ISAIA 1:17 - Hawa Naga Bible 2001

¹⁷ vlvmx yauk shuimc kuex tvluing shuinz. Tvrac vlvmz kuex shuimx vtueq, vtuing vhtuing rvhumc yaq jix muex romc kuq shuiuz, nojix saz tamx muex vlvmx kuex kuq ruiux, mvntix nyuiuz tamx kuex tvwungx shuinz.”

ASII LAKDAP Bible (BSI)

¹⁷ Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 1:17 Referencias Cruzadas

Tvtsvmc 34:14

Honc vbac phvnx kuex koayc gay ruiux vhvlx phvnx kuex shuimx shuiuz; mthuinz mmungx lotlaz maq nomic lvp tvkoc hunglaungx kuiuz.

DUNGWVNC 22:21

“Pungnuk miqsaz kuex wvlc guez waqguez nauk tuinghtuing; nuimshiq kuex Ejip mungx nuex pungx phvnx miqsaz muex yaungx wvnc tuit kuex rvwvl wuez shuinz.

TAKSU LAK 15:25

Yehowa rueq tuluimc thuinz httax yaq jix yuimx htenc kuex tvbac gay shuex, yuq muinz mvntix nyuiuz tamx hup vsvmx kuex tvwungx kuy rvshuex.

TAKSU LAK 21:3

Vlvmx nuiyc hunghtaungx yaq kuex shuimx shuiuz; kvruex kuex shomc nawk kuy juing lvmz kuq laq shuiux htauk nuex jvnc vtueq Yehowa rueq raungc raq yaq.

TAKSU LAK 31:9

Tsuingshiq tvkoc jungx kuq vtueq tsuingrux phoc waz muex yaungx kuq kuiuz. Htemc saz jix nuiyc rax yaq jix htenc rueq lvp aungx yaq kuex tvguing tvwungx kuq shuiuz.”

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

ISAIA 10:2

Kvkhoc rvtueq nuimshiq rueq htemz vrvmz miqsaz htenc rueq lvp aungx yaq vkhangx nuiyc tvrac vlvmz lvp juing kuex tuinghtuing vshuinx. Nuimshiq rueq mvntix nyuiuz tamx nuiyc nojix saz tamx tsak vnyvmx kuex lvmz wvnc tuit.

ISAIA 56:1

Yehowa rueq vpiq miqsaz muex jungx tueq, “Tsuingrux nuiyc vlvmz kuex nuimshiq rueq shuimx shuinz, ngaz kuex mtanc htvmx muq nuex nuimshiq kuex palc kaz phaungx.

ISAIA 58:6

“Ngaz rueq roc vshaungx phuiuz svy mamc lvmx kuex vkhoc rvtueq: vguirc vguenc ngoz yaq vkhvrc buinc ruiuz kuex jumz gay ruiux, tvrac rvmuq kuex lvmz gay vtueq vguirc vguenc rvhumc jix kuex tvdungc wvnc rax.

JEREMIA 22:3

“Ngaz, Yehowa rueq vlvmx nuiyc tsuingrux kuex shuimc tvkoc mnoz muex nvr vphaungx. Piq laulawc yaq waz kox wawc vlauc vlawc rvhumc muq tvkoc kvruex waz kuex tvkhup wungx shuiuz. Wuinz waz hez, nojix saz hez nuiyc mvntix nyuiuz hez muex tvrac muq nuiyc vtuing vhtuing kuex nauk ruez kaz, vruex vsawc baung vyuq mvrax vguez miq nauk thvt kaz.

JEREMIA 35:15

Ngaz rueq nuimshiq kox nuex ngvy nvrc waz hez shvmmax bix lotlaz kuex tvhttoarc vtueq tvkaz vphaungx, tsuingshiq rueq nuimshiq miqmac layx vbac htenc kuex gay iruiux tsuingrux yauk shuimc wvnc tvkoc jungx kv-phuinx. Tsuingshiq rueq nuimshiq muex vganc tishox htenc kuex nawk palx muit tvkoc honc tvsvmz kuq tueq, kvkhoc rvtueq ngaz rueq nuimshiq nuiyc nuimshiq jix vwaz tamx muex vkuq mungtan nuex nuimshiq httax ruq httaz tvkoc tvmaung tauk. Yuq muinz nuimshiq rueq ngvy kvjaz tay muit nuiyc wvlc guez tvyaungc vshuinx.

