ISAIA 1:19 - Hawa Naga Bible 2001

¹⁹ Nuimshiq rueq ngvy kvjaz phvnx ruiux yuq, ghaq wawc pulx thuey waqthuimx vhvlx htenc kuex nuimshiq rueq phauk saq lvp shuinx.

ASII LAKDAP Bible (BSI)

¹⁹ Ümniiraq Ngi ibom tai laüta iwokhong na sihaüla, armung na hiqraikhü na ahea awa phan ümchu wa dongman wantlaq thun kra wok phetaktak she miphaqsiq wan haü.

ISAIA 1:19 Referencias Cruzadas

ISAIA 25:6

Tvphaungc Tvsuip Yehowa rueq Zion Kanx htauk nuex mungkawx wawc miqphvnx lotlaz tvkoc phuiuz svy moalx vshiz tvhungx shuex, kvruex moalx kvyuq sumc hvlc phuiuz vsvy nuiyc sumc hvlc svpiq tix kuex tvhungx shuex.

ISAIA 3:10

Tsuingrux jix kuex thuinhvlx yaq, taungx vwawx ruip rawx tsuingshiq tvkoc vhvlx jvnc rvtuex. Tsuingshiq kuex miqmac shuimc vkay ningkhvnc nuex vkokez juing lvp wuez shuex.

ISAIA 58:14

ngaz muex shuimc lvmc kuy aungx yaq wawc dung yaq kokez juing kuex khiz wvnc shuinx. Ngaz rueq mnoz kuex mungkawx lotlaz nuex tvtsanc nganc tvrvhumc phaungx, mnoz muinz nuimjix Yaku muex vkuq mungtan nuex vkoz vkez maq httax tuiux. Ngaz, Yehowa rueq vjungx kvjaz rvtueq,” ngoz tueq.

ISAIA 65:13

Kvkhoc rvtueq ngaz muex nawk palx jix nuiyc ngvy kvjaz tay jix bix kuex phungc yungx rungc yungx nuingx phauk saq wuez shuex, yuq muinz mnoz kuex khvmx svy rvmc thuiuz rvhumc tuiux. Tsuingshiq kuex kokez wuez tuex, yuq muinz mnoz kuex yvlc svy rvhumc tuiux, ngoz tueq ngaz rueq jungx vphaungx.

JEREMIA 21:8

Kvruex yimaq Yehowa rueq miq htenc kvmac jungc tvkoc ngaz muex jungx phuex, “Tay shuinz! Ngaz, Yehowa rueq mnoz muex rullungx tvraungx lvmx nuiyc vthueyc nuex kay lvmx vwawc thvlc wvnc tvkoc kuq vphaungx.

JEREMIA 7:5

“Nuimshiq vhttaz vngaungc kuex layc shuinz, nuimshiq honc vyaungc kuex tvthauk shuinz. Nuimshiq vshiz maq vshiz rvbomc nyamc tuinx nuex vrungx vraz httax wuez kuinz.

JEREMIA 7:7

Kvkhoc nuimshiq kvlayc ruiux yuq, ngaz rueq nuimshiq jix vwaz tamx muex kuy tvlanc vkuq ghaq vraungx nuex tvhttoarc vtueq tvhttax yek phaungx.

Yoel 2:26

Majuiuc kuex nuimshiq rueq phuiuz svy juing paunghvlc lvp luz vtueq, phoay laz phauk saq wuez shuinx. Nuimshiq tvkoc vwangc juing shuimx wvnc tueq, Yehowa nuimshiq Tishox muex tvtsvmc kvmc wuez shuinx. Ngvy miq htenc kuex mkaq muinz shummarc rvhumc yek muq shex.

LEWI 25:19

Nuimshiq ghaq vraungx nuex vthuey vngoz tvthuey kuq vtueq, nuimshiq rueq phoay laz phauk saq ruiux vhvlx maq kvwungx httax lvp tuinx.

LEWI 26:3

“Nuimshiq kuex ngvy tvrac htenc nuex httax vtueq ngaz rueq nvr phaungx kuex phvnx ruiux yuq,

LEWI 26:5

Vthuey vngoz paunghvlc thuey ngoz vtueq nuimshiq rueq tsvmz max tvtuimz guimz nuex dvyx svpiq thuey puinc jauz httuiuc wvnc tuex, svpiq thuey tvjomx puinc max lot nuex dvyx tsvmz yuingc jauz httuiuc wvnc yek tuex. Nuimshiq rueq phoay laz phauk saq ruiux, nuimshiq ghaq vraungx nuex vhvlx waq kvwungx httax wuez tuinx.

HAGAI 1:12

Kvruex yimaq Zerubabel, Yoshua nuiyc Babelon mungx nuex vthuq laq wawc vyek waung miq htenc lotlaz rueq Yehowa tsuingshiq Tishox rueq tsuingshiq muex vshuimc vkay juing nvr tueq kuex shuimx kaz wuez tueq. Tsuingshiq kuex hiyaz vtueq Yehowa kamx waz shvmmax Hagai kvjaz kuex phvnx wuez tueq.

TRI CHONGKE 28:1

“Majuiuc raungnuiyq ngaz rueq nuimshiq muex kuq vphaungx vpiq rueq vnvrc kvjaz lotlaz kuex tvkhvlc muit maq phvnx vtueq, Yehowa nuimshiq Tishox kvjaz kuex tay phvnx ruiux yuq, vruex ghaq htauk wawc miqphvnx htenc htauk nuex lvy vtueq nuimshiq kuex tenpix kv-phuinx.

Hebrews 5:9

Vpiq hungx htaungx yaq waz tvyaungc lot yix, vpiq kuex kvjaz tay phvnc jix lotlaz laung nuex pattup palc daungc wvnc lvmx vjungx yaungx wvnc tueq.