DUNGWVNC 30:6 - Hawa Naga Bible 2001

⁶ Shomrawx kvruex Bomkhvrc Jep max nuex vjuinx khvymvnz phic kox kvyuq taq shuiuz. Kvruex baung kvyuq ngaz mnoz rulc rvhumc taungx.

ASII LAKDAP Bible (BSI)

⁶ Laüta ara berong-wacha arka Tongshong Tek tukchang kheathum chantlaq kriima kinphai nü na thülaq. Arba arjaq Ngi ka ümniirai mirhumha.

DUNGWVNC 30:6 Referencias Cruzadas

1 KAÜWA WERAÜ 23:13

Vsaz pekhux waz Amram kuex Arun nuiyc Moshe waz rvtueq. (Arun nuiyc piq suiuz vsaz hez kuex vsawc hup vsvmx mkaq muinz tvy shuinc tvkoc shunshvlc muex taq tueq, Yehowa muex nawk palx juing baung nuex vhomc vtumc phvnx kuex jauk vtueq, vpiq muex nawk palx vtueq vpiq muingc maq miq htenc muex ruimruimx kuq yaq rvtueq.

1 KAÜWA WERAÜ 28:11

Dawid rueq Solomon muex Shomc Yuimx nuex seng vtueq tsak vnyvmx tvy juing khok htenc nuiyc vganc khok htenc, mvrax dawc juing Vsawc Pinhtumc Baung htenc kuex guirc tvkoc vrawz romz yac kuq tueq.

DUNGWVNC 30:36

Vhomc vshot kvwawc wvyvmc kuex tvwanx htuiuz ruiux, Ngaz httax taungx Tap mungx nuex lvmz laq vtueq Bomkhvrc Jep kvlc kvyuq wuinc shuiuz. Kvruex vhomc vshot kuex vsawc pinhtumc vhomc vtumc muex tvyaungc rax.

DUNGWVNC 30:5

Kantaung htenc kuex akasia pulx maq tvhungx guirx ruiux, kuimshawx maq yop shuiuz.

DUNGWVNC 30:7

Arun rueq wvraungx nvp tek wvrkok htenc kuex tvyoalc shuex nuex, kvruex htauk kvyuq vhomc vtumc phvnx htenc kuex juiuz rax.

DUNGWVNC 40:26

Piq rueq kuimshawx shomrawx kuex Tap mungx nuex taq tueq, vjuinc vruez max kox kvyuq taq ruiux,

DUNGWVNC 40:3

Kvruex yuq Tvrac Rokshiz httax yaq Bomkhvrc Jep kuex htawc taq ruiux, max kox kvyuq vjuinc juing khvymvnz maq tuk shuiuz.

DUNGWVNC 40:5

Vhomc vshot juiuz juing kuimshawx shomrawx kuex Bomkhvrc Jep max kac kvyuq taq vtueq, Tap kaluix nuex vjuinc juing kuex pauk tvhungx shuiuz.

LEWI 16:13

Piq rueq Yehowa httax yaq nuex vhomc phvnx kuex wvr kuinx htauk kvyuq wuinc rax, vhomc phvnx vjauk wvr khuiuq kvraq Bomkhvrc Jep guip kuex puingc wvnc ningkhvnc nuex kvruex piq rueq khiz muq shex nuiyc thueyc tuex rvmuq shex.

WEAWEA 17:4

Ngvlhtulc htenc kvruex kuex ngaz httax yaq Tap nuex lvmz laq vtueq, Bomkhvrc Jep khaungkac nuex taq shuiuz, kvyuq ngaz kuex mnoz rulc rvhumc tix.

Matthew 27:51

Kvruex kaq Shomc Yuimx nuex khvyluiz phux vjuinx taq kuex raungkox vphaungc maq gaq kox vtvsuip nuex httuiuc laz kvjuirc kaz tueq. Gaqyung muinz mux tueq, lung rauk htenc muinz bunx khoz wvnc tueq,

Hebrews 4:16

Kvkhoc rvtueq naungshiq khvmc thuinz maq Tishox hoc daungraungc khaungkac nuex nyuip wuez ix. Kvkhoc ngoz ruiux naungshiq kuex menjenc kuy lvmx rvhumc tix nuiyc rax yaq nuex naungshiq muex romc kuy kejux lvp wvnc wuez shix.