc hakhix phvnx htenc kuex lvmz laq wuez luit!

ISAIA 44:22

Ngaz rueq mmvrax htenc kuex phuemx ikhoc tvmoz gay tauk. Ngaz kox nuex yek waung luit; ngaz kuex mnoz palc jix rvtauk,” ngoz tueq.

ISAIA 50:8

yvmx khoc lac ngoz ruiux lex Tishox kuex ngvy hep nuex httax yaq, vpiq rueq ngaz mvrax vguez lvmz hakhix kuex tvkhic shuex. Ngaz muex nyvnc jix miq vshiz shiz vhttax haz? Rungx nuex rvtuimx kaz wuez ix! piq rueq nyvnc yaq kuex mlaq rueq!

ISAIA 55:7

Layx bac jix kuex miqmac lvmx kvwawc nuiyc miqmac thuinz maq kvmungx yaq lvmx kvwawc kvlayc wvnc tuex. Tsuingshiq kuex Yehowa naungshiq Tishox kox nuex kvroz wvnc tueq; vpiq rueq menjenc vtueq yauk lox maq mvrax dawc kuq yaq.

JEREMIA 2:5

Yehowa rueq: “Ngvy htauk nuex yvmx mvrax khiz vtueq lac nuimshiq jix vwaz tamx kuex ngaz kox wawc kaz wvnc wuez tvnx? Tsuingshiq rueq htawz guez yac yuimx htenc kuex nawk palx vtueq miqmac pumz kuex htawz guez tvyaungc wuez yaq.

EJEKIEL 18:27

Layx bac miq vshiz shiz rueq mvrax shuimx yaq kuex httvr gay ruiux vlvmx nuiyc vhvlx yauk shuimc kuex shuimx ruiux yuq, piq rullungx kuex palc wvnc lvp shuex.

EJEKIEL 33:16

Piq yaq tueq mvrax htenc kuex ngaz rueq dawc kuq shaungx, piq rueq vlvmz nuiyc vhvlx kuex shuimx wvnc tueq ningkhvnc nuex vsuing rullungx tvraungx httax lvp tuex.

Mikha 6:2

Ghaq phaungx yaq vjungx vbaung rvtueq kanx htenc lex, Yehowa khuec vkhac kuex tay shuinz! Yehowa kuex vpiq miqsaz htenc muex nyvnc yaq khac vshiz httax yaq. Vpiq rueq Israel muex mvrax tvgurc shuex.

Acts 17:2

Polu kuex miqmac rueq shuimc juing yauk shuimc httax yaq rulc rv-ngvlc vjux thoz yuimx nuex kaz vtueq, Vguilc Raungnuiyq vthuimx tup kvruex wawc miq htenc rulc rvjungc phvnc lvmz htenc shunshvlx shuimx kaz tueq.

Acts 18:4

Yuda miqsaz nuiyc Greek miqsaz htenc kuex kvmluimx wvnc tvkoc Vguilc Raungnuiyq ruip rawx vjux thoz yuimx nuex jungphvnx kuq ruiux shuex.

Acts 24:25

Yuq muinz Polu rueq tsuingrux lvmx nuiyc miqmac gvnz kuex miqmac rueq guimz lawc lot muq lvmx, httuiuc wvnc yaq Raungnuiyc nuex Khac phox shuex lvmz jungphvnx kuq koq tueq, Philip kuex vhiz raz tueq, “Majuiuc mnoz waung wvnc kuiuz. Yix maq rvhumc aungx tuex nuex jix gvl yek phaungx,” ngoz tueq.

Romans 5:20

Tvrac tvy ningkhvnc nuex vyaq mvrax paungc wvnc tueq, yuq muinz mvrax paung wvnc koq tueq Tishox kejux muinz pinhtumc paung wvnc tueq.

Revelation 7:14

Ngaz rueq, “Jiyungx lex, ngaz rueq tuiuz mauk, mnoz rueq tuiuz vshuiux,” ngoz tueq tvralc tauk. Piq rueq, “Tsuingshiq kuex vkuilc vdaz mungx wawc vluenx wvnc miqsaz htenc rvtueq. Tsuingshiq rueq miqmac khoz vkhvy htenc kuex Khelbuenx Saz tvguiy maq tvsawc hoal wuez tueq.

1 SAMUEL 12:7

Nuimshiq httax vtuinx kvyuq dvyx jvp wuez kuinz, nuimshiq nuiyc nuimshiq jix vwaz tamx palc wvnc tvkoc ngoz tueq, Yehowa rueq shuimx wvnc tueq lotlaungc yauk shuimc lotlaz maq nuimshiq muex tvhonc tvsvmz kuy tvkoc ngoz tueq Yehowa khaungkac nuex ngaz rueq nuimshiq muex mvrax nyvnc phaungx.