DUNGWVNC 30:8 - Hawa Naga Bible 2001

⁸ Piq rueq raungyac kox nuex wvrkok htenc tvluic shuex nuex raungnvp nuex shuimx yaq ikhoc shuimx yaq. Vkhoc vhomc vtumc phvnx shomc kuy yauk shuimc kuex pattup shuimx kaz wuez shuinx.

ASII LAKDAP Bible (BSI)

⁸ Kiimaq apaiq raq raji ko na lem tiinyaitlaq akhing niimin akhiisii homseng honglu kra chaqho lili riichang. Ara homseng honglu ke arka pattup pat-sa atsaq kai maiq mak kuq wan ruqli riichang.

DUNGWVNC 30:8 Referencias Cruzadas

2 KAÜWA WERAÜ 26:18

piq muex tvwanc tueq. Tsuinghez rueq, “Uzia lex! Mnoz rueq Yehowa muex vhomc vtumc juiuz kuy vkhangx lvp muq. Arun suiuz vsaz hez wawc vsvt wvnc shomc waz bix rueq dvyx vkhoc yauk shuimc kuex shuimc tvkoc lekuy rvhumc yoalx hez rueq dvyx mvy yaq. Kvkhoc rvtueq vruex vsawc baung vmaq dung kaz wvnc kuiuz. Mnoz rueq Yehowa Tishox muex yaq gay toq ningkhvnc nuex vpiq ruimrix kejux kuex mkaq muinz lvp shuiux rvmuq,” ngoz tueq jungx tueq.

Tvtsvmc 141:2

Ngvy vjux thoz bomc kuex homc hvlc phvnx loban ikhoc, ngvy yauk tenz vshaungx kuex raungyac wawc shomc nawk kuy juing ikhoc lvp wvnc koq.

DUNGWVNC 12:6

Kvruex yimaq raungx rokshiz rac raungx bvlic raungyac nuex Israel miqsaz lotlaz rueq kvruex nyvmx saz htenc kuex thvy wuez rax.

DUNGWVNC 25:37

Wvrkok htung kvruex tvkoc wvrkok mvshix tvhungx guirx shuinz, kvruex wvrkok htenc kvwawc max kox nuex vwuic lez dung laz juing tvhungx shuiuz.

DUNGWVNC 27:21

Arun nuiyc piq sahez rueq ngvy httaz juing Tap mungx nuex Bomkhvrc Jep vtuk shec maq kantsec kox nuex, wvrkok kuex raungyac maq raungnvp nuex httuiuc laz ngvy khaungkac nuex tvluic tvy rax. Israel miqsaz nuiyc tsuingshiq phvnx vmaq htenc rueq tvrac vruex mkaq muinz phvnc wuez rax.

DUNGWVNC 30:7

Arun rueq wvraungx nvp tek wvrkok htenc kuex tvyoalc shuex nuex, kvruex htauk kvyuq vhomc vtumc phvnx htenc kuex juiuz rax.

DUNGWVNC 30:9

Shomrawx kvruex htauk kvyuq tvwanc vruex shec vhomc vtumc phvnx, nyvmx saz shomc kuy, vruiy vwungx shomc kuy kuex shomc kuq lvp shuinx rvmuq, kvruex htauk nuex svpiq tix shomc kuy kuq lvp shuinx rvmuq.

Romans 8:34

Kvkhoc rvtueq tsuingshiq muex murx kuex uraq lac tvgurc lot shvnx? Christu rueq phox kuq shuex rvmuq, vthueyc khvmc tueq kvdvyx muinz rvmuq, vthueyc wawc yuing kvtenc wvnc tueq Christu Yesu kuex Tishox yauk keq kox nuex ngaungc ruiux, naungshiq tvkoc Tishox kox wawc kvmenc jenc thoz kuq yaq.

1 Thessalonians 5:17

Thauk muit maq vjux thoz shuinz,

Hebrews 7:25

Kvkhoc rvtueq vpiq muingc maq Tishox kox nuex kvnvp wvnc jix htenc kuex mkaq muinz palc daungc wvnc shuex, yvmx khoc lac ngoz ruiux lec vpiq kuex tsuingshiq tvkoc Tishox kox wawc thoz kuy muex pattup tvraungx httax yaq.

Hebrews 9:24

Yvmx khoc lac ngoz ruiux lec Christu kuex vsuing vsawc baung muik shauk rulc rv-ngvlc yaq miqsaz yauk maq vtvhungx Vsawc Baung nuex nyuip muq maq, raungmungx nuex nyuip vtueq majuiuc naungshiq laung nuex Tishox khaungkac nuex httax yaq.

1 SAMUEL 2:28

Shomrawx nuex yauk shuimc tvkoc muinz, vhomc vtumc phvnx juiuz tvkoc muinz, svmhung hungtuingx svmx vtueq ngaz rulc rvjungc phvnc tvkoc muinz, Israel phvnx lotlaz htauk wawc ngvy shomc waz yaungc tvkoc piq yuimx wuinz kuex ngaz rueq httauk wvnc tauk. Ekvmaq raz tueq shomrawx htauk nuex wvr maq jauk shomc kuq yaq htenc wawc mvnjuz lvp tvkoc muinz tsuinghez muex ngaz rueq kuq tauk.