DUNGWVNC 30:7 - Hawa Naga Bible 2001

⁷ Arun rueq wvraungx nvp tek wvrkok htenc kuex tvyoalc shuex nuex, kvruex htauk kvyuq vhomc vtumc phvnx htenc kuex juiuz rax.

ASII LAKDAP Bible (BSI)

⁷ Wranaptek Aron ka lem tsrup riiqwa watlaq akhingtek na, apaiq raq ara berong-wacha arjaq ahomwiq-homseng honglu ka chaqho lili riichang.

DUNGWVNC 30:7 Referencias Cruzadas

1 KAÜWA WERAÜ 23:13

Vsaz pekhux waz Amram kuex Arun nuiyc Moshe waz rvtueq. (Arun nuiyc piq suiuz vsaz hez kuex vsawc hup vsvmx mkaq muinz tvy shuinc tvkoc shunshvlc muex taq tueq, Yehowa muex nawk palx juing baung nuex vhomc vtumc phvnx kuex jauk vtueq, vpiq muex nawk palx vtueq vpiq muingc maq miq htenc muex ruimruimx kuq yaq rvtueq.

1 KAÜWA WERAÜ 6:34

Elkana, Jeroham, Eliel, Toa,

2 KAÜWA WERAÜ 2:3

Solomon rueq Tire Hokhvmx Hiram kox nuex bomjungc tvtay jungx tueq: “Mnoz rueq Iwaz hokhvmx Dawid muex piq hoc guirc tvkoc ruenx pulx guix htenc shaung kuq toq ikhoc ngaz rulc muinz pvkac pvylvyc lvmz shuimx lvmz ix.

2 KAÜWA WERAÜ 2:4

Yehowa ngvy Tishox muex tvtsanc nganc kuy tvkoc shomc yuimx vshiz ngaz rueq guirx vshaungx. Kvruex kuex vsawc baung muex yaungx vtueq ngvy miqsaz htenc nuiyc ngaz rueq vhomc vtumc phvnx htenc kuex jauk vtueq vpiq muex nawk palx shix, vpiq muex vsawc wanx maq muinz tvhttoarc vtueq shomc kuq vshix, nuiyshiq rueq Yehowa nuiyshiq Tishox muex tvtsanc nganc kuy tvkoc wvraungx nvp, wvraungx yac tek, Vguilc Raungnuiyq htenc nuex muinz, Yac Nyalx Moalx raungnuiyq nuex muinz, vganc vsawc raungnuiyq htenc nuex muinz wvr maq jauk shomc kuq wuez vshix. Vruex yauk shuimc kuex pattup shuimc tvkoc Israel miqsaz htenc muex vpiq rueq nvr shec tueq.

2 KAÜWA WERAÜ 26:18

piq muex tvwanc tueq. Tsuinghez rueq, “Uzia lex! Mnoz rueq Yehowa muex vhomc vtumc juiuz kuy vkhangx lvp muq. Arun suiuz vsaz hez wawc vsvt wvnc shomc waz bix rueq dvyx vkhoc yauk shuimc kuex shuimc tvkoc lekuy rvhumc yoalx hez rueq dvyx mvy yaq. Kvkhoc rvtueq vruex vsawc baung vmaq dung kaz wvnc kuiuz. Mnoz rueq Yehowa Tishox muex yaq gay toq ningkhvnc nuex vpiq ruimrix kejux kuex mkaq muinz lvp shuiux rvmuq,” ngoz tueq jungx tueq.

2 KAÜWA WERAÜ 29:7

Tsuingshiq rueq Shomc Yuimx kaluix htenc kuex shauk gay ruiux, wvrkok htenc kuex tvmot vtueq, vhomc vtumc phvnx kuex jauk muq, Israel Tishox Shomc Yuimx nuex wvr maq jauk shomc kuq wuez muq.

Tvtsvmc 141:2

Ngvy vjux thoz bomc kuex homc hvlc phvnx loban ikhoc, ngvy yauk tenz vshaungx kuex raungyac wawc shomc nawk kuy juing ikhoc lvp wvnc koq.

DUNGWVNC 30:34

Yehowa rueq Moshe muex ngoc, “Vhomc vtumc phvnx rvtueq stake, onicha, pvnchic, loban kvruex lix htenc kuex rv-ngvlc phok shenc vtueq taq shuiuz.

DUNGWVNC 30:6

Shomrawx kvruex Bomkhvrc Jep max nuex vjuinx khvymvnz phic kox kvyuq taq shuiuz. Kvruex baung kvyuq ngaz mnoz rulc rvhumc taungx.

DUNGWVNC 30:8

Piq rueq raungyac kox nuex wvrkok htenc tvluic shuex nuex raungnvp nuex shuimx yaq ikhoc shuimx yaq. Vkhoc vhomc vtumc phvnx shomc kuy yauk shuimc kuex pattup shuimx kaz wuez shuinx.

DUNGWVNC 40:27

shomrawx htauk kvyuq vhomc vshot kuex jauk tueq, kvruex kuex Yehowa rueq vnvr rvtueq.

WEAWEA 16:40

Arun phvnx wawc rvmuq jix miq uraq yuq muinz Yehowa muex vhomc vshot juiuz kuy tvkoc shomrawx hep nuex kay mvy muq ngoz tueq nvyrvyx guip rueq Israel miqsaz muex honc tvsvmz kuq yaq. Vruex phvnx muq jix htenc kuex Kora nuiyc vyix phvnc jix hez htenc ikhoc tvbac gay rvhumc tuex. Yehowa rueq Moshe maq raz tueq tvlvy jungx kuq tueq htenc kuex Eleazar rueq shuimx kaz tueq.

Luke 1:9

Taungjix Shomc Yuimx mungx nuex nyuip vtueq, shomrawx htauk nuex vhomc phvnx juiuz tvkoc shomc waz htungx layx rulc rv-ngvlc hangchac maq thvlc rvhumc tueq.

Acts 6:4

Nuiyshiq tvkoc yauk shuimc kuex vjux thoz nuiyc bomjungc tvluingc kuy lvmx yauk shuimc nuex dvyx vkhing tvhtumx shix,” ngoz tueq.

TRI CHONGKE 33:10

Tsuingshiq rueq mnoz Tvrac kuex phvnc tvkoc miq htenc muex tvluing kuq wuez shuex; Tsuingshiq rueq mshomrawx htauk nuex shomc nawk kuy shomc kuq wuez shuex.

1 SAMUEL 2:28

Shomrawx nuex yauk shuimc tvkoc muinz, vhomc vtumc phvnx juiuz tvkoc muinz, svmhung hungtuingx svmx vtueq ngaz rulc rvjungc phvnc tvkoc muinz, Israel phvnx lotlaz htauk wawc ngvy shomc waz yaungc tvkoc piq yuimx wuinz kuex ngaz rueq httauk wvnc tauk. Ekvmaq raz tueq shomrawx htauk nuex wvr maq jauk shomc kuq yaq htenc wawc mvnjuz lvp tvkoc muinz tsuinghez muex ngaz rueq kuq tauk.

1 SAMUEL 3:3

Samuel kuex Bomkhvrc Jep httax yaq vsawc baung nuex kvtsoalx yaq. Kvkaq raungx max wuix shauk wvrkok luic yaq doc nuex,