EJEKIEL 18:31

Nuimshiq rueq tvyaq shuimx wvnc tuit vbac yauk shuimc htenc lotlaz kuex gay shec ruiux, nuimshiq shauk pumz thuinz nuiyc mungx vnyalx maq lvp wvnc shuinz. Israel miqsaz htenc lex, nuimshiq yvmx ngoz tueq thueyc kay roc lac?

EJEKIEL 22:7

Kvruex ghaqyungx nuex httaz jix miq htenc uraq muinz miqmac nyuiuz waz muex tvtsanc nganc wuez muq. Mnoz rueq pungnuk wuinz waz kuex laulawc vtueq mvntix nyuiuz tamx nuiyc nojix sahez kuex guirguenz vshuiux.

EJEKIEL 45:9

Johvlc Yehowa rueq, “Israel guimz lawc jix hez lex, nuimshiq rueq mvrax yaq vtuinx kuex loayc hvlc shex! Nuimshiq rueq yauk laungc yalawx nuiyc vtuing vhtuing ruez vshuinx kuex httvr shuinz. Vlvmz nuiyc tsuingrux kuex shuimx shuinz. Ngvy miqsaz htenc kuex tsuingshiq mungtan wawc mkaq muinz nauk yurc gay kaz. Ngaz, Johvlc Yehowa rueq vruex lvmz jungx vshaungx.

DANIEL 4:27

Kvkhoc rvtueq, Taungjix hokhvmx waz lex, ngaz rueq tharc jungx vphaungx kuex phvnx shuiuz. Mvrax lvmx kuex gay shec ruiux vlvmx yauk shuimc kuex shuimx shuiuz, htemc saz jix muex menjenc shuiuz. Kvkaq mnoz kuex tvhttoarc vtueq vrungx vwanx paung wvnc yek tuiux.”

Mikha 6:8

Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.

JEPHANIA 2:3

Vpiq rueq nvr yaq htenc kuex phvnx vtueq, thuinz tv-nyenc jix mungx miqsaz htenc lex, Yehowa kox nuex yek wuez kuinz. Vlvmz yauk shuimc shuimx shuinz, Yehowa khaungkac nuex nuimshiq shauk gvnz kuex tvyomz shuinz. Yehowa thuinkhvy tvkhic vtueq murx tvgurc shuex raungnuiyq wawc nuimshiq dung wvnc lvp wuez tuinx shvmx.

JEKERIA 8:16

Vruex kuex nuimshiq rueq shuimc aungx yaq yauk shuimc rvtueq: vshiz maq vshiz tsuingrux kvjaz kvjak kuinz. Tvrac rungx nuex vsuing tvrac vlvmz nuiyc nomic kuq lvp laz juing rvmenjenc wuez kuinz.

TRI CHONGKE 14:29

Kvruex phuiuz vsvy juing htenc kuex miqmac hup svmx ngoz tueq vguez Lewi miqsaz htenc, nuimshiq ghaq nuex httax yaq pungnuk miqsaz htenc, nojix sahez, mvntix nyuiuz tamx kvruex hez tvkoc rvtueq. Tsuingshiq rueq kvruex phuiuz vsvy kuex rax yaq tanc khvnc lvmc phuiuz svy mvy yaq. Ekvkhoc shuimx kaz ruiux yuq kuex Yehowa nuimshiq Tishox rueq nuimshiq rueq shuimx shuinx ruip rawx kvyuq ruimruimx kuq kv-phuinx.

James 1:27

Vwaz Tishox khaungkac nuex vsawc nuiyc rvkhauk laz nawk palx htungx ngoz yaq kuex, kuilc daz rvhumc yaq nojix saz tamx nuiyc mvntix nyuiuz tamx muex lawc mawc kuq vtueq, miqmac shauk gvnz muinz, mungkawx vshuy vshac muinz koayc gay lvmx rvtueq.