DUNGWVNC 30:8 - ASII LAKDAP Bible (BSI)

⁸ Kiimaq apaiq raq raji ko na lem tiinyaitlaq akhing niimin akhiisii homseng honglu kra chaqho lili riichang. Ara homseng honglu ke arka pattup pat-sa atsaq kai maiq mak kuq wan ruqli riichang.

Hawa Naga Bible 2001

⁸ Piq rueq raungyac kox nuex wvrkok htenc tvluic shuex nuex raungnvp nuex shuimx yaq ikhoc shuimx yaq. Vkhoc vhomc vtumc phvnx shomc kuy yauk shuimc kuex pattup shuimx kaz wuez shuinx.

DUNGWVNC 30:8 Referencias Cruzadas

2 KAÜWA WERAÜ 26:18

apaiq ka tiiwinhoto. Tsangshiq raq apaiq ma nguto, “Ujjia! Ümniiraq Tatiwe ma homseng honglu chaq kuq lot maü. Aron saüse phan ramwebi kli ara jaqsham miitu kiinong kuq wanto. Ara asii hiq ba arwa ümniika tiijin tlo laq. Ümniiraq Tati Shiikeawe ka roi laü. Kiimaq apaiq achu shiiman ümkhu thaq na ahü she.”

Tvtsvmc 141:2

Ngi raq achu jaütiikang arka honglu akuq ikha taolaq, ijaq ra na dotiikang arka raji honglu akuq ikha taolaq.

DUNGWVNC 12:6

Kra raütiishe kra jipi wa jikham rablai ngo raji niishe, Israilnok mungmaiqse tlotli raq kra nyamse ka tachang.

DUNGWVNC 25:37

Lem-khamchong kiijaq thü chang lemsetiim ka miishi klolaq. Laüta lem thun ka rin nü na aheawiq liliim chang miitu atochang na tiihong thütaq.

DUNGWVNC 27:21

Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

DUNGWVNC 30:7

Wranaptek Aron ka lem tsrup riiqwa watlaq akhingtek na, apaiq raq ara berong-wacha arjaq ahomwiq-homseng honglu ka chaqho lili riichang.

DUNGWVNC 30:9

Ara berong-wacha arjiika laihin kuqmai chang phan homseng honglu ka keho maimak. Kiimaq jamlai phan nyamse honglu jiimin, lo kiimaq jamlai phan wong-honglu jiimin arjaq keho maimak. Kiimaq jamlai phan spiqtai honglu li jiimin arjaq nyuk ka maimak.

Romans 8:34

Riita, tsangshiq shra wanti ka jushe wa sitla? Ahü she! Ümchaü ka jumin ahü she. Nashiq khupi ma tsaiti we, raüta amaa wa dong wanti we, Jesuq Khristo ka ümchaü sanha, Shiikeawe rai adam na, Shiikeawe ngatlaq kiijaq, jaqtsi nü na nga raüta, Shiikeawe man na, nashiq ara tiikhup wongke miitu, kiimwe ma jatlo!

1 Thessalonians 5:17

Wranaiqshe achu jaüshat maq si ronglaq.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

1 SAMUEL 2:28

Israilnok maiqphan tlotli sitlaq kra phong wa, ngi raq tsangta ka, iramwebi ma, berong-wacha na jaqsham ma, honglu homseng kra chaq ma, kiimaq asii miirii sam raüta, ngi rai bom riichong ma nguta shongkang. Kiimaq ngi raq tsangshiq ma berong-wacha na chaq chang ngam kiiwa tsangshiq rii ngamrea lamthü miitu arang kuqkang.