ISAIA 1:18 - ASII LAKDAP Bible (BSI)

¹⁸ Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

Hawa Naga Bible 2001

¹⁸ Yehowa rueq, “Majuiuc, naunghez rvjungc ix. Nuimshiq mvrax kuex tvguiy ikhoc shawx ruiux muinz, tsuik hek ikhoc ngaz rueq tvsawc hoal kuq phaungx. Nuimshiq mvrax kuex shawc hvlc, yuq muinz khelbuenx mul ikhoc luiz wvnc tuinx.

ISAIA 1:18 Referencias Cruzadas

YOBA 9:33

Shatmaq nainai liipan na kha photsiimketi jumin ahü she- Shiikeawe nai ngi kha phoketi ka jumin ahü.

Tvtsvmc 51:7

Ingarai ka lambaiqlaq, raüla ngi ka asii she mirha; ikhum ka hekuqlaq, raüla ngi ka tsakhiiq nam ma alü she mirha.

Tvtsvmc 51:9

Ümmak ka tiichuklaq ingarai thun ka naq liikiq laüta idüwa abi thun kra wiita lambaiqlaq.

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 3:13

Tati ka apaiq kha ka phoho ma khekham she. Apaiq ka asenginok kha phoke ma tiijeje she.

ISAIA 41:1

Shiikeawe raq ngutlo, “Kaiqshakshak maq, ibomchong arli tai rong laq, namshiq rathoko mung thun na siti raq! Namshiq kha ka rung na shok miitu tiije ronglaq; namshiq ma bomchong akhing asi miraq. Nashiq adam na ngalaita riichong i na juwa alam.

ISAIA 41:21

Tatiwe, Israilnok hokhamwe raq akha ngutlo: “Namshiq maiq mung thun phra kong raq, namshiq kha ka rung na shokronglaq. Namshiq kiqkhii chang ahea pinthum tri ka tiije lantea warong ra!

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

ISAIA 50:8

Jamkhano ngukla Shiikeawe ka aje na asi, kiimaq apaiq raq ngi ka maiqsang nguta kha mipho. Ashi ra raq ngi ma kha nyan khamtiishea? Rung na adam maq warong phiina! Apaiq raq ngi kha minyan liina!

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

EJEKIEL 18:27

Kiimahali ümtiikiiwa abiwe raq, ngarai jaqsham kra thaqbaiqtlaq, raüta riikhaqli jaqsham kriishe shamtlaq, kiimaq ahea jaqshamtlaq, raüla apaiq raq arilung ka tiichhiitlo.

EJEKIEL 33:16

Apaiq raq ngarai ümchuwa klo wantaq kra Ngi raq adii mirbaiqha. Kiimaq apaiq ka atra misi, jamkhano ngukla apaiq raq riikhaqli kiimaq ahea jaq shamto.

Mikha 6:2

Rakaü hiqwe chap chang pumjong lei, Tatiwe raq asenginok ma kha nyantlaq kra tairong laq. Tatiwe raq asengi Israilnok khuthaq na kha nyan chang asi, apaiq raq Israilnok ma akuq, shiila raü kriishe diitlo.

Acts 17:2

Paul ka rahin jaq akhing na jamkho sinagok na kitlaq kiikha, kra akhing niimin sinagok na kito. Raüta, kiijaq apaiq ka Asii Niitiitsak ranaiqtsam akhing na saüli nokwe ma,

Acts 18:4

Apaiq raq Asii Niitiitsak ranaiqtek sinagok na kiraü raüta, Jehudinok nai Griknok rai tsangshiq tsantsii ka tiinin jawan miitu, atsi dada maq traho bomtsi ka chongkuq lili riito.

Acts 24:25

Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.

Romans 5:20

Riita, Shiikeawe raq Thungtri khakuq wantaq kriika, maiqse raq ngarai ka apapa mitang wan laq nguta ngo maq kuq wanto. Shatmaq, ümriibano ngarai ka pahea tang wan tlaq, kiijiika Shiikeawe kaphap mangchan tsii ka, akao pahea nyam wan wan khoti miraq.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.

1 SAMUEL 12:7

Riita, ümchaü min namshiq ka ümbano chaptlan kiijaq chapshatli ronglaq, ngi raq namshiq ka Tatiwe man na, Tatiwe namshiq nai namtitiim tiichhiiwan miitu ümtinkhan wa ningkun jonghea maq jaqsham wantaq thun kra namshiq ma bliiq chongkuq nong lata namshiq ka Tatiwe man na tiishut pha.